1 Chronicles 5

Zande

← Chapter 4 Jump to: Chapter 6 →

1Rubena nangia bambata wiri Yisaraere bambiko ko adu ni bambata vungu; ono wa ko agbarasi ga bako ba, i afu gako maku unvuru fu awiri Yosefa nangia wiri Yisaraere, ka i ageda nga rika ngbatungako wa du pa gu maku nga ga unvuru ya;

2ono wa si avura du ya Yuda adi be awirinako, bazogo aenge ti ko, ono gu maku nga ga unvuru adu ni ga Yosefa.

3Awiri Rubena nangia bambata wiri Yisaraere du re: nga Anoka, Paru, Eserone na Karumi.

4Wiri Yoere ki ngia Semaya; wiri Semaya ki ngia Gogo, wiri Gogo ki ngia Simi,

5wiri Simi ki ngia Mika, wiri Mika ki ngia Raya, wiri Raya ki ngia Bara,

6wiri Bara ki ngia Bera nga gu ko Tirigata-pirenesera bakindo aAsuro aga na ko ni zizi ko; ko adu ni bazogo ku ri angbatunga Rubena.

7Awirinako na arika ngbatungayo, ki ngia agi yo re, ho i agedi arika angbatungayo ni: gayo abarumbatayo ki ngia Yiere, na Zekaraya,

8na Bera wiri Azaza, nangia wiri Serna, Serna nangia wiri Yoere, naaraka Aroere yo, ki da ku Nebo yo na ku Baramona yo.

9Ko ki niraki ku uroyo ti bangbanda ngbakungba ku mbiti di Ferata no, bambiko gayo zogozogo anya azuga azuga gbe rogo ringara Girada.

10Ti rago Saura i aso vura na aAgaro, nga agu yo nakpi be yo ti ngba vura. I ki niraki rogo gayo abamburoko rogo agu aringara re dunduko du pati Girada ku uroyo.

11Awiri Gada ki niraki pati yo rogo gu ringara nga Basana ki da ku Sareka yo:

12Yoere nangia gayo barumbatayo, Safama ki du fuo ko, na Yanai, na Safata naadu Basana yo.

13Awirinayo nangia angbatunga bayo ki ngia Mikaere, na Mesurama, na Seba, na Yorai, na Yakana, na Zia, na Ebere, wa aboro saba.

14Agi yo re nangia awiri Abiyaira nangia wiri Uri, Uri angia wiri Yarua, Yarua ki ngia wiri Girada, Girada ki ngia wiri Mikaere, Mikaere ki ngia wiri Yesisai, Yesisai ki ngia wiri Yado, Yado ki ngia wiri Buza;

15Ai nangia wiri Abediere, ko ki du ni barumbatayo fu ngbatunga abayo, Abediere angia wiri Guni,

16i araka Girada yo na Basana yo, na rogo gaha abaakporo, na rogo aringara banambu dunduko nadu Sarona yo dati abangbanda ha.

17I agedi agi yo re dunduko na arika angbatungayo ti rago Yotama nangia bakindo aYudo, na ti rago Yerobama nangia bakindo aYisaraere.

18Ngbatunga Rubena, na ngbatunga Gada, na bebere ngbatunga Manase naadu na ngangarã aboro, nga agu aboro na rengbe ka tinda vurakube na basape, na ka no he ni mboto, nangia airatatamana rogo so vura. I adu wa aboro 44,760, agu yo narengbe ka ndu ka so vura.

19I ki so vura kuti aAgaro, na kuti Yetura, na kuti Nafisa, na kuti Nodaba;

20i abi amounda si du aAgaro ati ti ni ku beyo, na agu yo dunduko naadu na yo, bambiko i akpari fu Mbori rago vura, ko ki gi pa yo bambiko wa i akida kuti ko.

21I ki rogo gayo, zogozogo anya ku sa yo: nga gayo akameri wa 50,000, akandoro wa 250,000, anadongi wa 2,000, na aboro wa 100,000.

22Bambiko i aimi yo ni dungu yo, bambiko gu vura re si aye be Mbori I ki niraki ku ba yo dati zia yo yo ni zizi yo.

23Aboro gu kura bebere ngbatunga Manase ki niraki rogo gu ringara re; i ki nge gbe tona Basana yo ku Bare-rumora yo, na Senira yo, na Bagangara Erumone yo.

24Agi yo re nangia abarumbatayo nga ga ngbatunga abayo: nga Efere, na Isi, na Eriere, na Azuriere, na Yeremaya, na Odaveya, na Yadiere, i nangia airanyaka ni ngangarã aboro, ni abaworimo ku ri angbatunga abayo.

25Ono i ki ti ndika kuti ga abayo Mbori, ki ndu nimangi pai ni sino pa bari fuo agu ambori nga ga aboro gu ringara re, nangia agu yo Mbori agbarasi yo barangba yo.

26Si du ga aYisaraere Mbori ki zingisi gu toro nga ga Pura bakindo aAsuro, na gu toro nga ga Tirigatapirenesera bakindo aAsuro, ko ki ga na yo, nga ngbatunga Rubena, na ngbatunga Gada, na gu bebere ngbatunga Manase, ki ye na yo ku Ara yo, na ku Abora yo, na ku Hara yo, na ku pavuru gu di nga Gozana, du yo ni daku areme.

← Chapter 4 Jump to: Chapter 6 →