1 Chronicles 27

Zande

← Chapter 26 Jump to: Chapter 28 →

1Were pa bange aYisaraere du re: rogo arika ni ba sa sa, aboro anidu 24,000: agu aboro ki du ni abarumbatayo fu angbatunga abayo, na abarutirivura nga ga akutu yo na ga akama yo, na gayo abarumbatayo nangia agu yo nanamanga pa bakindo rogo gu ringbisiringbisi pai nanaye na gu nanakura na diwi na adiwi dunduko rogo gu garã.

2Yasobama nangia wiri Zabediere ki du ku ri gu bambata rika tipa bambata diwi; aboro gako rika adu wa 24,000.

3Ko adu ni tita Perese ni gbia abarutiri rimbasa aborosovura dunduko tipa bambata diwi.

4Dodai boro Awoa ki du ku ri gu ue rika aboro nga ga ue diwi, Mikerota ki ngia hazogo gako rika, aboro gako rika adu wa 24,000.

5Biata barutiri rimbasa aborosovura tipa biata diwi angia Benaya ni gbia, nangia wiri Yoyada boromotumo; aboro gako rika adu wa 24,000.

6Gi ko re nga Benaya nangia iranyaka dagba agu yo naadti 30; ko adu ku ri agu yo 30, Amizabada nangia wiriko adu dagba gako rika.

7Gu biama barutirivura, tipa biama diwi, ki ngia Asaere tame Yoaba, Zebadaya ki du fuo ko nangia wiriko; aboro gako rika adu wa 24,000.

8Gu bisue barutirivura, tipa bisue diwi, ki ngia Samuta boro Yisara; aboro gako rika adu wa 24,000.

9Gu sita barutirivura, tipa sita diwi, ki ngia Ira, wiri Ikese boro Tekua; aboro gako rika adu wa 24,000.

10Gu saba barutirivura, tipa saba diwi, ki ngia Erese boro Perone, ni tita Efuraima; aboro gako rika adu wa 24,000.

11Gu muambi barutirivura, tipa muambi diwi, ki ngia Sibekai boro Usa, ni ngbatunga Zera; aboro gako rika adu wa 24,000.

12Gu ribua barutirivura, tipa ribua diwi, ki ngia Abiezere boro Anatota, ni ngbatunga Benyamina; aboro gako rika adu wa 24,000.

13Gu bawe barutirivura, tipa bawe diwi, ki ngia Marai boro Netofa, ni ngbatunga Zera; aboro gako rika adu wa 24,000.

14Gu 11 barutirivura, tipa 11 diwi, ki ngia Benaya boro Piratona, ni tita Efuraima; aboro gako rika adu wa 24,000.

15Gu 12 barutirivura, tipa 12 diwi, ki ngia Eredai boro Netofa, ni ngbatunga Oteniere; aboro gako rika adu wa 24,000.

16Agi yo re naadu ku ri angbatunga aYisaraere, Eriezere nangia wiri Zikiri adu ni bazogo ku ri ngbatunga Rubena; Sefataya nangia wiri Maka, ki du ku ri ngbatunga Simona;

17Asabeya nangia wiri Kemuere, ki du Ku ri ngbatunga Revi; Sadoka ki du ku ri ngbatunga Arona;

18Eriu nangia wirina Dawidi ki du ku ri ngbatunga Yuda; Omeri nangia wiri Mikaere ki du ku ri ngbatunga Yisasakara;

19Yisemaya nangia wiri Obadaya ki du ku n ngbatunga Zeburuna; Yeremota nangia wiri Azuriere ki du ku ri ngbatunga Nafaitari;

20Osea nangia wiri Azazaya ki du ku ii ngbatunga Efuraima; Yoere nangia wiri Pedaya ki du ku ri bebere ngbatunga Manase;

21Ido nangia wiri Zekaraya ki du ku ri gu bebere ngbatunga Manase naadu Girada yo; Yasiere nangia wiri Abinera ki du ku ri ngbatunga Benyamina;

22Azarere nangia wiri Yeroama ki du ku ri ngbatunga Dana. Agi yo re nangia abazogo ku ri angbatunga aYisaraere.

23Ono Dawidi ageda nga agu yo gara yo ada nga ti 20 ya te, bambiko Yekova aya ko angeésa aYisaraere wa kina akerekuru ngbangbaturũ yo.

24Yoaba wiri Seruya ki tona geda aYisaraere, ono ka ko anyasa nga yo ya; bambiko zinga aye ku ri aYisaraere tipa gi pai re, i ake nga pa bange yo ku rogo gu kitabu peka pa Bakindo Dawidi a te.

25Azemaveta adu ku ri ga bakindo kikiipaahe nangia wiri Adiere; Yonatona nangia wiri Uziya ki du ku ri abambu iga ahe naadu ringara yo, na gu naadu rogo abaakporo, na rogo wiri akporo, na rogo kura nyanyaki agbata a;

26Ezeri nangia wiri Keruba ki du ku ri agu yo nanamanga sunge sopa bino;

27Simi boro Rama ki du ku ri aati bakakue; Zabedi boro Sefeme ki du ku ri sunge zuzu bakakue na baiga imehe a.

28Bara-nana boro Gedera ki du ku ri angua eraya na angua du wa vurumo naadu ngboongboorago yo; Yoasa ki du ku ri baiga nzeme.

29Siterai boro Sarona ki du ku ri agu arimbasa anya i anariga ra Sarona yo; Safata nangia wiri Aderai adu ku ri agu arimbasa anya naadu ngboongboorago yo.

30Obira boro Yisamaere ki du ku ri akameri; Yedeya boro Merona ki du ku ri anaadongi. Yaziza boro Agara ki du kir ri rimbasa akandoro.

31Agi abazogo re dunduko naadu ku ri gu aũkumuko nangia ga Bakindo Dawidi.

32Yonatana nangia unduruba Dawidi ki du ni bororondo, ni boro rugatinapai, ni bakeapai a; ko gbia kuti Yiere nangia wiri Akemoni adu ni ababanda awiri bakindo.

33Aitofere adu ni ga bakindo bororondo, Usai boro Araka adu ni badia bakindo.

34Yayada nangia wiri Benaya ki du fuo Aitofere, na Abiatara a. Yoaba adu ni barutiri ga bakindo rimbasa aborosovura.

← Chapter 26 Jump to: Chapter 28 →