bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Judges 10
Judges 10
Sukuma 2019
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 11 →
1
Aho lyabīta ī likanza lya ng'wa Abimeleki, ūbūūka ngosha wa kūbapīja a Baisilaeli, wa kūfuma mu lūganda lwa ng'wa Isakaali, lina lyakwe Toola ng'witūnja o ng'wa Pua ng'wana Dodo. Ū wei walī azengile Shamili, mu sī ya magūlya ya Efulaimu.
2
Ū ngosha ng'wenūyo akabatongeela a Baisilaeli ikanza lya myaka makūmi abīlī n'idatū, hūna ūcha, ūjīkwa mu Shamili.
3
Ū ng'wenūyo ūlondeelwa na Yaili wa Gileadi; nang'hwe ūbatongeela a Baisilaeli ikanza lya myaka makūmi abīlī n'ībīlī.
4
Walī na bitūnja makūmi adatū, baalī na ndamhī ja nzobe makūmi adatū. A bitūnja benabo ū mu Gileadi baalī basugile mizengo makūmi adatū, īyo kūshisha lelo ītaalī īkwitanagwa Havoti-yaili.
5
Ū Yaili aho waacha ūjīkwa mu nzengo gwa Kamoni.
6
A Baisilaeli bīīta hangī yabūbi ū kū būtongi bo ng'wa SEEBA; bandya kūgatūmamīla Maabaalī na Maashitoleti, na baamulungu ba Alaamu, baamulungu ba Sidoni, baamulungu ba Moabu, baamulungu ba Baamoni, na baamulungu ba Bafilisiti. Na lūūlū īkī a Baisilaeli bakang'wīība ū SEEBA, booya ū kūntūmamīla,
7
akabapelanīla no. Ūbajinja mu makono ga Bafilisiti na Baamoni.
8
Ū ng'waka ngwenūyo būbaponda ponda na kūbakenaagūla kībi no. Yūbīta myaka ikūmi n'īnaane bakūbaluhyaga pye a Baisilaeli ba kū ntambūko gwa kīya ya mongo gwa Yolodani, ū kū sī ya Gileadi; ī ya Baamooli.
9
A Baamoni nabo būyūgūkīla ū mongo gwa Yolodani kwiza kwilwisha būlūgū na a banhū ba lūganda lwa ng'wa Yuda, na a ba lūganda lwa ng'wa Benjamini, na a ba ng'wa Efulaimu; a Baisilaeli būbiza mu makoye madito no.
10
Hūna a Baisilaeli būnīlīīla ū SEEBA balīhaya, “Twakūhūbile nguno twanekile ū Mulungu wise twandya kūgatūmamīla Maabaalī.”
11
Ū SEEBA ūbashokeja alīhaya, “A Bamisili, na a Baamooli, na a Baamoni, na a Bafilisiti,
12
na a Basidoni, na a Baamaleki, pye na a Bamoabu aho baamukoyaga no no no, nose ng'ūnilīlīīla gīkī namugunaane, natamupīgije ū mu makono gabo?
13
Alīyo ī haha ng'wanilekile ng'wandya kūtūmamīla baamulungu bangī; na lūūlū natūshokeela hangī kūmuguna.
14
Jaagi mukabalīlīīle a baamulungu abo ng'wabasola, a benabo hū bene bakūmupīja ūlū mulī mu makoye.”
15
Alīyo a Baisilaeli būnshokeja ū SEEBA gīkī, “Twahūbile; twītīlage mhayo gose gose ūyo ūlīgūbona gīkī gūlī gwawiza. Gwike tūlīkwikūmbīlīja ī haha ūtūpīje.”
16
Hūna būgīnja a maamulungu ga nyageni ayo baalī nago, bandya kūntūmamīla SEEBA. Umulungu ūdūūma kwiyūmīlīja kūwiloleela ū būluhi wa Baisilaeli wa būligwa.
17
A Baamoni aho bihela kwamba būlūgū, būtūūl'ī ng'hambī yabo mu Gileadi; a Baisilaeli nabo bikuminga, a bene būtūūla ī ng'hambī yabo Misipa.
18
A batongeeji ba bana Gileadi būyilūnja lūnja boi bike balīhaya, “Nani akwandya ū kūlwa na a Baamoni? Ū ng'wenūyo akūbiza ntongeeji wa bana Gileadi bose.”
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21