bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Ezekiel 40
Ezekiel 40
Zande
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 41 →
1
Ti 25 garã nga ga gaani zia, ti tonatona garã, ti bawe rame diwi, ti gu 14 garã fuo dia yo be bakporo, ti kina gu uru re, be Yekova adu ti re,
2
ko ki ye na mi rogo yuguyugupai nga ga Mbori ku rogo ringara Yisaraere, ki moi re ri gbanga bagangara, he adu auru he wa kpia bakporo bara ku sudiyo.
3
Ho ko aye na mi ni koyo, mo ngére, boro adu yo, ngbanyani adu wa ga sirigi, giri kpekpe nzibi adu be ni na nganzi ringbisaahe; ni aru ti ngbadimo bakporo.
4
Gu boro re ki ya fere, “Wiri boro, mo ngére ni bangiro, ki gi pai ni turo, ki moi berãro ti agu apai dunduko nga gu mi akayugo ho foro, bambiko i ye na mo ku erẽ mi yugu pai foro; mo táki pande pa agu apai dunduko bi mo fu ngbatunga aYisaraere.”
5
Mo ngere, ngapa adu kirikiri pati vurukporo yekaru zegi yo, bagiza gu nganzi ringbisaahe nadu be gu boro re adu wa bagiza mbiribe sita, bagizaha ni ba sa sa adu wa bagiza mbiribe sa na pabe sa; ni ki ringbisi banaga ngapa, si adu wa nganzi sa; na basonaha wa nganzi sa.
6
Ni ki ndu sa gu ngbadimo bakporo nangera ku uroyo, ki dakpa ti babita ha, ki ringbisi rago ti barima ngbadimo, banagaha ki du wa nganzi sa;
7
avuruhe pavuru bambu yo adu wa nganzi sa, patihe ki ngia nganzi sa; gu ba dagba avuruhe pavuru bambu yo adu wa bagiza mbiribe bisue; barima ngbadimo pati mbaraza dati digida ngbadimo ku dimoyo adu wa nganzi sa.
8
Ni ki ringbisi mbaraza nga ga ngbadimo bagizaha ki du wa bagiza mbiribe muambi;
9
na gaha ngua pa ngbadimo wa bagiza mbiribe ue, mbaraza nga ga ngbadimo adu ti digidaha ku vuruhe yo.
10
Avuruhe adu biata pavuru bambu yo ku bani na ku bani ti gu ngbadimo du ku uroyo; bakiaha adu sa; bakia ngua pa ngbadimo ku bani na ku bani adu sa.
11
Ni ki ringbisi bakia barima ngbadimo, si ki ngia bagiza mbiribe bawe; bakia ngbadimo ki ngia bagiza mbiribe 13.
12
Angbongbo adu barangba agu avuru bambu du pavuruhe, bagiza mbiribe sa ti gu ku bani na ti gu ku bani a; agu avuruhe pavuru bambu yo adu wa bagiza mbiribe sita pavuruhe ku bani na ku bani.
13
Ni ki ringbisi dagba rago tona ti ngbadimo ti gu pavuruhe yo dati gu kura ha, patihe ki du wa bagiza mbiribe 25, tona ti gu ngbadimo sa gu ngbadimo.
14
Ni aringbisi mbaraza, si ki ngia bagiza mbiri De 20; vurukporo adu kirikiri pati mbaraza nga ga ngbadimo.
15
Bagiza rago tona ti ngbadimo ti barima sa digidaha ti mbarazaha ku dimoyo adu wa bagiza mbiribe 50.
16
Ngbadimo tigaha adu na abangirihe ti ni kirikiri, naumbasi tine dimo yo ku ti ngua pangbaha ti agu avuruhe pavuru bambu yo, mbaraza bakporo adu a wo na abangirihe ti ni kirikiri ku vuruhe yo, na kpia asikisa ti ngua pa ngbadimo.
17
Ni ki ye na mi ku rogo gu vurukporo du ku zegi yo; mo ngére, avuru bambu adu yo na gene kpakakpaka ambia kirikiri vurukporo; avuru bambu 30 adu ti pavuru gu kpakakpaka ambia.
18
Gene kpakakpaka ambia ki du pavuru angbadimo; rngbisi tihe sa na bagiza angbadimo; gere nangia gu gene kpakakpaka ambia du ni zorõzorõ ho.
19
Ni ki ringbisi dagba rago tona ti gu vuru ngbadimo du ti zorõzorõ rago yo ki da ti gii gu vurukporo yo du ku dimo yo, si ki ngia bagiza mbiribe 100. Ni ki ngbe mbata yo fere ku nodiyo,
20
mo ngére, ngbadimo adu yo nangera ku nodiyo, nga ga gu vurukporo du ku zegi yo. Ni aringbisi bagizaha na patihe.
21
Bakia agu avuruhe nadu biata ku bani na ku bani, na gaha ngua pa ngbadimo na mbarazaha, adu wa sa na gu nangia ga bambata ngbadimo; bagizaha adu wa bagiza mbiribe 50, patihe ki du wa bagiza mbiribe 25.
22
Abangirihe, na gaha mbaraza, na gaha kpia asikisa adu na bakiaha wa sa na gu ngbadimo nasa kpakpuhe ku uroyo; ababitaha adu yo saba nandu ku ari yo, mbarazaha adu ku dimo yo.
23
Barangba gu ngbadimo nadu nodiyo, wa du he ku uroyo, kura ngbadimo adu ku vurukporo ku dimo yo; ni ki ringbisi dagba rago ti gu ngbadimo dati gu ngbadimo, si ki ngia bagiza mbiribe 100.
24
Ni ki ngbe fere ku mbata yo ku sudiyo, mo ngére, ngbadimo adu yo ku sudiyo; ni ki ringbisi angua pa ngbadimoho na mbarazaha; si adu na bakiaha wa sa wa ga akura ha.
25
Abangirihe adu ti ni kirikiri vuruhe yo na ti mbarazaha, wa abangiri ga akura ha; bagizaha adu wa bagiza mbiribe 50, patihe adu wa bagiza mbiribe 25.
26
Ababitaha adu yo saba nandu ku ari yo, mbarazaha ki du ku dimo yo, si ki du na kpia asikisa ti angua pa ngbadimo, gu sa ku bani na gu ku bani.
27
Ngbadimo adu ku sudiyo ti gu vurukporo du ku dimo yo; ni ki ringbisi dagbarago tona ti gu ngbadimo ki da ti gu kura ha du ku sudiyo, si ki ngia bagiza mbiribe 100.
28
Ni ki ye na mi ku rogo gu vurukporo du ku dimo yo pati ngbadimo du ku sudiyo, ni ki ringbisi ngbadimo du ku sudiyo; si adu na bakiaha wa sa wa ga akura ha.
29
Avuruhe ti pavuruhe, gaha angua pa ngbadimo, na mbarazaha adu na bakiaha wa sa wa bakia akura ha; abangirihe adu ti ni kirikiri vuruhe yo na ti mbarazaha a; bagizaha adu wa bagiza mbiribe 50, na bakia patihe adu wa bagiza mbiribe 25.
30
Mbarazaha ki du kirikiri, bagizaha ki du wa bagiza mbiribe 25, na patihe ki du wa bagiza mbiribe bisue.
31
Mbarazaha asa kpakpuhe ku vurukporo ku zegi yo, kpia asikisa ki du ti anguaha, gaha babita adu na abandue ti ni muambi.
32
Ni ki ye na mi ku rogo gu vurukporo du ku dimo yo bara ku uroyo, ni ki ringbisi ngbadimo; si adu na bakiaha wa sa wa ga akura ha.
33
Avuruhe ti pavuruhe, gaha angua pa ngbadimo, na mbarazaha adu na bakiaha wa sa wa bakia akura ha; abangirihe adu ti ni kirikiri vuruhe yo na ti mbarazaha a; bagizaha adu wa bagiza mbiribe 50, patihe adu wa bagiza mbiribe 25.
34
Mbarazaha ki sa kpakpuhe ku vurukporo ku zegi yo, si ki du na kina kpia asikisa ti anguaha, gu ku bani na gu ku bani a; gaha babita adu na abandue ti ni muambi.
35
Ni ki ye na mi ku ngbadimo du ku nodiyo, ni ki ringbisi he; si adu na bakiaha wa sa wa ga akura ha.
36
Avuruhe ti pavuruhe, gaha angua pa ngbadimo, na mbarazaha adu na bakiaha wa sa wa ga akura ha; abangirihe adu ti ni kirikiri; bagizaha adu wa bagiza mbiribe 50, patihe ki du wa bagiza mbiribe 25.
37
Mbarazaha ki sa kpakpuhe ku vurukporo ku zegi yo, si ki du na kpia asikisa ti anguaha, gu ku bani sa na gu ku bani a sa; gaha babita adu na abandue ti ni muambi.
38
Vuru bambu adu yo na kpuguruhe pati angua pangbadimo yo, yo i ka azunda zozo motumo ni.
39
Ambisa adu ue ku bani na ku bani tii mbaraza ku ngbadimoho, nga gu i ka aimo zozo motumo ku ri he na motumo ingapai na motumo tiandika a.
40
Ambisa adu ue ti pavuru mbaraza ku zegi yo ti barima ngbadimo du ku nodiyo, na ambisa ki du ue ti kura pavuru mbaraza a.
41
Ambisa adu dimo yo biama, na ambisa zegi biama ti pavuru ngbadimo, wa ambisa muambi nga gu i ka aimo anya motumo ku ri he.
42
Ambisa adu yo biama a du ni sese ambia tipa zozo motumo, bagizaha adu wa bagiza mbiribe sa na beberehe, na patihe ki du wa bagiza mbiribe sa na beberehe a, basonaha ki du wa bagiza mbiribe sa, nga gu i ka amaa auimo zozo amotumo ku ri he na ga amotumo a.
43
1 amoi akombe kirikiri vuru ambisa yo, bagiza akombe ki du wa pabe sa. I ka amaa pasio nga ga gamunihe mbedisatise ni ku ri ambisa.
44
Ni ki ye na mi ku zegi yo ku vurukporo ku dimoyo, mo ngére, avuru bambu adu yo ue vurukporo dimo yo, sa ti pavuru gu ngbadimo du ku nodiyo nangera ku sudiyo, gu kura ha ti pavuru ngbadimo du ku sudiyo nangera ku nodiyo.
45
Ni ki ya fere, Gi vuru bambu sa kpakpuhe ku sudiyo re du tipa aboro motumo nga agu yo du na pa sunge banda yekaru,
46
gu vuru bambu sa kpakpuhe ku nodiyo du tipa aboro motumo du na pa sunge bamotumo; agi yo re nangia awiri Sadoka, du ni sa yo dagba awiri Revi nikaniye ka mbeda na Yekova ka manga pa ko.
47
Ni ki ringbisi vurukporo, bagizaha adu wa bagiza mbiribe 100, bakia patihe ki du wa bagiza mbiribe 100, bagizaha ki du sa na patihe, pavuruhe ki du wa sa; bamotumo ki du barangba yekaru.
48
Ni ki ye na mi ku tii mbaraza ti yekaru ki ringbisi angua pangba mbaraza, bagizaha ki du wa bagiza mbiribe bisue ti pavuruhe ku bani na ku bani; bakia ngbadimo adu wa bagiza mbiribe 14; gu pavuru ngbadimo adu wa bagiza mbiribe biata ku bani na ku bani a.
49
Bagiza mbaraza adu wa bagiza mbiribe 20; na patihe ki du wa bagiza mbiribe 11; ababita andu sa ni bawe; adangba adu yo pati angua pangbadimo ti pavuruhe ku bani na ku bani.
← Chapter 39
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 41 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48