bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
1 Chronicles 16
1 Chronicles 16
Zande
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 17 →
1
I ki rimisi ga Mbori sanduki, ki moi he ku rogo gu bamburoko Dawidi adua tipa ha. I ki fu gu zozo amotumo na amotumo zereda bara bangiri Mbori.
2
Ho Dawidi anyasi tumo ni zozo amotumo ni na amotumo zereda, ko ki fu maku fu aboro ti rimo Yekova,
3
ko ki gamu udiudi kpokuta ni ba sa sa fu aboro aYisaraere dunduko, nga akumba na ade a, na bete pasio, na kpura ugu rindi bakakue.
4
Ko ki ringbisi agu aRevi a i nimangi pa Yekova barangba sanduki nga ga Yekova, ka atingida pa apai na ka fu irisa fu Yekova na ka tambua ko nga ga aYisaraere Mbori.
5
Asafa angia gayo barumbatayo, Zekaraya ki du ni ue yo, na Yiere na Semiramota, na Yiere, na Matitaya, na Eriaba, na Benaya, na Obede-edome, na Yiere, i naadu ni abataki akindondo na anzenze, Asafa ki du na gu sirigi napaa apaa ku ari,
6
Benaya na Yaziere nangia aboromotumo ki nivudi ambanya kindi, barangba sanduki ga Mbori mokido.
7
Ti gu uru re Dawidi arugu pa bi bia tambuahe fu Yekova ni bambata ha ku be Asafa na awirinako.
8
Ako oni fu atambuahe fu Yekova, oni kpári ti rimoko, Oni yugu pa gako mangaapai dagba aboro!
9
Oni bíki bia fu ko, oni bíki abia tambuahe fu ko, oni gumba pa gako iiriwo mangaapai!
10
Oni sambua tironi rogo kparakpara ziazia rimoko; kpoto agu yo yo ningi angi nagbata Yekova!
11
Oni gbata Yekova na gako ome, oni gbáta kpakpuko waragoagira!
12
Oni tíngidi pa gako iiriwo mangaa pai nga gu ko amangi, na gako iiriwo yuguyugu apai, na agu asaraangbanga naadu ngbako,
13
Ako oni nga awiri aYisaraere nangia gako moyambu, oni nga awiri Yakoba, gako siasia yo!
14
Ko nga Yekova gaani Mbori; gako asaraangbanga du rogo kpotosende dunduko.
15
Oni tíngidi pa gako zungahe nye anye kindi, gu pai ko arugu he fu arika ngbatunga aboro wa 1,000;
16
nga gu mokido ko afu fu Abara yama, na gako zungahe fu Yisaka,
17
kina ha ko anyakasi fu Yakoba tipa rugapai, na fu aYisaraere ni nyenye zungahe,
18
niya, “Mi afu ringara Kanana foro, ni kparakpara ha ni gaoni.”
19
Ho i adu ni ni kina bete aboro, ni umba pa yo gbe, ni tata aboro rogo ho,
20
ki niyara dagba gu rikaaboro na gu rikaaboro, rogo gu ngbi ku dagba gu kura aboro,
21
ko aida nga fu gu boro ni mangi yo gbegberẽ wa sa te; ko aza abakindo tipa yo,
22
niya, “Ka oni zádi nga gimi mbedimbedi yo ya, Ka oni mangi nga gimi anebi gbigbita a ya!”
23
Oni bíki bia fu Yekova, zegino dunduko! Oni yugu pa gako bata uru na auru.
24
Oni táki pande pa gako taarimo dagba arikaaboro, na pa gako iiriwo mangaapai dagba aboro dunduko!
25
Bambiko Yekova nga bahe, rengbe na tambua ko bakere gbe, i ka agunde ti ko susi ambori dunduko.
26
Bambiko ga aboro ambori dunduko nga kina kungba ahe; ono Yekova namangi angbangbaturũ,
27
Irisa du bara bangiriko na bairiwo; ome du rogo gako ba na ngbarago.
28
Oni fu taarimo fu Yekova na ome, oni fu he fu Yekova, oni nga angbatunga aboro!
29
Oni fu taarimo fu Yekova a wa rengbe he na rimoko; oni yé na ruhe, ki ye ku bara bangiriko! Oni írisi Yekova ni gu wene ngbanya nga ga kparakpara ziazia pai;
30
oni kío ku bara bangiriko, zegino dunduko; ii, zegino du ku baha kindi, ka i agbísa nga ha ya.
31
Angbangbaturũ ningi angi, kpoto sende ki du pusiapusia, i yá dagba arikaaboro yo, “Yekova nazoga rago!”
32
Abaime nipói apaa, na agu ahe du rogo ho dunduko, ati ningi angi, na agu ahe du rogo ho dú!
33
Angua bire yo dunduko angbíko ni bia ngbarago, ku bara bangiri Yekova, bambiko ko aye ka sapangbanga zegino.
34
Ako oni fu atambuahe fu Yekova, bambiko ko ni wene ko; gako weneringise nye anye kindi!
35
Oni ki ya a; “Ako Mbori gaani bata, mo batasi rani, ki dungura rani ki batasi rani be rikaaboro, ani fuku atambuahe fu kparakpara ziazia rimoro, ki sambua tirani rogo ga tambuahe.
36
Yekova au ni sambuasambua ko, nga ga aYisaraere Mbori, mbata rago nikaenga nye anye kindi!” Aboro dunduko ki ya “Amina!” ki tambua Yekova.
37
Dawidi ki mbu Asafa na awirinako yo barangba sanduki ga Yekova mokido, ka amanga sunge barangba sanduki kindi a wa rengbe he tipa gu uru,
38
na Obedeedome na awirinako 68; na gu Obedeedome nangia wiri Yedutuna, na Osa i ki du ni ababanda angbadimo.
39
Sadoka boromotumo na awirinako nangia aboromotumo ki ru barangba ga Yekova banye rogo tumbatumba rago nga gu nadu Gibona yo,
40
i nizo zozo amotumo fu Yekova auru bamotumo zozo motumo na awiso na anyemu a kindi, ku sangba agu apai du ni keke he rogo rugute yo nga ga Yekova, nga gu ko arugu he fu aYisaraere.
41
AEmana na Yedutuna adu na yo, na gu kura yo i asia yo nangia agu yo i akusi yo ti rimoyo ka afu atambuahe fu Yekova, bambiko gako weneringise nye anye kindi.
42
AEmana na Yedutuna ki du na yo na ambanya be yo na gu sirigi napaa apaa tipa agu yo nikapaa ku ari na gu woro ahe du tipa abia nga ga Mbori. I ki ringbisi awiri Yedutuna i du ku ngbadimo bakporo yo.
43
Aboro ni ba sa sa ki ga ku kpuyo yo, Dawidi ki karaga tiko ka fu maku fu gako aborokporo.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29