Zechariah 3

Xhosa 1902 (Incwadi Yeziba̔lo Ezingcwele 1864, 1902 (Xhosa Appleyard))

← Chapter 2 Jump to: Chapter 4 →

1YANDULA yandibonisa u‐Yoshuwa, umperisite omkulu, emi pambi kwayo ingelosi kayehova, no‐Satane emi ngesokunene isandla sake ukummela.

2Wayesiti uyehova ku‐Satane: Uyehova makakukalimele, kwa uyehova oyiqashileyo i‐Yerusaleme makakukalimele: lo asi siso isikuni esinyotulweyo emlilweni na?

3Kekaloku u‐Yoshuwa ebevete ingubo ezinco̔lileyo, wema pambi kwengelosi.

4Wandula wapendula wateta kubo abebemi pambi kwake, esiti: Tulani ingubo ezinco̔lileyo kuye. Wayesiti kuye: Kangela, ityala lako ndilisusile kuwe, ndandiya kukuvatisa izambato ezicikizekileyo.

5Ndaza ndati: Mababeke unkontsho olumsulwa pezu kwentloko yake. Bandula babeka unkontsho olumsulwa pezu kwentloko yake, bamvatisa ingubo. Yabe ingelosi kayehova imi kona.

6Yaza ingelosi kayehova yanqi̔nisa ku‐Yoshuwa, isiti:

7Utsho uyehova wemikosi ukuti: Ukuba uya kuhamba ezindleleni zam, nokuba uya kugcina isigcinelo sam, uya kwandula ugwebe indlu yam, namabala am uwagcine; ndandiya kukunika abakokeli pakati kwaba abemiyo apa.

8Yiva ke, Yoshuwa, mperisite omkulu! wena, nabalingane bako abahlala ebusweni bako: (ngokuba bengamadoda okuqondisa bona:) ngokuba, bona ke, ndiya kuvelisa isicaka sam esi— lisebe.

9Ngokuba, bona ke, ilitye endilibekileyo ebusweni buka‐Yoshuwa, pezu kwelitye linye kwoba ngamehlo asixe̔nxe: bona ke, ndiya kuqingqa isiqingqwa salo, utsho uyehova wemikosi; ndandiya kukwelelisa ityala lelizwe elo ngamini nye.

10Ngomhla lowo, utsho uyehova wemikosi, niya kumema abanye ngabanye abamelwane babo, ngapantsi kwomti weveyine, nangapantsi kwomkiwane.

← Chapter 2 Jump to: Chapter 4 →