Zechariah 5

Xhosa 1902 (Incwadi Yeziba̔lo Ezingcwele 1864, 1902 (Xhosa Appleyard))

← Chapter 4 Jump to: Chapter 6 →

1NDABUYA ndapakamisa amehlo am, ndakangela, kekaloku nanguya umqulu obalekayo.

2Yayisiti kum: Ubona nto nina? Ndati: Ndibona umqulu obalekayo; ubude bawo zikubite ezimashumi mabini, nobubanzi bawo zikubite ezilishumi linye.

3Yaza yati kum: Lo sisiqalekiso esipumelayo pezu kwobuso balo lonke ilizwe; ngokuba osukuba esiba̔ eya kukukuliswa ngelicala, njengokwaso; nosukuba efunga uya kukukuliswa ngelocala, njengokwaso.

4Ndiyasipumisa, utsho uyehova wemikosi, sasiya kungena endlwini yoba̔yo, nasendlwini yolifungayo ngobuxoki igama lam; ewe, sohlala pakati kwendlu yake, sigqibe yona, nemiti yayo, namatye ayo.

5Yandula yavela ingelosi eyateta nam, yati kum: Pakamisa ke amehlo ako, ubone lento evelayo ukuba iyinina.

6Ndati: Yinto nina yona? Yayisiti: Le yiyefa evelayo. Yalekela ukuti: Le kukubonakala kwabo kulo lonke ilizwe.

7Kekaloku bona ke, imbumbulo yelode ibifunqulwa; kwabekuko umfazi ehleli pakati kwayo iyefa.

8Yayisiti: Lo yinkohlakalo. Yandula yamwisa pakati kwayo iyefa, nembumbulo yelode yayiwisa pezu kwomlomo wayo.

9Ndaza ndapakamisa amehlo am, ndakangela, kekaloku bona ke, kwavela abafazi babini, umoya usemapikweni abo; ngokuba bebenamapiko njengamapiko eṙaside: bati bona bayifunqula iyefa pakati kwomhlaba nezulu.

10Ndaza ndati kwingelosi eyateta nam: Bayisa iyefa ngapina aba?

11Yayisiti kum: Bayakele indlu elizweni le‐Shinare; ngokuba iya kumiswa, iti yona ibekwe apo pezu kwesikondo sayo.

← Chapter 4 Jump to: Chapter 6 →