bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Ezra 5
Ezra 5
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 6 →
1
Phir nabí ya‘ní Hajjaí nabí aur Zakariyáh bin ‘Ídú un Yahúdíoṉ ke sámne jo Yahúdáh aur Yarúshalem meṉ the nubuwwat karne lage; unhoṉ ne Isráíl ke Ḳhudá ke nám se un ke sámne nubuwwat kí.
2
Tab Zarubbábul bin Siyáltiel aur Yashú‘ bin Yúsadaq uṭhe, aur Ḳhudá ke ghar ko jo Yarúshalem meṉ hai banáne lage, aur Ḳhudá ke wuh nabí un ke sáth hokar un kí madad karte the.
3
Un hí dinoṉ daryá pár ká hákim Tatnai, aur Shatar Boznai, aur un ke sáthí un ke pás ákar un se kahne lage, ki Kis ke farmán se tum is ghar ko banáte, aur is fasíl ko tamám karte ho?
4
Tab ham ne un se is tarah kahá, ki Un logoṉ ke kyá nám haiṉ jo is ‘imárat ko baná rahe haiṉ?
5
Par Yahúdíoṉ ke buzurgoṉ par un ke Ḳhudá kí nazar thí; so unhoṉ ne un ko na roká jab tak ki wuh mu‘ámala Dárá tak na pahuṉchá; aur phir is ke báre meṉ ḳhatt ke zarí‘e se jawáb na áyá.
6
Us ḳhatt kí naql jo daryá pár ke hákim Tatnai aur Shatar Boznai, aur us ke Afársakí rafíqoṉ ne jo daryá pár the Dárá bádsháh ko bhejá:
7
unhoṉ ne us ke pás ek ḳhatt bhejá, jis meṉ yúṉ likhá thá: Dárá bádsháh kí har tarah salámatí ho.
8
Badsháh ko ma‘lúm ho, ki ham Yahúdáh ke súbe meṉ Ḳhudá e Ta‘álá ke ghar ko gaye; wuh baṛe baṛe pattharoṉ se ban rahá hai, aur díwároṉ par kaṛiyáṉ dharí já rahí haiṉ, aur kám ḳhúb koshish se ho rahá hai, aur un ke háthoṉ taraqqí pá rahá hai.
9
Tab ham ne un buzurgoṉ se suwál kiyá, aur un se yúṉ kahá, ki Tum kis ke farmán se is ghar ko banáte aur is díwár ko tamám karte ho?
10
Aur ham ne un ke nám bhí púchhe, táki ham un logoṉ ke nám likhkar huzúr ko ḳhabar deṉ, ki un ke sardár kaun haiṉ.
11
Aur unhoṉ ne ham ko yún jawáb diyá, ki Ham zamín o ásmán ke Ḳhudá ke bande haiṉ, aur wuhí maskan baná rahe haiṉ jise bane bahut baras húe, aur jise Isráíl ke ek baṛe bádsháh ne banákar taiyár kiyá thá.
12
Lekin jab hamáre bápdádá ne ásmán ke Ḳhudá ko g̣ussa diláyá, to us ne un ko sháh i Bábul Nabúkadnazar Kasdí ke háth meṉ kar diyá, jis ne is ghar ko ujáṛ diyá, aur logoṉ ko Bábul ko le gayá.
13
Lekin sháh i Bábul Ḳhoras ke pahle sál Ḳhoras bádsháh ne hukm diyá, ki Ḳhudá ká yih ghar banáyá jáe.
14
Aur Ḳhudá ke ghar ke sone aur chándí ke zurúf ko bhí jin ko Nabúkadnazar Yarúshalem kí haikal se nikálkar Bábul ke mandir meṉ le áyá thá, un ko Ḳhoras bádsháh ne Bábul ke mandir se nikálá, aur un ko Shesbazzar námí ek shaḳhs ko jise us ne hákim banáyá thá sauṉp diyá;
15
aur us se kahá, ki In bartanoṉ ko le, aur já, aur in ko Yarúshalem kí haikal meṉ rakh, aur Ḳhudá ká maskan apní jagah par banáyá jáe.
16
Tab usí Shesbazzar ne ákar Ḳhudá ke ghar kí jo Yarúshalem meṉ hai bunyád ḍálí; aur us waqt se ab tak yih ban rahá hai, par abhí taiyár nahíṉ húá.
17
So ab agar bádsháh munásib jáne, to bádsháh ke daulatḳháne meṉ jo Bábul meṉ hai taftísh kí jáe, ki Ḳhoras bádsháh ne Ḳhudá ke is ghar ko Yarúshalem meṉ banáne ká hukm diyá thá, yá nahíṉ; aur is mu‘ámale meṉ bádsháh apní marzí ham par záhir kare.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 6 →
All chapters:
1
2
3
4
5
6
7
8
9
10