Ezekiel 48

Zande

← Chapter 47 Jump to:

1“Rimo angbatungayo du re: Tona ti bangbandarago ku nodiyo, ti baime ngba gu gene ku Eterone yo sa barima ku Amata yo, ki da ku Asare-nona yo, nga gu du ti bangbandarago Damaseke ku nodiyo, ki susi ku Amata yo, ki ndu tona ku pangbarago ku uroyo ki da ku dioyo, si ki du ni ga Dana ringara ni kparakpara ngbi sa.

2Ga Asera ki zungu tihe kuti ga Dana ringara, ringara ti pangbarago ku uroyo ki da ku dioyo, ni kparakpara ngbi sa.

3Ga Nafatari ki zungu tihe kuti ga Asera ringara ti pangbaha ku uroyo ki da ku dioyo, ni kparakpara ngbi sa.

4Ga Manase ki zungu tihe kuti ga Nafatari ringara ti pangbaha ku uroyo ki da ku dioyo, ni kparakpara ngbi sa.

5Ga Efuraima ki zungu tihe kuti ga Manase ringara, ti pangbaha ku uroyo ki da ku dioyo, ni kparakpara ngbi sa.

6Ga Rubena kizungu tihe na ga Efuraima ringara ti pangbaha ku uroyo ki da ku dioyo, ni kparakpara ngbi sa.

7Ga Yuda ki zungu tihe na ga Rubena ringara ti pangbaha ku uroyo ki da ku dioyo, ni kparakpara ngbi sa.

8“Gu ringara zungu tihe kuti ga Yuda ringara ti pangbaha k u uroyo ki da k u dioyo, si adú ni gu ngbi oni ka kpara ha, patihe ki du wa bagiza mbiribe 25,000, bagizaha ni rengberengbe he na gu ngbi nga ga ngbatunga sa, tona ti pangbaha ku uroyo ki da ku dioyo, kparakpara ziazia ba ki du bangbandaha.

9Gu ringara oni ka kpara ha ni gamahe tipa Yekova, bagizaha adú wa bagiza mbiribe 25,000, patihe ki du wa bagiza mbiribe 20,000.

10Gere nikadu ni gu kparaka dagba kparakpara gamahe yo: aboromotumo anidu na kparakpara ringbisiringbisi rago nga bagiza mbiribe 25,000 ku nodiyo, patihe ki du wa bagiza mbiribe 10,000 ku dioyo, na patihe ku uroyo ki du wa bagiza mbiribe 10,000, bagizaha ku sudiyo ki du wa bagiza mbiribe 25,000, ga Yekova kparakpara ziazia ba ki du bangbandaha.

11Gere adú tipa kparakpara aboromotumo, nga awiri Sadoka, nga agu yo nabanda ruga pa gi rugapai, naainga nga ho awiri aYisaraere aingi ni ya, wa aRevi amangi he.

12Si ki du fu yo ni boro gayo gamahe dagba kparakpara gamahe rogo ringara, ni kparakpara ziazia ha gbe, ni zunguzungu he kuti ga aRevi ringara.

13Ti pavuru ga aboromotumo ringara, aRevi anidu na kparakpara rago, bagizaha ki du wa bagiza mbiribe 25,000, patihe ki du wa bagiza mbiribe 10,000. Bagizaha dunduko anidu wa bagiza mbiribe 25,000, patihe ki du wa bagiza mbiribe 20,000

14I abága nga ha watadu unda ha na gu he wa sa te; i asá nga pa gi ziazia rago nga ga ringara te re, bambiko si du ni kparakpara ha fu Yekova.

15“Gu yangara rago nga ga ringara, patihe ki du wa bagiza mbiribe 5,000, bagizaha ki du wa bagiza mbiribe 25,000, si anidu tipa sunge aboro bakporo, tipa baraka na tipa abanambu. Bakporo ki du bangbanda ha;

16bakiaha adu wa gere: bagiza pavuruhe ku nodiyo ki du wa bagiza mbiribe 4,500, pavuruhe ku sudiyo ki du wa bagiza mbiribe 4,500, pavuruhe ku uroyo ki du wa bagiza mbiribe 4,500, pavuruhe ku dioyo ki du wa bagiza mbiribe 4,500 a.

17Bakporo ki du na haúrago pati he: ku nodiyo bagiza mbiribe ki du wa 250, ku sudiyo bagiza mbiribe ki du wa 250, ku uroyo wa bagiza mbiribe 250, na ku dioyo wa bagiza mbiribe 250.

18Gu yangara bagizaha pavuru gu kparakpara gamahe re adú wa bagiza mbiribe 10,000 ku uroyo, na bagiza mbiribe 10,000 ku dioyo, si anidu pavuru kparakpara gamahe. Gaha zuzu ahe anidu ni riahe tipa aboro sunge nga ga bakporo yo.

19Aboro sunge nga ga bakporo yo rogo ngbatunga aYisaraere dunduko, i nikasopa ha.

20Gu kparakpara gamahe dunduko nga gu oni ka kpara ha anidu na pavuruhe biama rengbe arengba wa bagiza mbiribe 25,000, si nga gu kparakpara gamahe wa sa na ga bakporo ũkumbo dunduko.

21“Gu yangara rago nanye ti pavururago ku bani na ku bani pati kparakpara gamahe na pati ga bakporo rago, si anidu ni ga bazogo. Si anidu ni ga bazogo tona ti gu kparakpara gamahe ku bangbandarago ku uroyo wa bagiza mbiribe 25,000, ki ndu nzunzu ku pa dioyo ti gu bagiza mbiribe du 25,000 sa bangbandarago ku dioyo, ku pangba ga ngbatunga aboro kparakpara aringara yo. Gu kparakpara gamahe na ziazia ba nga ga yekaru ku bangbandaha yo,

22na gu rago nga ga aRevi na ga bakporo, si nikanidu dagba agu aringara nga ga bazogo. Gu kparakpara aringara nga ga bazogo anidu dagba ga Yuda ringara na ga Benyamina ringara.

23“Tipa yangara angbatunga: tona uroyo ki da ku dioyo, Benyamina ki du na kparakpara ngbi sa.

24Ga Simona ringara azúnga tihe kuti ga Benyamina, tona uroyo ki da ku dioyo, ni kparakpara ngbi sa.

25Ga Yisasakara ringara azúnga tihe kuti ga Simona, tona ku uroyo ki da ku dioyo, ni kparakpara ngbi sa.

26Ga Zebu runa ringara azúnga tihe kuti ga Yisasakara, tona uroyo ki da ku dioyo, ni kparakpara ngbi sa.

27Ga Gada ringara ki zungu tihe kuti ga Zeburuna, tona ku uroyo ki da ku dioyo, ni kparakpara ngbi sa.

28Bangbandarago ki zungu tihe kuti ga Gada ringara ku sudiyo, ki ndu tona Tamara yo ki da ti agu aime du Meribota-kadesa yo, ku pangba gu Wiridi du Ezipeta yo sa Bakere Baime.

29Gere nga gu ringara oni ka kparaka ha ni gayo dagba angbatunga aYisaraere, agere ki ngia gayo angbi ni ba sa sa, wo poi Gbia MBORI.

30“Abakura ti bakporo du re: Ku nodiyo nga gu nikadu ni ringbisiringbisi he wa bagiza mbiribe 4,500,

31angbadimo ki du ti ni biata, ga Rubena ngbadimo, ga Yuda ngbadimo na ga Revi ngbadimo, angbadimo bakporo adú na rimo angbatunga aYisaraere ti ni.

32Ti gu rago du ku uroyo, nga gu nikadu wa bagiza mbiribe 4,500, angbadimo ki du ti ni biata, ga Yosefa ngbadimo, ga Benyamina ngbadimo na ga Dana ngbadimo.

33Ku sudiyo, nga gu nikadu ni ringbisiringbisi he wa bagiza mbiribe 4,500, angbadimo ki du ti ni biata, ga Simona ngbadimo, ga Yisasakara ngbadimo na ga Zeburuna ngbadimo.

34Ti gu rago du ku dioyo nga gu nikadu wa bagiza mbiribe 4,500, angbadimo ki du ti ni biata, ga Gada ngbadimo, ga Asera ngbadimo na ga Nafatari ngbadimo.

35Gu gedigedi gene du pavuru bakporo kirikiri dunduko adú wa bagiza mbiribe 18,000. Rimo bakporo tona ti gu rago re ki du nga, Yekova du yo.”

← Chapter 47 Jump to: