bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Exodus 29
Exodus 29
Zande
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 30 →
1
“Gere nga gu pai mo ka manga fu yo, ya i dũ ni kparakpara yo, ka amanga pare rogo pa ga aboromotumo sunge. Mo dí paranga babagara sa na abaakandoro ue zanga serõ ti ra,
2
na gu kpokuta adu nga na agbooro ti ni ya, na gu rukutu zozo akpokuta adu nga na agbooro ti ni ya, kodi yo ho na nzeme, na ayaaya kpokuta zanga agbooro, gu uka yo nzeme ku auru he. Mo amánga ha na wene ridiridi ngungo nganu.
3
Mo ki moi he ku rogo baga sa, ki ye na ni rogo baga, na babagara na abaakandoro ue.
4
Mo ki ye na aArona, na awiriko a ku ngbadimo bamburoko dungurati yo, ki zundu yo na ime.
5
Mo ki di aroko, ki ukadi Arona na roko kuari, na gu gbanga roko nga ga efoda, na efoda, na mangu ngbaduse, ki vo bawene giri efoda dimoko i atu he ni tatamana;
6
mo ki moi kaĩkaĩ rokori ku riko yo, ki moi gu kpakpari du ni kparakpara ha ziazia ku auru rokori.
7
Were, mo ki di nzeme mbeda, ki uka ha ku riko yo, ki mbedi ko.
8
Mo ki ye na awiriko a ki ukadi yo ni aroko kuari,
9
mo ki vodi yo na agiri dimose, ki moi akutuku ku riyo yo; i ki nidu na pa du ni boromotumo ti yo mbiko nyenye rugapai. Were mo ka dika aArona na awiriko.
10
“Mo ki ye na babagara ku barangba bamburoko dungurati. AArona na awiriko ki moi beyo ku auru ri babagara,
11
mo ki imi babagara bara bangiri Yekova pati ngbadimo bamburoko dungurati,
12
mo ki di bete kure babagara ki moi he auru agbanga bamotumo na awirinzagaro, yangara kure mo ki uka ha dunduko pati mburu bamotumo.
13
Mo ki di gu nzeme dunduko du ti aũvuru babagara yo, ki di ngbebe pavuru enderu na agbiiri ue, na gu nzeme du ti ni, ki zo ho ku ri bamotumo.
14
Ono pasio babagara, na kpotoru a, na regboru, si mo ka nizó ho azo ku zegi gii bataya yo; si nga motumo ingapai.
15
“Mo ki di gu bakandoro sa a, aArona na awiriko ki moi beyo ku auru ri bakandoro,
16
mo ki imi bakandoro, ki di kureru ki migidi he kirikiri dunduko kuti bamotumo.
17
Mo ki yepe gu bakandoro re rukutu, ki zundu aũvuru yo na anduru, ki moi he ku pati pasioru na riru,
18
mo ki zo bakandoro na ba ru dunduko ku ri bamotumo; si nga zozo motumo fu Yekova; du ni guzuguzu fuõhe nga gu gamahe i namanga ha ni we fu Yekova.
19
“Mo ki di gu kura bakandoro; aArona na awiriko ki moi beyo ku auru ri bakandoro,
20
mo ki imi ru, ki di bete kureru, ki moi he ti ngba kpetu Arona ku kumbabeko yo, na ti ngba kpetu awiriko yo dunduko, ku kumbabeyo yo, na ti abawirinzagakumbabeyo, na ti abawirindu kumbanduyo dunduko, mo ki migidi yangara kure kuti bamotumo kirikiri.
21
Mo ki di bete gu kure du auru bamotumo, na gu nzeme mbeda, ki migidi he ku ri Arona na gako aroko, na ku ri awiriko na gayo aroko a; ko ki du ni kparakpara ko, na gako aroko a, awiriko a na gayo aroko wa sa.
22
“A wo mo ka adia nzeme bakandoro, na nzeme saru, na gu nzeme du ti aũvuru yo, na ngbebe pavuru enderu na agbiiri ue, na gu nzeme du ti ni, na kumbambosoru, bambiko u nga bakandoro dikatise,
23
mo ki di zozo kpokuta sa baga yo adu nga na agbooro ti ni ya, du bara bangiri Yekova;
24
mo ki momoi agi ahe dũ re ku be Arona yo, na ku be awiriko yo, ki wo ti beyo ni wowoti motumo ku bangiri Yekova.
25
Mo ki rogo ho be yo, ki zo ho ri bamotumo, na zozo motumo, ni guzuguzu fuõhe bara bangiri Yekova; si nga gu gamahe i namanga ha ni we fu Yekova.
26
“Mo ki di ngbadu ga Arona bakandoro dikatise, ki wo ti ni ni wowoti moiumo ku bangiri Yekova; si ki du ni gu bete he nga gamo.
27
Mo ki kpara ngbadu bakandoro nga ga wowoti motumo na gu mbosoru nga ga aboromotumo he, nga gu i awo ti ni nga tumbatumba motumo, nga bakandoro dikatise, bambiko wo du he tipa Arona na awiriko.
28
Si adú tipa Arona na awiriko ni gayo he be awiri aYisaraere nye anye kindi, bambiko si nga ga aboromotumo he, awiri aYisaraere ka afu he dagba gayo amotumo zereda; si nga gayo tumbatumba motumo fu Yekova.
29
“Gu kparakpara ziazia aroko nga ga Arona si adú tipa awiriko fuo ko a, ya i niukadi he rago mbeda yo yo na nzeme, na rago dika yo a.
30
Gu wiriko i ka maa ko ni boromotumo ku ba ko, ko aúkadi he tipa rame saba, ho ko ka arima ni ku rogo bamburoko dungurati yo ka amanga pai rogo kparakpara ziazia ba.
31
“Mo ki di gu bakandoro nga ga dikatise ru ki pasi pasioru rogo gu kparakpara ba;
32
aArona na awiriko ki ri pasio gu bakandoro re, na gu kpokuta du baga yo, ngbadimo bamburoko dungurati yo.
33
I ki ri agu ahe i amangi pa dada ingapai na ni, ka dika ha, na ka kpara ha, ono ka kungba boro arí nga ha ya, bambiko si ni kparakpara he ziazia.
34
Ka ngia yangara pasio nye nga ga dikatise, watadu kpokuta, ki da ku wiso, mo azó ho azo; ka i ari nga ha ya, bambiko si ni kparakpara he ziazia.
35
“Were mo ka amanga fu aArona na awiriko, a wa mi arugu ro na ni dunduko; mo adíka yo rame sunge he ki du saba,
36
mo ki nifu babagara na uru, ni motumo tipa dada ingapai. Mo ki fu motumo ingapai a tipa bamotumo, ho mo ka manga pa dada ingapai ni tipa ha, mo ki mbedi he ka kpara ha ziazia.
37
Tipa rame saba mo amánga pa dada ingapai ri bamotumo ki kpara ha, bamotumo ki du ni kparakpara he ziazia ki susi; gu he ka zadi bamotumo si ki sa tihe ni kparakpara ha ziazia a.
38
“Were, gere nga gu mo ka afu he auru bamotumo: awiri akandoro ue du garãra sa mo ka afu ra na uru na auru kindi.
39
Gu wiri kandoro sa mo ka fu ru na awiso, na gu kura ru sa mo ki nifu ru na anyemu;
40
gu bambata wiri kandoro mo afú ru na bete ngungo, wa aritere biata na beberehe, ni kodikodi he na gu nzeme i asuka ha asuka fufurũ wa ritere sa na beberehe, na imekakue wa ritere sa na beberehe a tipa motumo mbirimbiri he.
41
Gu kura wiri kandoro mo afú ru nyemu, mo afú ru na gu motumo nga ga riahe a wa ga wiso ru, ni guzuguzu fuõhe, nga gu motumo i amánga ha ni we fu Yekova.
42
Si adú ni zozo motumo i ka atúmo na ni na uru dagba rika ngbatungaroni kindi, pa ngbadimo bamburoko dungurati yo bara bangiri Yekova, kina yo mi ka angbisa roni ni, ki nifura na mo.
43
Yo mi ka angbisa awiri aYisaraere ni, gi taarimo akpára Banye ni ziazia ha;
44
mi asá bamburoko dungurati ni kparakpara ha, na bamotumo a; aArona na awiriko mi akpára yo a wo, i nimángi pare rogo pa ga boromotumo sunge.
45
Mi ki nye dagba awiri aYisaraere, ki du ni gayo Mbori.
46
I ki ini he ya, mi nga Yekova nga gayo Mbori, nakusi yo ringara Ezipeta yo, ya mi nye dagba yo; mi nga Yekova nga gayo Mbori.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40