bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Judges 5
Judges 5
Sukuma 2019
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 6 →
1
Ū lūshikū lwenūlo ū Debola nū Balaaka ū ng'witūnja o ng'wa Abinoamu, bīmba ī lyīmbo īlī,
2
“A batongeeji ba Baisilaeli baalī bifunije kūtongeela, na a banhū būlondeela mu būtogwa wabo, akumīlījiwe ū SEEBA!
3
Bing'we batemi degelekagi, na a bing'we batongeeji tegagi matū! Nakūng'wīmbīla ū SEEBA; ū nene ng'wenūyū nakwīmba. Nakwīmba mīmbo ga kūngongoola SEEBA, ū Mulungu wa Baisilaeli.
4
Ee SEEBA, aho ūkafuma ī Seili kwīnga ko, aho ūkaselema kūfuma mu sī ya Edomu, ī sī īkatingina, nī ligūlū lidīka minzī; alichene, a malunde gakiita minzī.
5
Ī ngūlū jikatingina ū kū būtongi bo ng'wa SEEBA, nī Sinai īkatingina ū kūbūtongi wakwe ū SEEBA Mulungu wa Baisilaeli.
6
Ū mu shikū ja ng'wa Shamuga ng'witūnja o ng'wa Anati; ū mu shikū ja ng'wa Yaeli ī nzīla ī nhaale jikacha, a bashimīzi būshoka kūbītīla kū nzīla ja mu masaka.
7
A kiikalīle kakalema ū mu sī ya Isilaeli, kūūlema jigi kūshisha nūūbūūka nene Debola; nūūbūūka ū nene ninaabo ū mu sī ya Isilaeli.
8
Aho baasola kūbiza na baamulungu bageni, būbiza beegeleja būlūgū kū mibita ya mizengo. Ū mu Baisilaeli shihūmbī makūmi anè, lūkiigela lūmūda lose lose nūūlū ichimu lya ngota?
9
Ī ng'holò yane īlī hamò nabo a batongeeji ba Baisileli abo bifunije kūbatongeela a banhū mu būtogwa wabo; akumīlījiwe ū SEEBA!
10
Bing'we bashimīzi gūkumūchagi ū mhayo gwenūyū, a bing'we abo mukajaga mudamhīlile nzobe jaape, kūnū ng'wigasījaga myenda yawiza; na a bing'we abo mukashimīzaga wa magūlū.
11
Jaagi mukwīmbaga ū kū nzwinzī ja kūdahīla minzī, ū kwenūko bakīīhooyelaga ī ya būtindi bo ng'wa SEEBA; ī ya būtindi wa banhū bakwe ū mu Isilaeli. Hūna a banhū ba g'wa SEEBA būshimīza baliika kūja kū mibita.
12
Būūkaga Debola, būkaga wīmbe; alichene, būkaga, būkaga wīmbe lyīmbo. Gūngūmūkaga Balaaka ng'witūnja o ng'wa Abinoamu, basolage abo wabadiimile mu būlūgū ūbatongeje babize nding'wa jako.
13
Hūna a bagosha ba mbagashūūla abo baalī basaagīīla būseesa bizile, a banhū ba ng'wa SEEBA būnilondeela, kūja kwilwisha na banhū ba nguzu.
14
Bangī bakiza kūfuma Efulaimu; a benabo ī fumo yabo yalī Amaleki. Nū Benjamini walī hamò na a banhū bako, a batongeeji abo bakakūkūūbīja kūfuma Makili; nū kūfuma ī Zabuloni biiza babūūcha ba nang'ha gwa ntongeeji.
15
A bataale ba mu Isakaali baalī hamò nū Debola, alichene, a ba lūganda lwa ng'wa Isakaali baalī hamò nū Balaaka. Baaja bakūnkūūbījaga wa nhambo ū kū sī ya ntubīlo. Alīyo a ba sī ya lūganda lwa ng'wa Lubeni baalī na ng'holò ndito.
16
Nguno kī ūkadīīla wigaashaga mu mbīgīlī ja ng'holo, ūkūdegelekaga mbiilulu ja badīīmi ba ng'holo dūhū? A ba mu sī ya lūganda lwa ng'wa Lubeni baalī na ng'holò ndito.
17
Ū Gileadi nang'hwe akikala kū nkīlo gwa Yolodani; al'ū Dani nang'hwe, ni kinehe akajimīīja makanza kūmanūlola lola meeli jakwe dūhū? Ū Asheli walī sele sele kū ng'walo gwa nyanza, walī alembeelile kū ng'walo gokwe dūhū.
18
A banhū ba lūganda lwa ng'wa Zabuloni bakifunya kūcha na kūpīla; na a ba lūganda lwa ng'wa Nafutali, gīkī nūūlū bakachīle kū magūlya ga kū matogolo.
19
Batemi bakiiza, biiza kū būlūgū, a batemi ba Kanaani būūlwa būlūgū; bakalwīīla Taanaki bbihī na minzī ga Megido. Alīyo batabūūkije feza jose jose, nūūlū batajanile nding'wa.
20
Ī sonda ja kwigūlū jikilwisha nabo, ū mu kaīle kaajo jikayūūlwa būlūgū nang'hwe ū Sisela.
21
Ū mongo gwa Kishoni nago gūūbabūūcha gūbaselengetije; alichene, ū mongo gwa kale, ū gwa Kishoni. Jaaga gīko būpanga wane, bizaga na nguzu.
22
Hūna ī chūūga sha falasa shūligitya na mitindo mitaale, jūūligitya, ligiti jijile ī falasa ja nguzu.
23
Ū Malaika o ng'wa SEEBA ūhaya, ‘Īzumagi ī Meloza; bazumagi izumo lyabūbi a banhū baamo, nguno batiizile kūnwīīlīīla ū SEEBA, kūnwīīlīīla ū SEEBA kū banhū ba nguzu.’
24
Ū Yaeli ū nke o ng'wa Hebeeli ū Nkeni, ng'weene nkīma mfuuhwa ū mu bakīīma bose pye; alī nkīma mfuuhwa mu bose a biikaji ba mu maheema.
25
Aho walomba minzī, ū nkīma ng'weenūyo ūng'winha mabeelè, ūng'wenhela mabeelè maliboto, ng'wibbakuli lya kūng'wela bataale.
26
Hūna ū nkono gwa nkīma ng'wenūyo gūūdima lūmambo lwa h'iheema, ū nkono gwakwe ū gwa būlyo gūūsola nundo ya batūmami. Ūnkaanula ū Sisela, ūgūtobola ū ntwe gwakwe; ūlūpaanula ū lūpanga lwa ha būshū kūshisha kūpūndūka.
27
Ūgwa ha sīlīlī ya magūlū ga ng'wa Yaeli, ūlaala; ūbiza washilīla henaho. Ūgwa ha sīlīlī ya magūlū ga nkīma ng'wenūyo, ūlaala; aho akagwīīla, hū ah'akalaala tūlo ya lūfu.
28
Nose ū nina o ng'wa Sisela wandya kūkengeela mu ng'hengeleji, ayūsūūla kūbītīla mu mbawa ja mu madilisha; kūnū akūlīlaga alīhaya, ‘Nibūlī lyadīīlaga gīkī shi lelo ī ligogoteni lyakwe ū kūshika? Ī mitindo ya magogoteni gakwe, Ī lelo yadīījiagwa kī?’
29
Bakīma ba masala baalī hamò nang'hwe, būnshokeja; alīyo nū wei ayiwīla akwishokeela shokeelaga alīhaya,
30
‘Ī gete hamo bakūlola lolaga shikolo na kūgabanha nding'wa, ūyo wasola ng'wanikī nūūlū babīlī; ū Sisela nūūlū tūūshizwalo twa mabala gawiza wiza, tūūmyenda twa mabala gawiza tūsumilwe chiza chiza, nū nene ū kūfuma ū mu nding'wa jenījo napandīke nūūlū tūshitambaala tūbīlī twa būlenji būsoga, twakwikonzeela mu nhingo?’
31
SEEBA ni bayagaalage gīko pye a banishi bako! Alīyo abo bakūtogilwe a bene babize gītī līīmi, ūmo līkafumīlaga mu nguzu jalyo jose.” Na lūūlū ī sī yifuula ikanza lya myaka makūmi anè.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21