bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Ezra 10
Ezra 10
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
1
Jab ‘Azrá Ḳhudá ke ghar ke áge ro rokar aur auṉdhe muṉh girkar du‘á aur iqrár kar rahá thá, to Isráíl meṉ se mardoṉ, aur ‘auratoṉ, aur bachchoṉ kí ek bahut baṛí jamá‘at us ke pás faráham ho gayí, aur log phúṭ phúṭkar ro rahe the.
2
Tab Sikaniyáh bin Yahíel jo baní ‘Ailám meṉ se thá, ‘Azrá se kahne lagá, Ham apne Ḳhudá ke gunahgár to húe haiṉ, aur is sarzamín kí qaumon meṉ se ajnabí ‘aurateṉ biyáh lí haiṉ; taubhí is mu‘ámale meṉ ab bhí Isráíl ke liye ummed hai.
3
So ab ham, apne maḳhdúm kí aur un kí saláh ke mutábiq jo hamáre Ḳhudá ke hukm se káṉpte haiṉ, sab bíwiyoṉ aur un kí aulád ko dúr karne ke liye apne Ḳhudá se ‘ahd báṉdheṉ, aur yih sharí‘at ke mutábiq kiyá jáe.
4
Pas uṭh, kyúṉki yih terá hí kám hai, aur ham tere sáth haiṉ; himmat báṉdhkar kám meṉ lag jáo.
5
Tab ‘Azrá ne uṭhkar sardár káhiṉoṉ, aur Láwíoṉ, aur sáre Isráíl se qasam lí ki wuh is iqrár ke mutábiq ‘amal kareṉge. Aur unhoṉ ne qasam kháí.
6
Tab ‘Azrá Ḳhudá ke ghar ke sámne se uṭhá, aur Yahúhánán bin Iliyásib kí koṭhrí meṉ gayá, aur waháṉ jákar na roṭí kháí, na pání piyá; kyúṉki wuh asírí ke logoṉ kí ḳhatá ke sabab se mátam kartá rahá.
7
Phir unhoṉ ne Yahúdáh aur Yarúshalem meṉ, asírí ke sab logoṉ ke darmiyán, manádí kí, ki wuh Yarúshalem meṉ ikaṭṭhe ho jáeṉ;
8
aur jo koí sardároṉ aur buzurgoṉ kí saláh ke mutábiq tín din ke andar na áe, us ká sárá mál zabt ho, aur wuh ḳhud asíroṉ kí jamá‘at se alag kiyá jáe.
9
Tab Yahúdáh aur Binyamín ke sab mard un tín dinoṉ ke andar Yarúshalem meṉ ikaṭṭhe húe: mahína nawáṉ thá, aur us kí bíswíṉ táríḳh thí: aur sab log is mu‘ámale, aur baṛí bárish ke sabab se Ḳhudá ke ghar ke sámne ke maidán meṉ baiṭhe káṉp rahe the.
10
Tab ‘Azrá káhin khaṛá hokar un se kahne lagá, ki Tum ne ḳhatá kí hai, aur Isráíl ká gunáh baṛháne ko ajnabí ‘aurateṉ biyáh lí haiṉ.
11
Pas Ḳhudáwand apne bápdádá ke Ḳhudá ke áge iqrár karo, aur us kí marzí par ‘amal karo, aur is sarzamín ke logoṉ aur ajnabí ‘auratoṉ se alag ho jáo.
12
Tab sárí jamá‘at ne jawáb diyá, aur baland áwáz se kahá, ki Jaisá tú ne kahá, waisá hí ham ko karná lázim hai.
13
Lekin log bahut haiṉ, aur is waqt shiddat kí bárish ho rahí hai, aur ham báhar khaṛe nahíṉ rah sakte, aur na yih ek do din ká kám hai: kyúṉki ham ne is mu‘ámale meṉ baṛá gunáh kiyá hai.
14
Ab sárí jamá‘at ke liye hamáre sardár muqarrar hoṉ, aur hamáre shahroṉ meṉ jinhoṉ ne ajnabí ‘aurateṉ biyáh lí haiṉ, wuh sab muqarrara waqtoṉ par áeṉ, aur un ke sáth har shahr ke buzurg aur qází hoṉ, jab tak ki hamáre Ḳhudá ká qahr i shadíd ham par se ṭal na jáe, aur is mu‘ámale ká tasfiya na ho jáe.
15
Faqat Yúnatan bin ‘Asahel aur Yaháziyáh bin Tiqwah is bát ke ḳhiláf khaṛe húe, aur Masullám aur Sabbatí Láwí ne un kí madad kí.
16
Par asírí ke logoṉ ne waisá hí kiyá. Aur ‘Azrá káhin, aur ábáí ḳhándánoṉ ke sardároṉ meṉ se ba‘z apne apne ábáí ḳhándánoṉ kí taraf se, sab nám ba nám alag kiye gaye, aur wuh dasweṉ mahíne kí pahlí táríḳh ko is bát kí tahqíqát ke liye baiṭhe.
17
Aur pahle mahíne ke pahle din tak un sab mardoṉ ke mu‘ámale ká faisala kiyá, jinhoṉ ne ajnabí ‘aurateṉ biyáh lí thíṉ.
18
Aur káhinoṉ kí aulád meṉ yih log mile, jinhoṉ ne ajnabí ‘aurateṉ biyáh lí thíṉ: ya‘ní baní Yashú‘ meṉ se Yúsadaq ká beṭá, aur us ke bháí, Ma‘siyáh, aur Ilí‘azar, aur Yárib, aur Jidaliyáh.
19
Unhoṉ ne apní apní bíwiyoṉ ko dúr karne ká wa‘da kiyá, aur gunahgár hone ke sabab se unhoṉ ne apne gunáh ke liye apne rewaṛ meṉ se ek ek meṉḍhá qurbán kiyá.
20
Aur baní Immer meṉ se: Hanání aur Zabadiyáh.
21
Aur baní Hárim meṉ se: Ma‘siyáh, aur Iliyáh, aur Sama‘iyáh, aur Yahíel, aur ‘Uzziyáh.
22
Aur baní Fashúr meṉ se: Ilyú‘ainí, aur Ma‘siyáh, aur Ismá‘íl, aur Nataníel, aur Yúzabád, aur Ili‘sah.
23
Aur Láwíoṉ meṉ se: Yúzabád, aur Sama‘í, aur Qiláyáh, (jo Qalítá bhí kahlátá hai,) Fatahiyáh, aur Yahúdáh, aur Ilí‘azar.
24
Aur gánewáloṉ meṉ se: Iliyásib; aur darbánoṉ meṉ se: Salúm, aur Talam, aur Úrí.
25
Aur Isráíl meṉ se: baní Para‘ús meṉ se, Ramiyáh, aur Yazziyáh, aur Malkiyáh, aur Miyámín, aur Ilí‘azar, aur Malkiyáh, aur Bináyáh.
26
Aur baní ‘Ailám meṉ se: Mattaniyáh, aur Zakariyáh, aur Yahíel, aur ‘Abdí, aur Yarímot, aur Iliyáh.
27
Aur baní Zattú meṉ se: Ilyú‘ainí, aur Iliyásib, aur Mattaniyáh, aur Yarímot, aur Zábád, aur ‘Azízá.
28
Aur baní Babai meṉ se: Yahúhanán, aur Hananiyáh, aur Zabbai, aur ‘Atlai.
29
Aur baní Bání meṉ se: Masullám, aur Malúk, aur ‘Adáyáh, aur Yásúb, aur Siyál, aur Yarámot.
30
Aur baní Paḳhat-moáb meṉ se: ‘Adná, aur Kilál, aur Bináyáh, aur Ma‘siyáh, aur Mattaniyáh, aur Bazillíel, aur Binwí, aur Munassí.
31
Aur baní Hárim meṉ se: Ilí‘azar, aur Yashiyáh, aur Malkiyáh, aur Sama‘iyáh, aur Shama‘ún,
32
Binyamín, aur Malúk, aur Samariyáh.
33
Aur baní Háshúm meṉ se: Mattanai, aur Mattatáh, aur Zábád, aur Ilífalat, aur Yaremai, aur Munassí, aur Sima‘í.
34
Aur baní Bání meṉ se: Ma‘dai, aur ‘Amrám, aur Úel,
35
Bináyáh, aur Badiyáh, aur Kalúh,
36
aur Waniyáh, aur Marímot, aur Iliyásib,
37
aur Mattaniyáh, aur Mattanai, aur Ya‘sau,
38
aur Bání, aur Binwí, aur Sima‘í,
39
aur Salamiyáh, aur Nátan, aur ‘Adáyáh,
40
Maknadabai, Sásai, Sárai,
41
‘Azariel, aur Salamiyáh, Samariyáh,
42
Salúm, Amariyáh, Yúsuf.
43
Baní Nabú meṉ se: Ya‘íel, Mattitiyáh, Zábád, Zabíná, Yaddo, aur Yúel, Bináyáh.
44
Yih sab ajnabí ‘auratoṉ ko biyáh láe the: aur ba‘zoṉ kí bíwiyáṉ aisí thíṉ jin se un ke aulád thí.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
All chapters:
1
2
3
4
5
6
7
8
9
10