1 Chronicles 26

Zande

← Chapter 25 Jump to: Chapter 27 →

1Tipa agu arika nga ga ababanda ngbadimo: dagba angbatunga Koata, Meseremia ki du nangia wiri Kore, dagba awiri Asafa yo.

2Awiri Meseremia du re: Zekaraya ni bambata vungu, Yediyaere ki du ni ue yo, Zebadaya ni biata yo, Yateniere ni biama yo,

3Erama ni bisue yo, Yoanana ni sita yo, Ereyoenai ni saba yo.

4Awiri Obede-edome du re: Semaya ni bambata vungu, Yozabada ki du ni ue yo, Yoa ni biata yo, Sakara ni biama yo, Netanere ni bisue yo,

5Amiere ni sita yo, Yisasakara ni saba yo, Puretai ni muambi yo; bambiko Mbori afu maku fu ko.

6Semaya nangia wiri Obede-edome abatika awiriko a nangia agu yo nazoga ngbatunga abayo, bambiko i adu ni airanyaka ni ngangarã akumba.

7Awiri Semaya du re: Oteni, Refaere, Obede, na Erezabada, awirinako adu ni ngangarã aboro, nangia Eriu na Semakaya.

8Agi yo re dunduko nangia ngbatunga awiri Obede-edome na awiriyo na awirinayo, nangia agu akumba rengbe omeyo tipa sunge; wa akumba 62 nangia ga Obede-edome yo.

9Meseremia adu na awiriko na awirinako, nangia k an gara akumba, wa 18.

10Osa adu a na awiriko, nangia ngbatunga awiri Merari: Simiri nangia barumbatayo, bambiko wa ko avura du nga ni bambata vungu ya, bako amoi ko ni barumbatayo

11Erekiya ki du ni ue yo, Tebaraya ni biata yo, Zakaraya ni biama yo: awiri Osa na awirinako adu wa aboro 13 dunduko.

12Dagba agi yo yo re arika ababanda ngbadimo adu ni, dagba abarumbatayo a, naadu na sunge a wa kina awirinayo, ka amanga sunge tii ga Yekova bambu yo.

13I ki ba ake, gu umba pa yo wa kikindigi pa yo a, wa angbatunga abayo adu, tipa angbadimo ni ba sa sa.

14Gu tipa ngbadimo ku uroyo ki ti fu Seremia. Fuo gure i aba ake tipa Zekaraya nangia wiriko, babio bororondo, ake ki ti tipa ko ku nodiyo.

15Tipa Obede-edome si ki ti tipa ko ku sudiyo, na tipa awiriko si ki yugu pa bambu iga ahe.

16Ake ki ti tipa Supima na Osa ku dioyo, Dati gu ngbadimo nga ga Sarekete ngba gu gene naandu ku ngbi yo. Babandarago ki du wa sa na gu babandarago.

17ARevi anidu ku uroyo sita na uru, ku nodiyo i anidu biama na uru, ku sudiyo biama a na uru, gbiakuti bambu iga ahe yo i adu ni ni ba ue ue;

18ku Parubara ku dioyo biama ki du ngba gu gene naandu ku ngbi yo, ue ki du ku Parubara yo a.

19Agi yo re nangia agu arika nga ga ababanda ngbadimo dagba ga awiri Kora yo na ga awiri Merari yo.

20Dagba aRevi yo, Aiya naadu ku ri gu kikiipaahe naadu rogo ga Mbori bambu, na ku ri gu kikiipaahe i akpara ha.

21Tipa awiri Radana, Yiere ki du, na tipa agu awiri ngbatunga Gerusona a nangia ga Radana aboro, naadu ni abarumbatayo fu angbatunga abayo nangia Radana ni boro Gerusona.

22Dagba awiri Yiere, Zetama ki du na Yoere nangia tameko, ki du ku ri gu kikiipaahe naadu rogo ga Yekova bambu yo.

23Ga Amurama yo, dagba aYisara yo, na daeba aEburone yo, na dagba aUziere yo―

24Sebuere ki du ni gbia ku ri pa kikii paahe nangia wiri Gerusoma, Gerusoma ki ngia wiri Mose.

25Dagba awirinako yo: naaenge ti Erezere Rebaya nangia wiriko ki du, na Yesaya nangia wiri Rebaya, na Yorama nangia wiri Yesaya, na Zikiri nangia wiri Yoroma, na Seromota nangia wiri Zikiri.

26Gi Seromota re na awirinako adu ku ri gu kikiipaahe naadu ni kparakpara ha dunduko, bakindo Dawidi akpara ha wa sa na abarumbatayo fu angbatunga abayo, na abarutirivura nga ga akutu yo na ga akama yo, na abarutiri rimbasa aborosovura.

27Dagba agu ahe i agbu he ti vura i akpara gu ka mbakada ga Yekova bambu na ni.

28Gbiakuti agu ahe dunduko Samuere nangia babiapai akpara ha, na Saura nangia wiri Kisi, na Abinere nangia wiri Nere, na Yoaba nangia wiri Seruya, agu ahe i anikpara ha si anidu dunduko ku tii be Seromota na awirinako.

29Dagba ngbatunga aYisara yo, Kenanaya na awiriko adu ku ri agu asunge naadu ku zegi yo nangia ga aYisaraere, naadu ni abasapungbanga a.

30Dagba ngbatunga aEburone yo, Asabia na awirinako adu ku ri agu asunge dunduko nangia ga aYisaraere ku mbiti Yaradene ku dioyo, na tipa ga Yekova apai dunduko na tipa ga bakindo sunge a, i adu wa kangará akumba 1,700.

31Dagba ngbatunga aEburone yo, Yeriya ki ngia barumbatayo, fu ngbatunga Eburone, wa du arikayo ni angbatunga abayo. Ti gu 40 garã zogarago nangia ga Dawidi i agbata aboro, i ki bi airanyaka ni ngangarã aboro dagba yo Yazere yo du Girada yo.

32Bakindo Dawidi amoi Yeriyo na awirinako nangia kangará aboro, wa akumba 2,700, naadu ni abarumbatayo fu angbatunga abayo, i du ni abazogo ku ri ngbatunga Rubena, na Gada, na gu bebere ngbatunga Manase tipa bi agu apai dunduko nga ga Mbori, na tipa ga bakindo apai a.

← Chapter 25 Jump to: Chapter 27 →