bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Judges 15
Judges 15
Sukuma 2019
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 16 →
1
Mu shikū ja magesa ga ngano, ū Samsoni ūsola kabūli kasongi, ūja ū kū būkwiiye kūūnola ū nke wakwe. Aho washika ūhaya, “Naje ū mu maji ūmo, ū mulī nke wane.” Alīyo ū ise wa nkīma atanzunīlīgije ū kwingīla mo.
2
Ūng'wīla, “Ū nene nakabona gīkī ī gete wankolilwe no, nūng'wihna ū nwani ng'wiyo ūyo walī nsheesha wako. Alīyo naaheene ūlībona kinehe ūlū kūnsola ū nzunaye, angū nīyo ū ng'wene wawiza kūtinda?”
3
Nang'hwe ū Samsoni ūhaya gīkī, “Ū lūkangala ūlū natī na kabi ū kū Bafilisiti, bakūnibona nakūbagoloola dūhū.”
4
Na lūūlū ūja kū masaka ūūkatega nyamhawa, ūjigwasha magana adatū; hūna ūjitunganīja ibīlī bīlī jiinhīla mikīla. Ī mikīla būbīlī wayo wīītunganīja hamò na līchenge.
5
Hūna ūlībacha moto ī līchenge, ūjilekela ī nyamhawa jenījo jūbbūmbūgala jijile sagala, mu migūnda ya shilīwa sha Bafilisiti shalī shitaalī mu malaale. Shūūjiga pye gete, īsho shalī shitaalī shīmīīlile, nī shisho shalī shabbutagūlwa shūlūndīkwa mu migūnda; pyī nī migūnda ya mizabibu, nī ya mizeituni.
6
A Bafilisiti aho baabūūja gīkī, “Nani wagwītile ū mhayo gwenūyū?” Būwīlwa, “Samsoni ū nkwīlīma wa mu Timuna; nguno wataajiwe ū nke, winhwa ū nwani ng'wiye ūyo walī nsheesha wakwe.” A Bafilisiti būnsanga ū nkīma ng'wenūyo nū ise, būbapemba mu moto būcha.
7
Ū Samsoni nang'hwe ūbawīla, “Ūlū h'ūmo mulīītīla ūmu, naane natooya kūshisha namumalīle shiilī gete.
8
Hūna ūbasalīla kūbatūlagūla, būcha bingī no; hanuma wīnga ū kwenūko, ūja ūūkingīla ng'wihalo lyiwe lya Etamu.”
9
A Bafilisiti būlinha bajile kū sī ya banhū ba lūganda lwa ng'wa Yuda, būūkatūūla ng'hambī yabo bbihī na Lehi.
10
A banhū ba lūganda lwa ng'wa Yuda būbabūūja gīkī, “Ni kinehe ng'wiza kūtūdumīla?” Nabo būbawīla, “Twizaga kūnsola Samsoni tūntwaale tūkang'wītīle gīt'ūmo watwītīlile a bise.”
11
Na lūūlū banhū shihūmbī shidatū ba lūganda lwa ng'wa Yuda būja ū kwihalo lya kwiwe ī Etamu, būūkang'wīla ū Samsoni, “Bebe ūtamanile gīkī a Bafilisiti batūsugile? Watwītīlile mhayo kī ū gwenūyū?” Nang'hwe ūbashokeja alīhaya, “Ū nene naabīītile gīt'ūmo baanīītīlile dūhū a boi.”
12
Hūna būng'wīla, “Alilūūlū twizaga kūkūdima tūkakūtūūle mu makono gabo a Bafilisiti.” Nang'hwe ū Samsoni ūbawīla, “Niilahīlīlagi taame gīkī mutūnibūlaga a bing'we.”
13
Būng'wīla, “Būgatū a bise tūtūūkūbūlaga, tūkūkūtunga dūhū tūkūtwaale ū kūbo.” Hūna būntunga na ngoye ibīlī mhya, būntonja bantwaalile ū kūfuma ū kwiwe.
14
Aho beegeela ī Lehi, biza a Bafilisiti kūmanhya nang'hwe kūnū bakūyoganyaga. Hūna ū Moyo o ng'wa SEEBA ūng'wizīīla na nguzu ningī. Ī ngoyī ījo jalī jitungilwe kū makono gaakwe jūbiza gītī būlūba būkūpyaga moto; īsho walī atungilwe ū mu makono gaakwe shūlagala.
15
Ūbona iguha lyisaya lya nzobe lyalī lītaalī idoto, ūlīsola ūyūbatūla; ūbūlaga bagosha shihūmbī shimò.
16
Hūna ū Samsoni wandya kūhaya, “Naabasendeka makīgo makīgo n'iguha lyisaya lya nzobe. Bagosha shihūmbī shigima, nababūlaga n'iguha ly'isaya lya nzobe.”
17
Aho wamala ū kūhaya ī gīko ūlīponya ī liguha lyisaya lya nzobe; ī lipandī lyenīlo linhwa lina lya Lamati-lehi.
18
Akakolwa notà no, na lūūlū ūnīlīīla ū SEEBA alīhaya, “Ū ntūmami wako wang'winhaga būtindi būtaale gīkī, hū nabūlagwe notà kūshisha nagwe mu makono ga banhū abo batasaalilwe aba?”
19
Ī Lehi ng'wenūmo lyalīho ipandī itubīzu lya nyashimu, ū Mulungu ūtandūla ho gilonga minzī. Ū Samsoni aho wang'wa jūshoka ī nguzu jakwe ūdaama; ū lwinzī lwenūlo lwitanwa Eni-hakole, nī lelo lūlīho ī Lehi.
20
Ū Samsoni akabatongeela a Baisilaeli ikanza lya myaka makūmi abīlī ū mu shikū ja Bafilisiti.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21