Deuteronomy 5

Tswana 1890 (Bibela ea Boitsépho 1890 (Sechuana Tlhaping - Moffatt Bible))

← Chapter 4 Jump to: Chapter 6 →

1MI Moshe a bitsa Bayeserela botle, a ba raea, Bayeserela, utluañ litaeo, le litsiamisho tse ki li buañ mo tsebeñ tsa lona ka yenu, gore lo li ithute, lo li tlokomele, gore lo li rihe.

2Yehova Morimo oa rona o la a riha kholagano le rona kua Horeba.

3Yehova a si ka a riha kholagano e le bo‐rra ecu, mi e le le le rona, rona ba re hanu rotle ba re tserileñ ka yenu.

4Yehova o la bua le lona a lebagantse sehatlogo le lihatlogo mo thabeñ a le gare ga molelo,

5(Ki le ka ema gare ga Yehova le lona motleñ ouo, go lo utlusa lehuku ya ga Yehova: gone lo loa boitsioa ki molelo, lo sa tlatloge thaba:) a re,

6¶ Ki Yehova Morimo oa lona, eo o la a lo entsa mo hatsiñ ya Egepeto, mo tluñ ea botlañka.

7Lo si ne le merimo e sele ha pele ga me.

8Lo si itihele secuanco se se setiloeñ, secuano señue sa se se kua gorimo mo legorimon, khotsa sa se se kua tlatse mo lehatsiñ, khotsa sa se se mo metseñ a a kua tlatse ga lehatsi:

9Lo si li ikobele, le esiñ go li rihela: gone ’na Yehova Morimo oa lona, ki Morimo oa lehuha, o tsiamologo ea bo‐ra‐bathu o e beletsañ mo baneñ mo sikeñ loa bo‐teri, le loa bo‐for, loa bona ba ba ’nkilañ;

10O rihaletsa mathousanda a ba ba ’nthatañ, ba ba tsegetsañ taolo tsa me, bopelunomi.

11Lo si biletse leina ya ga Yehova Morimo oa lona lehela: gone Yehova ga a kitla a mo golola eo o biletsañ leina ya gague lehela.

12Tsegetsañ letsatsi ya sabata go le tsepha, yaka Yehova Morimo oa lona a lo laotse.

13Lo rihe lo uetse tiho ea lona eotle ka malatsi a sekes:

14Mi letsatsi ya bo‐seven ki sabata sa ga Yehova Morimo oa lona: lo si rihe tiho epe, lona, le esiñ bomoroa lona, le esiñ bomoroaria lona, le esiñ batlañka ba lona, le esiñ malata a lona, le esiñ pelesa tsa@ lona, le esiñ esela tsa lona, le esiñ epe ea khomu tsa lona; le esiñ baeñ ba ba mo khoroñ tsa lona; gore batlañka ba lona le malata a lona ba ikhutse yaka lona.

15Mi lo gakologeloe lo lo le batlañka mo hatsiñ ya Egepeto, mi ka Yehova Morimo oa lona a la a lo entsa gona ka atla se se thata, le ka cogo ye le otlologileñ: ki gona ka mouo Yehova o lo laoletseñ go tsegetsa letsatsi ya sabata.

16¶ Tlotlañ bo‐rra enu le bo‐mma enu, yaka Yehova Morimo oa lona a lo laotse; gore malatsi a lona a leleharioe, le go lo lemohalela mo hatsiñ ye Yehova Morimo oa lona o le lo naeañ.

17Lo si bolaee.

18Mi lo si gokahale.

19Mi lo si ucue.

20Mi lo si bue cupo ea kako kaga bañ ka lona.

21Mi lo si eletse basari ba bañ ka lona, mi lo si khatloe ki matlu a bañ ka lona, le esiñ maota a bona, le esiñ batlañka ba bona, le esiñ malata a bona, le esiñ pelesa tsa bona, le esiñ esela tsa bona, le esiñ sepe sa bañ ka lona.

22¶ Mahuku ua Yehova o la a a bua le phuthego ea lona eotle mo thabeñ, a le gare ga molelo, le mo maruñ, le mo boncuñ yoa lehihi, ka koru e kholu: mi a si ka a oketsa. Mi a a kuala mo matlapeñ a tu, mi a a ’nnaea.

23Mi ga rihala ka lo utlua koru gare ga lehihi, (gone thaba e le ea sha ka molelo,) lo loa ’nkatamela, eboñ tlogotlogo tsa lico tsa lona cotle, le bagolu ba lona;

24Mi lo loa re, Bona, Yehova Morimo oa rona, o re bontsitse khalalelo ea gague, le bogolu yoa gague, mi re utluile koru ea gague e coa gare ga molelo: re bonye ka yenu ha Morimo o bua le mothu, mi a tsele.

25Mi yana re tlabo re shuelañ? gone molelo o o mogolu, o tla re nyeletsa: ha re hela re coela pele go utlua koru ea ga Yehova Morimo oa rona, ki gona re tla shuañ.

26Gone go mañ mo nameñ eotle eo o la a utlua koru ea Morimo o o tserileñ, e bua e coa gare ga molelo, yaka rona, a tsela?

27U atamele, mi u utlue cotle tse Yehova Morimo oa rona o tla li buañ: mi a go bue uena le rona cotle tse Yehova Morimo oa rona o tla li buañ ñau; mi re tla utlua, re riha.

28Mi Yehova a utlua koru ea mahuku a lona ka lo bua le ’na; mi Yehova a ’nthaea, Ki utluile koru ea mahuku a bathu ba, ua ba a buileñ nau: gotle mo ba go buileñ go siame.

29Au! intla pelu tsa bona li ko lintse yalo go ’mpoiha, le go tsegetsa taolo tsa me cotle ka metla eotle; gore go ba lemohalele, le bana ba bona ka bosakhutleñ.

30Ea, u ba ree, Lo boele tenteñ tsa lona.

31Mi uena, ema ha, ha go ’na, mi ki tla bua le uena taolo cotle, le litaeo, le litsiamisho, tse u tla li ba rutañ, gore ba li rihe mo hatsiñ ye ki le ba naeañ go le rua.

32Ki gona tlokomelañ go riha yaka Yehova Morimo oa lona a lo laotse: mi si hapogeleñ atleñ se se siameñ, khotsa go sa molema.

33Lo lepele mo tseleñ cotle tse Yehova Morimo oa lona o tla li lo laolelañ, gore lo tsele, le go lo lemohalela, le go leletsa malatsi mo hatsiñ ye lo tla le ruañ.

← Chapter 4 Jump to: Chapter 6 →