bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Judges 21
Judges 21
Sukuma 2019
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
1
A Baisilaeli aho balī Mispa baalī bilahīla būhaya gīkī, “Atīho nūūlū ūmò wise ūyo nshīke wakwe akūtoolwa kū banhū ba lūganda lwa ng'wa Benjamini.”
2
Hūna a banhū būja Beeseli, būūkigaasha kū būtongi bo ng'wa Mulungu kūshisha mhīndī, bakūlīlaga ng'hūngū kūlwa būpīna.
3
Būūlīla balīhaya, “Ee SEEBA, Mulungu wa Baisilaeli, nibūlī gwabilongelaga mhayo gūlī gīkī a Baisilaeli? Nibūlī ī lelo lūjimīīle lūganda lūgima kūfuma ū mu Baisilaeli?”
4
Ha ntondo yaho a banhū būmisha dilū būbeeja ng'walīlo, būfunya shakwinha sha kūpemva na shakwinha sha būsangī.
5
Hūna a Baisilaeli bandya kwilula balīhaya, “Ū mu ng'anda ja Baisilaeli ī jose nani atīīho a ha libilinga lyenīlī ū kū būtongi bo ng'wa SEEBA?” Nguno baalī bilahīla gīkī, ose ose ū wa kūleka kwiza kū būtongi bo ng'wa SEEBA ī Mispa, shing'wigeleelile abūlagwe.
6
Ū lūshikū lwenūlo a Baisilaeli baalī baapīnīhala no kūlwa nguno ya badūgū babo, a ba lūganda lwa Benjamini. Būhaya gīkī, “Ī lelo yenīyī lūmò lwa ng'anda ja Baisilaeli lwajimīīlaga gete!
7
Na lūūlū tūkūpandīkīla halī bakīma ba kūbinha abo baashiigīīlaga ū mu lūganda lwenūlo? Nguno twaamalile kwilahīla kū būtongi bo ng'wa SEEBA gīkī tūtīko kūbatooja a bashīke bise ū kūbo.”
8
Bibūūja balīhaya, “Lūganda kī ū mu Baisilaeli ūlo lūtīīho ī Mispa a ha libilinga lyenīlī ū kū būtongi bo ng'wa SEEBA?” Būbona gīkī ū kūfuma ī Yaabeshi-gileadi atizile munhū nūūlū ūmò ū kū ng'hambī ū kū libilinga.
9
Nguno aho baababala a banhū, būbona wal'atīho hoi nūūlū ūmò wa bana Yaabeshi-gileadi.
10
Na lūūlū ū kwibilinga kwa Baisilaeli kūūtūma ī Yaabeshi-gileadi balwi būlūgū shihūmbī ikūmi na shibīlī; būbakomeleja kūjūbabūlaga a bikaji ba kwenūko, pye na a bakīma na a baana.
11
Būbawīla gīkī, “Ūyo mulagwīīte gūūyū: Būlī ngosha mukūmūlaga, na būlī nkīma ūyo walaala na ngosha.”
12
Ū mu banhū abo bikalaga Yaabeshi-gileadi, būpandīka mo baanhya magana anè, abo baalī bataalī kūlaala na ngosha ose ose; būbasola būja nabo Kanaani kū ng'hambī Shilo.
13
Hanuma ya henaho ū kwibilinga kūūtūma nhūng'wa ū kū banhū ba lūganda lwa ng'wa Benjamini abo baalī kwiwe lya Limoni. Būbawīla gīkī yashilaga ī ya wilemeelwa, yabizaaga ho mhola.
14
A henaho a banhū ba lūganda lwa Benjamini hū būshoka, biza binhwa a bakīma abo bakalekeelwa kūfuma Yaabeshi-gileadi. Gwike batapandīkile pye a bose, nguno baalī bagehū.
15
A banhū baalī bapīnīhala no kūlwa nguno ya banhū ba lūganda lwa Benjamini, īkī ū SEEBA akatūūl'ihongo ū mu ng'anda ja Baisilaeli.
16
Hūna a banamhala ba kwibilinga būhaya, “Ī gīsī lūūlū īkī twabamalile pye a bakīma ba mu lūganda lwa ng'wa Benjamini, tūkūpandīkīla halī a bakīma tūbinhe a bagosha abo baasaagīīlaga?
17
A banhū ba lūganda lwa ng'wa Benjamini shibigeleelilwe bapandīke shibyalīlwe, lūtizūjimīīla lūganda ū mu Baisilaeli.
18
Gwike a bise Baisilaeli tūtīko ū kūbinha a bashīke bise ū kūbiza bake babo, nguno twamalile kwilahīla gīkī, ‘Azumilwe ose ose ūyo nshīke okwe alantooje kūlī munhū wa lūganda lwa ng'wa Benjamini.’
19
Alilembeeshagi, ī Shilo shilīko shigukulu sha ng'wa SEEBA, īsho shikabizaga ho būlī ng'waka. Shikūbiza sukuma ya Beeseli, ha kīya y'ikūūwa īlo līfumile Beeseli kūja Shekemu, dakama ya Lebona.”
20
Būbalangīīla a banhū ba lūganda lwa ng'wa Benjamini balībawīla gīkī, “Mulaaje mukibise mu migūnda ya mizabibu
21
mūyūlola; a baanikī ba bana Shilo ūlū būja nabo ū kūbina ī mbina, ī likanza lyenīlo pulukagi ū mu migūnda ya mizabibu, būlī ūmò wing'we adiime ng'wanikī; mupandīke bakīma kūfuma ū kū bana Shilo muje kū sī ying'we ya lūganda lwa ng'wa Benjamini.
22
A basaabo nūūlū a basīza babo ūlū biza kūtūwīla, tūkūhooya nabo tūbawīle gīkī, ‘Tūchīlagi shigongo tūbagunaane, nguno tūkilewa ū kūbapandīkīla a bakīma ū ng'wikanza lya būlūgū. A bing'we mutī na būbi nguno mutī bing'we abo mulībinha a bashīke bing'we ū kūbo.’”
23
Na ng'hana a bagosha ba lūganda lwa ng'wa Benjamini bīīta chene; a baanikī aho balībina mbina, būlī munhū ūdima nke wakwe ūbūūcha ūja; hūna būshoka kū sī ya wingīji wabo, būkīīzenga ī mizengo yabo bikala mo.
24
Hūna nabo a Baisilaeli bīnga a henaho, būshoka kū sī ja ng'anda na ndūgū jabo; būlī munhū ūja kū sī ya wingīji wakwe.
25
Ū mu shikū jenījo a Baisilaeli baalī batī na ntemi, būlī ng'wene wītaga gīt'ūmo walī atogelilwe.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
All chapters:
1
2
3
4
5
6
7
8
9
10
11
12
13
14
15
16
17
18
19
20
21