Deuteronomy 21

Tswana 1890 (Bibela ea Boitsépho 1890 (Sechuana Tlhaping - Moffatt Bible))

← Chapter 20 Jump to: Chapter 22 →

1ERE ha eo o bolailoeñ a bonoa mo hatsiñ ye Yehova Morimo oa lona o le lo naeañ go le rua, a namaletse mo nageñ, mi go sa itsioe eo o molaileñ:

2Erehe gona bagolu ba lona le basiamisi ba lona ba coelañ, ba lekanyetsa go metseñ e e rikanyeritseñ eo o bolailoeñ:

3Mi go tla rihala motse o o gauhe le eo o bolailoeñ, bagolu ba motse ouo a ba tsee moroba oa likhomu o o e siñ o rihe, o goge, mo iokoeñ;

4Mi a bagolu ba motse ouo ba ise moroba kua molacoaneñ o o maguata o o sa leñoañ, o sa yaloa, mi ba pomele gone thamo ea moroba mo molacoaneñ:

5Mi a baperiseti, bomoroa Leve, ba atamele; gone bauo, Yehova Morimo oa lona o ba itseñketse go mo rihela, le go tsegahatsa mo ineñ ya ga Yehova; mi tse ri ganeloañ cotle le lipeco cotle li tla na kaha melomoñ ea bona:

6Mi bagolu botle ba motse o o gauhe le eo o bolailoeñ, a ba tlapise atla tsa bona gorimo ga moroba o o pomiloeñ thamo mo molacoaneñ:

7Mi a ba bulele, ba re, Atla tsa rona ga lia ka tsa culola mari ua, le gona maitlo a rona ga a ka a a bona.

8Yehova, u utluele Bayeserela bathu ba gago botluku, ba u ba rekolotseñ, mi u si bee mari a a sinañ molatu gare ga Bayeserela bathu ba gago. Mi mari auo ba tla a icuareloa.

9Mi yalo lo tla tlosa mari a a sinañ molatu gare ga lona; ha lo riha se se thokhameñ ha pele ga maitlo a ga Yehova.

10¶ Mogañ lo bololañ go tlabana le baba ba lona, mi Yehova Morimo oa lona o ba tsentse mo atleñ tsa lona, mi lo ba cuere bacuaroi,

11Mi ha go bonoa mosari eo moiñtle mo bacuaroiñ, mi moñue a mo eletsa, gore a ne mosari oa gague;

12A a mo ise mo tluñ ea gague; mi a a ipeole tlogo, a itsege linala;

13Mi a apole aparo tsa bocuaro yoa gague, mi a a tlole mo tluñ ea gague ka khueri e le eñue, a lelele rague le mague: mi morago ga mouo o ka ea mo go ena, a na monona oa gague, mi o tla na mosari oa gague.

14Mi go tla rihala ha a sa khatloe ki ena, a a mo lese go ea kua o go ratañ; mi a a si mapaletse rure ka mari, a a si reke ka ena, ka gone a mo katile.

15¶ Ha moñue a na le basari ba tu, moñue a ratoa, mi moñue a iloa, mi ba monetse bana, eo o ratoañ, le eo o iloañ; mi ha eo oa burure e le moroa oa eo o iloañ:

16Mi go tla na yalo, mogañ o ruisañ bomoroaue tse o nañ naco, ga a kake a riha moroa moratoi oa burure pele ga moroa moiroi eo e leñ oa burure:

17Mi a a ipobole moroa moiroi oa burure, ka go mo naea kabelo li tu tsa cotle tse o nañ naco: gone ki ena tsimologo ea nonoho ea gague; cuanelo ea oa burure e le ea gague.

18¶ Ha moñue a na le mosimane oa bokaka le oa cuülolo, eo o ganañ go utlua koru ea ga rague le koru ea ga mague, mi leha ba mo oatlaea a gana go ba utlua:

19Erehe gona rague le mague ba mo cuarañ bo mo isa bagoluñ ba motse oa gague, le kua khoroñ ea helo ga gague;

20Mi a ba ree bagolu ba motse oa gague; ba re, Moroa rona eo, o bokaka le oa cuülolo, mi o gana go utlua koru tsa rona; o seapu, le mothagoi.

21Mi a banona botle ba motse oa gague, ba mo khobotletse ka maye, gore a shue: mi lo tlose boshula yo bo go lona yalo; mi Bayeserela botle ba tla utlua, ba boiha.

22¶ Mi ha moñue a leohile ka se se cuanetseñ loshu, mi a bolaoa, mi lo mo pega mo logoñeñ:

23A serepa sa gague se si ne ka bosigo mo logoñeñ, lo se hitlele rure ka tsatsi yeuo; (gone eo o pegiloeñ o rogiloe ki Morimo;) gore lo si itsekolole hatsi ya lona ye Yehova Morimo oa lona o le lo nelañ boshua.

← Chapter 20 Jump to: Chapter 22 →