bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Judges 3
Judges 3
Sukuma 2019
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 4 →
1
A mahanga aya hū gene ayo akagaleka ū SEEBA kūlwa kūbagema a Baisilaeli a bose abo baalī batabūlwile ū būlūgū wa mu sī ya Kanaani.
2
(Ū gwenūyo akagwīta kūlwa kūbalanga dūhū a banhū ba shibyalīlwe sha Baisilaeli abo baalī batabītile mu būlūgū; nabo bīībītīle ī mihayo ya būlūgū.)
3
A mahanga genayo gaalī aya, sī ya basugi bataano ba Bafilisiti, pye a Bakanaani, Basidoni, Bahīvī abo biikalaga kū ngūlū ja Lebanoni, kūfuma kū lūgūlū lwa Baali-helimoni kūshisha kū nzīla ya Hamati.
4
A mahanga genaya gakalekwa kūlwa kūbagema a Baisilaeli, kūbabona ūlū bakūbiza biigwi ū kū shilagīlo sha ng'wa SEEBA, īsho walī wabinha bakūlūgenji babo mu nzīla ya ng'wa Musa.
5
Na lūūlū a Baisilaeli biikala hamò nabo a banhū ba mahanga ga Bakanaani, Bahītī, Baamooli, Bapelizi, Bahīvī, na a Bayebusi.
6
Na a bashīke babo būyūbatoola, na a boi būyūbazunīlīja a bashīke babo kūtoolwa na a basūmba ba mu mahanga genayo; hama na a baamulungu babo būyūbatūmamīla.
7
A Baisilaeli bakīīta yabūbi ū miso ga ng'wa SEEBA, nguno bakang'wīība ū SEEBA Mulungu wabo, bandya kūgalamya Maabaalī na Maashela.
8
A henaho ū būpelanu o ng'wa SEEBA būbapembekela no nīyo a Baisilaeli, ūbajinja mu nkono gwa ntemi Kushani-lishasaimu, wa Mesopotamia; wandya kūbaluhya a Baisilaeli kūshisha ikanza lya myaka īnaane.
9
Alīyo aho baanīlīīla ū SEEBA, ūbabūūkīja ngunanhi: Osinieli ng'witūnja o ng'wa Kenazi, nzunaye o ng'wa Kelebu; ū munhū ng'wenūyo hū ūbapīja.
10
Nguno Moyo o ng'wa SEEBA akang'wikīīla, ūbiza namuji, wabo a Baisilaeli; ūja na kwilwisha būlūgū nū ntemi Kushani-lishasaimu wa Mesopotamia. Ū SEEBA ūntūūla ū ntemi Kushani-lishasaimu mu nkono gwakwe ū Osinieli, ūng'heeba kībi no.
11
Ī sī yūbiza mu mhola ikanza lya myaka makūmi anè, kūshisha ūcha ū Osinieli ū ng'witūnja o ng'wa Kenazi.
12
A Baisilaeli bīīta yabūbi hangī ū mu miso ga ng'wa SEEBA, aho bīīta ū būbi wenūbo, ū SEEBA ūng'winha nguzu ntemi Eguloni wa Moabu, ja kūbaheeba a Baisilaeli.
13
Ū ntemi ng'wenūyo ūbalaalīka Baamoni na Baamaleki, hūna ūja kūbadumīla a Baisilaeli, būgūsola ū nzengo gwa mitende.
14
A Baisilaeli būsugwa na ntemi Eguloni wa Moabu ikanza lya myaka ikūmi na īnaane.
15
Alīyo a Baisilaeli aho baanīlīīla hangī ū SEEBA, ūbabūūkīja ngunanhi, Ehudi; munhū wa lūmoso, ng'witūnja o ng'wa Gela wa lūganda lwa Benjamini. A Baisilaeli būntūma ū Ehudi kūja na banhū ī ng'wa Eguloni ū ntemi wa Moabu, kūtwaala goodi.
16
Ū Ehudi walī wabeeja lūshū lwa būlīhu wa kūbiza gītī fuuti īmò na nusu. Ū lūshū lwenūlo ūlūtunga mu nkīmbīlī lūnungeela hitango lya kūgūlū gwa būlyo, hūna ūlūkundīkīja shizwalo īsho walī azwaalile.
17
Aho washika a ha ng'wa ntemi wa Moabu ū Eguloni, ūng'winha ī goodi. Ū ntemi ng'wenūyo walī ngīnu no.
18
Ū Ehudi aho wamala ū kūfunya ī goodi, ūbalaga a biye abo walī wiza nabo bībūkije ī goodi, būja.
19
Ū wei ūshokanya aho washika bbihī na Giligaali, gaalī hoi maashiikolile ga kūlamiwa; ūshika ūng'wīla, “Baba ntemi, nalī na kamhayo kaakūkūwīla tūlī babīlī dūhū.” Ū ntemi ūng'wīla, “Lembeeshaga taame!” Hūna a batūmami bakwe būfuma mo pye a bose.
20
A henaho ū Ehudi wegeela aho walī wigaasha ū ntemi iyene mu chumba sha kū golofa sha kwifuulīla makanza ga līīmi ūlū lyasebaga; ūng'wīla gīkī, “Nalī na mhayo nakwenhelaga, naatūmagwa na Mulungu.” Ū ntemi aho wihamba kūbūūka a hisumbī lyakwe,
21
ū Ehudi ūgoloola ū nkono gwakwe gwa lūmoso, ūlūsopoola ū lūshū ū kūfuma ū kwitango lya kū būlyo, ūnchima ū ntemi lwa munda.
22
Lūūlibīla pyī nī shipīndī shaalo, lūūkapulung'hanya na kū ngongo. Ū Ehudi ūlūleka haaho nguno lūkalung'wa masaasa, būpuluka na būsoso.
23
Hūna ū Ehudi ūfuma hanze kwibīndo, wīlugala ī milyango ya chumba sha kū golofa, ūnugalīla ng'wenūmo.
24
Aho wīnga ū Ehudi, a batūmami ba ntemi biiza kūlola; aho bīībona ī milyango ya kū chumba sha kū golofa īlugalilwe, būhaya gīkī, “Mmho ū ntemi wifuulaga kū chumba sha mu gatī.”
25
Būūlindīīla kūshisha nose būzwangana, aho baabona wadīīla no no no ū kwīlugūla ī milyango, būsola lūfungūlo būlugūla; būūkang'wipuumūkīja ū saabo būgonzo alambalalile hasī achiile!
26
Ū ng'wikanza lya kūlindīīla lyenīlo, ū Ehudi ūhega ajile; ūūkabīta ho a ha maashiikolile ga kūlamiwa, ūpeelela Seila.
27
Kūshika kwenūko ūja kū ngūlū ja Efulaimu ūūkafuula mhembe; hūna a Baisilaeli būholomoka kūfuma ū kū ngūlū balīnkūūbīja.
28
Ūbawīla, “Nilondeelagi nguno ū SEEBA wītūūlaga mu makono ging'we ī Moabu ya banishi bing'we.” Ng'hana būnondeela, bika bajile kū mongo gwa Yolodani, būūkadima a ha būkīlīlo wa mongo, a hipandī lya kwingīlīla mu Moabu. Batazunīlīgije nūūlū ūmò ū kūkīlīla a henaho.
29
Ī likanza lyenīlo būbabūlaga Bamoabu, bagosha ba mbagashūūla, ba kūshika gītī shihūmbī ikūmi; atapūlūgūkile nūūlū ūmò yaya.
30
Ū lūshikū lwenūlo a Baisilaeli bīsuga ī Moabu, ī sī yifuula ikanza lya myaka makūmi anaane.
31
Aho wabīta ū Ehudi, wilonga Shamga, ng'witūnja o ng'wa Anati; ū munhū ng'wenūyo akabūlaga Bafilisiti magana atandatū bo kūtūmamīla nang'ha gwa kūtūlīla ng'ombe. Nang'hwe akabaguna a Baisilaeli.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21