Nehemiah 9

Shona (Baiberi Magwaro Matȿene aMŋari 1949 (Doke)

← Chapter 8 Jump to: Chapter 10 →

1Ɀino pazuʋa ramakumi maʋiri namanna romŋedzi uyu ʋana ʋaIsraeri ʋakaʋuŋgana, ʋakaɀinyima ɀokudya, ʋakafuka magumbu, ʋanevu pamisoro yaʋo.

2Ʋorudzi rwaʋaIsraeri ʋakaɀiraʋura paʋatorwa ʋose, ʋakamira ʋakaɀireʋurura ɀiʋi ɀaʋo neɀitadzo ɀamadziɓaɓa aʋo.

3Ʋakasimuka paʋakaŋga ʋagere, ʋakaraʋa mubuku yomurairo waJehova Mŋari waʋo mugoʋe wecinna wezuʋa; mumŋe mugoʋe wecinna ʋakaɀireʋurura nokunamata kunaJehova Mŋari waʋo.

4Ipapo Jeshua, naBani, naKadmieri, naShebania, naBuni, naSherebia, naBani, naKenani ʋakamira pamatanho aʋaRevi, ʋakacema nenzwi guru kunaJehova Mŋari waʋo.

5Ipapo ʋaRevi, Jeshua, naKadmieri, naBani, naHashabineya, naSherebia, naHodia, naShebania, naPetahiya ʋakati: Simukai, muʋoŋge Jehova Mŋari wenyu nokusiŋgaperi‐peri; zita renyu rinobginya ŋgarikudzwe, iro rinokunda kuʋoŋga nokurumbidza kwose.

6Ndimi Jehova, imi moga; imi makaita ɗeŋga, nokuɗeŋgaɗeŋga, nehondo dzaro dzose, nenyika neɀose ɀiri mukati mayo, namakuŋgwa neɀose ɀiri mukati mawo; imi munoceŋgeta ɀose; hondo dzokuɗeŋga dzinonamata kwamuri.

7Ndimi Jehova Mŋari wakatsaura Abrama, mukamuɓuɗisa paUri raʋaKardea, mukamupa zita rinonzi Abrahama;

8mukaʋona kuti mŋoyo wake wakatendeka pamberi penyu, mukaita suŋgano naye kuti mucapa ʋana ʋake nyika yaʋaKanani, neyaʋaHiti, neyaʋaAmori, neyaʋaPerezi, neyaʋaJebusi, neyaʋaGirgashi, muciita seɀamakataura, nokuti makarurama.

9Mukaʋona kutambudzika kwamadziɓaɓa eɗu paEgipita, mukanzwa kucema kwaʋo paGuŋgwa Dɀuku;

10mukaratidza Farao ɀiratidzo neɀinoshamisa, naʋaranda ʋake ʋose, naʋanhu ʋose ʋenyika yake; nokuti makaziʋa kuti ʋakaʋaitira iɀoɀo nokuɀikudza; mukaɀiwanira rumbidzo, seɀaɀakaita nhasi.

11Mukaparadzanisa guŋgwa pamberi paʋo; naiɀoɀo ʋakayambuka pakati peguŋgwa pakawoma; mukawisira ʋateʋereri ʋaʋo makadzika, sebge mumvura inesimba.

12Makaʋafambisa ʋo masikati neshoŋgwe yegore, noʋusiku neshoŋgwe yomŋoto, kuti ʋavenekerwe panzira yaʋaifanira kufamba nayo.

13Makaɓurukira ʋo pagomo reSinai, mukataura naʋo muri kuɗeŋga, mukaʋapa ɀakatoŋgwa ɀakarurama nemirairo yaɀokwaɗi, nemitemo yakanaka, nemirairo.

14Mukaʋaziʋisa saɓata renyu dɀene, mukaʋaraira mirairo, nemitemo, nomurau, nomuromo waMosesi muranda wenyu;

15mukaʋapa ciŋgwa cakabva kuɗeŋga kuʋagutisa panzara yaʋo, mukaʋaɓuɗisira mvura pabge kupedza nyota yaʋo, mukaʋaraira kuti ʋapinde munyika kuiita yaʋo, iyo yamakaŋga maʋapikira kuʋapa.

16Asi iʋo namadziɓaɓa eɗu ʋakaita manyawi, ʋakawomesa mitsipa yaʋo, ʋakasaterera mirairo yenyu,

17ʋakaramba kuterera, kana kuraŋgarira ɀinoshamisa ɀenyu ɀamakaita pakati paʋo; asi ʋakawomesa mitsipa yaʋo, ʋakamukira Mŋari, ʋakaɀisharira mukuru kuti ʋadzokere kuʋuranda bgaʋo; asi imi muri Mŋari unokaŋganwira ʋanhu, unenyasha, neŋgoni zhinji, unononoka kutsamŋa, nounetsitsi huru; hamuna‐kuʋasiya.

18Kunyaŋge paŋguʋa yaʋakaɀiitira mhuru yakaʋumbga, ʋaciti: Ndiye Mŋari wenyu wakakuɓuɗisai paEgipita, ʋaka ku tsamŋisai kwaɀo,

19kunyaŋge ɀakaɗaro, hamunakuʋarasha murenje, nokuɗa kwetsitsi dzenyu zhinji; shoŋgwe yegore hainakubva pamsoro paʋo masikati, icirega kuʋafambisa panzira, kana shoŋgwe yomŋoto ʋusiku, icirega kuʋavenekera nokuʋaratidza nzira yaʋaifanira kufamba nayo.

20Makaʋapa ʋo mŋeya wenyu wakanaka kuʋadzidzisa, mukasanyima miromo yaʋo mana yenyu, mukaʋapa mvura kupedza nyota yaʋo.

21Makaʋararamisa makore makumi manna murenje, ʋakasashaiwa cinhu; ŋguʋo dzaʋo hadzina‐kusakara, ʋuye tsoka dzaʋo hadzina‐kuɀimba.

22Makaʋapa ʋo ʋushe naʋanhu, mukaʋaganhurira nyika yaʋo; naiɀoɀo ʋakapiwa nyika yaSihoni, iyo nyika yamambo weHeshboni, nenyika yaOgi mambo weBashani.

23Mukawanza ʋana ʋaʋo ʋakaita senyeredzi dzokuɗeŋga; mukaʋaȿitsa panyika yamakaʋudza madziɓaɓa aʋo kuti ʋacapinda’mo kuzoiita yaʋo.

24Naiɀoɀo ʋana ʋakapinda panyika ʋakaiita yaʋo; imi mukaʋakundira ʋanhu ʋakaŋga ʋagere munyika iyo, iʋo ʋaKanani; mukaʋaisa mumaʋoko aʋo, pamŋe cete namadzimambo aʋo naʋanhu ʋenyika iyo kuti ʋaite naʋo seɀaʋakaŋga ʋaciɗa.

25Ʋakakunda maguta akakombga, nenyika inefuma, ʋakatora dzimba dzakaŋga dzizere neɀose ɀakanaka, ɀaiti: Matsime akacerwa, neminda yemizambiriŋga neminda yemiorivi, nemiti yakawanda inoɓereka micero; naiɀoɀo ʋakadya, ʋakaguta, ʋakakora, ʋakaɀifarira nokuɗa kwoʋunyoro bgenyu ʋukuru.

26Kunyaŋge ɀakaɗaro haʋana‐kuterera, ʋakakumukirai, ʋakarashira murau wenyu shure kwemisana yaʋo ʋakaʋuraya ʋaprofita ʋenyu ʋaiʋapupurira, ʋaciɗa kuʋadzosera ɀe kwamuri, ʋaka ku tsamŋisai kwaɀo.

27Saka makaʋaisa mumaʋoko aʋadziʋisi ʋaʋo, ʋakaʋamanikidza; ɀino paŋguʋa yokutambudzika kwaʋo, pakucema kwaʋo kwamuri, makaʋanzwa iko kuɗeŋga, netsitsi dzenyu zhinji mukaʋapa ʋarwiri ʋakaʋarwira pamaʋoko aʋadziʋisi ʋaʋo.

28Asi ʋakati ʋazorodzwa, ʋakaita ɀakaipa ɀe pamberi penyu; saka makaʋaregera ɀe mumaʋoko aʋaʋeŋgi ʋaʋo, iʋo ʋakaʋaɓata nesimba; kunyaŋge ɀakaɗaro pakudzoka kwaʋo, nokucema kwaʋo kwamuri, makaʋanzwa kuɗeŋga, mukaʋarwira kazhinji netsitsi dzenyu;

29mukaʋapupurira, kuti muʋadzosere ɀe kumurau wenyu; kunyaŋge ɀakaɗaro ʋakaita manyawi, ʋakasaterera mirairo yenyu, asi ʋakatadzira ɀamakaŋga matoŋga, (iɀo ɀinoti kana munhu aciɀiita, ucararama naɀo,) ʋakabvisa fudzi raʋo, ʋakawomesa mitsipa yaʋo, ʋakaramba kunzwa.

30Kunyaŋge ɀakaɗaro makaʋa netsitsi naʋo makore mazhinji, mukaʋapupurira nomŋeya wenyu naʋaprofita ʋenyu; asi ʋakaramba kuterera; saka makaʋaisa mumaʋoko aʋanhu ʋenyika iyo.

31Kunyaŋge ɀakaɗaro, netsitsi dzenyu zhinji hamuna‐kuʋapedza cose, kana kuʋarasha, nokuti muri Mŋari unenyasha netsitsi.

32Naiɀoɀo ɀino, Mŋari weɗu, Mŋari mukuru, unesimba, unotyisa, unoceŋgeta suŋgano yake netsitsi, kutambudzika kwose, kwakatiwira isu, namadzimambo eɗu, namacinda eɗu, naʋaprista ʋeɗu, naʋaprofita ʋeɗu, namadziɓaɓa eɗu, naʋanhu ʋenyu ʋose kubva pamazuʋa amadzimambo eAsiria kuȿikira nhasi, ŋgakurege kuita secinhu ciɗuku pamberi penyu.

33Asi imi makaita henyu ɀakarurama paɀose ɀakatiwira, nokuti makaita neɀokwaɗi, asi isu takaita ɀakashata.

34Kunyaŋge madzimambo eɗu, namacinda eɗu, naʋaprista ʋeɗu, namadziɓaɓa eɗu, haʋana‐kuceŋgeta murau wenyu, kana kuterera mirairo yenyu neɀipupuriro ɀenyu, ɀamakaʋapupurira naɀo.

35Nokuti haʋana‐kukushumirai paʋushe bgaʋo, ʋuye nokuɗa kwoʋunyoro bgenyu ʋukuru bgamakaʋaitira, napanyika huru inefuma yamakaʋapa; haʋana‐kurega maɓasa aʋo akaipa.

36Tarirai, tiri ʋaranda nhasi, ʋuye kana iri nyika yamakapa madziɓaɓa eɗu, kuti ʋadye ɀiɓereko ɀayo neɀakanaka ɀayo, tarirai, tiri ʋaranda mairi.

37Ɀiɓereko ɀizhinji inoɀiɓerekera madzimambo amakaisa pamsoro peɗu, nokuɗa kweɀiʋi ɀeɗu; iʋo ʋanesimba ʋo pamiʋiri yeɗu, napaŋombe dzeɗu, seɀaʋanoɗa; tiri pakumanikidzwa kukuru.

38Kunyaŋge ɀose ɀakaɗaro haɀo, tinoita suŋgano inesimba, ticiinyora; namacinda eɗu, naʋaRevi ʋeɗu, naʋaprista ʋeɗu ʋanoisimbisa.

← Chapter 8 Jump to: Chapter 10 →