Deuteronomy 24

Tswana 1890 (Bibela ea Boitsépho 1890 (Sechuana Tlhaping - Moffatt Bible))

← Chapter 23 Jump to: Chapter 25 →

1ERE mogañ monona o tsaeañ mosari, a mo nyala, mi ha a sa bone tsalano mo maitloñ a gague, gone a bonye señue sa boatla mo go ena; a a mo kualele kualo loa tlalano, a lo mo tsenye mo seatleñ, a mo lese go coa mo tluñ ea gague.

2Mi a sina a coa mo tluñ ea gague, o ka ea a na oa monona eo moñue.

3Mi ha monona eo oa morago a mo ila a mo kualela kualo loa tlalano, a lo mo tsenya mo seatleñ, a mo lesa go coa mo tluñ ea gague; khotsa ha monona oa morago a shua, eo o la a mo itsela mogatse;

4Monona oa eintla eo o la a mo tlala a a si be a mo tsaea go na mogatse, a sina itsekololoa; gone seo se ki boila ha pele ga Yehova: mi lo si leohise lehatsi ye Yehova Morimo oa lona o le lo naeañ boshua.

5¶ Ere mogañ monona o tsaeañ mosari eo mosha, a a si bolole entua, mi a a si imaharioe ka tiho epe; a a ne hela mo tluñ ea gague ka ñuaga o le moñue, go itumerisa mosari oa gague eo o mo tseileñ.

6¶ A go si ne ope eo o tselañ palano loloala loa gorimo le loa tlatse: gone o tsela palano botselo.

7¶ Ere ha moñue a bonoa a ucua moñue oa bana ba ga rague ba bana ba Yeserele, a reka ka ena, khotsa a mapatsa; erehe gona legoru yeuo le shuañ; mi lo tlose boshula go lona.

8¶ Ikeheñ kaga sebeco sa lepero, gore lo tlokomele thata, go riha kaha cotleñ tse baperiseti eboñ Baleva ba tla li lo kaelañ: lo tlokomele go riha, yaka ki ba laotse.

9Gakologeloañ se Yehova Morimo oa lona o se rihetseñ Miriame mo tseleñ, ka lo coa Egepeto.

10¶ Ere ha lo arima señue go moñ ka lona, lo si tsene mo tluñ ea gague go tsaea pelo ea gague.

11Lo eme kua eintle, mi monona eo lo mo arimileñ o tla lo isetsa pelo kua eintle:

12Mi ha e le monona oa sehumanegi, lo si robale ka pelo ea gague:

13Lo mo rebolele rure pelo ha letsatsi le phirima, gore a robale mo aparoñ sa gague, a lo tsegahatse: mi go tla na tsiamo go lona ha pele ga Yehova Morimo oa lona:

14Lo si patike eo o lalericoeñ oa motloki le mohumanegi eo e leñ oa bana ba ga rra enu, khotsa oa baeñ ba lona ba ba mo hatsiñ ya lona, mo khoroñ tsa lona:

15Lo mo nele tuelo ea gague ka tsatsi ya eona, mi letsatsi a le si e phirimele: gone o mohumanegi, mi o e tlologelecoe ka pelu: gore a si lo biletse Yehova, mi ea na boleo go lona.

16¶ A bo ra‐bathu ba si bolaeloe bana; le bana a ba si bolaeloe bo‐rabo: moñue le moñue a bolaeloe boleo yoa gague.

17Si haposeñ tsiamisho ea moeñ, le ea khutsana; le esiñ go tsela aparo sa motlolagari pelo:

18Mi lo gakologeloe ha lo lo le batlañka mo Egepeto, mi Yehova Morimo oa lona o lo rekolotse gona: ki gona ki lo laolelañ se go se riha.

19¶ Ere ha lo roba thobo ea lona mo temeñ ea lona; mi lo lebetse ñata mo temeñ, lo si e boele go e tsaea: a e ne ea moeñ, le ea khutsana, le ea motlolagari: gore Yehova Morimo oa lona a lo tsegahatse mo tihoñ cotle tsa atla tsa lona.

20Ere ha lo thukhutha metluare ea lona, lo si be loa khukhuna likala: maburuco a a ne a moeñ, le a khutsana, le a motlolagari.

21Ere ha lo hula louñuo loa tsimo ea lona ea movina, lo si be loa khukhuna: a a ne a moeñ, le a khutsana le a motlolagari.

22Mi lo gakologeloe ha lo lo le batlañka mo hatsiñ ya Egepeto: ki gona ki lo laolelañ se go se riha.

← Chapter 23 Jump to: Chapter 25 →