bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Revelation 22
Revelation 22
Zande
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
1
Ko ki yugu di fere, nga ga ime unga, si ki du ni kurẽkurẽ he, nigbadi tii gu mbatabakindo yo nga ga Mbori na ga Wiri Kandoro,
2
ku rogo gene bakporo. Gu ngua ki du nga ga unga ti ngba di kono na ku mbiti yo a, si nazuka rindihe bawe na ue na diwi na adiwi; akpehe ki du tipa husa arikaaboro.
3
Motiwa adú nga ho berewe wa sa te; ono ga Mbori mbatabakindo na ga Wiri Kandoro ki du rogo ho. Gako amoyambu amánga pa ko;
4
i ki nibi kpakpuko; rimoko adú ti ngbanda kpakpuyo.
5
Yuru adú nga ho berewe te; i akpí nga nyemu ima baro a te, na ima uru a te; bambiko Gbia Mbori afú imarago fu yo, i azóga rago nye anye kindi.
6
Ko ki ya fere, “Agi apai re nga ruru he nga rengo a. Gbia nga Mbori nafu gako Toro fu anebi, ko akedi gako maraika ka yugo pa agu apai naye ka manga mbembedi fu gako amoyambu.
7
Were, oni ngére, mi na ye ni ipo.” Boro maku nga gu ni naka kuti pa gu gumba pai dũ rogo gi kitabu re.
8
Mi, Yoane, nga gu ko naagi agi apai re ki bi he. Ho mi agi he ni, mi ki ti sande ka fu irisa pati ndu gu maraika naayugu agi apai re fere.
9
Ko ki ya fere, “Ka mo mángi nga gure ya! Ani nga amoyambu na mo na agu awirinamo nga anebi, na agu yo naka kuti gu pai dũ rogo gi kitabu re. Mo írisi Mbori”.
10
Ko ki ya fere, “Ka mo díka nga he kuti gu gumba pai nga ga gi kitabu re ya; bambiko ragoho nambeda.
11
Gu ni naamanga gbegberẽpai, ni mángi gbegberẽpai kindi, gu ni du ni birikobiriko ni, ni birikosi tini kindi; gu ni nga ruru boro, ni mángi rurupai kindi gu ni du ni ziazia ni, ni dú ziazia kindi.
12
“Oni ngére, mi naye ni ipo; gi mosoro ki du be re, ka ringbisa ha na kina ga aboro mangaapai nifu he fu yo.
13
Mi nga Arufa na Omega, nga gu bambata ko na yangara ko, nga tonatona he na digida ha.”
14
Aboro maku nga agu yo nazunda gayo aremu, ya i asia pa ngua unga fu yo, i rimi ku rogo bakporo ti ngbadimoho.
15
Aango ki du zegi yo, na airasoroka, na airabari, na abaimiaboro, na airisi kpiaahe na agu yo dunduko nakpi nyemu zire ki nimangi he.
16
“Mi, Yesu, nakedi gi maraika ko du ni dezire agi apai re fu akanisa. Mi nga Tarã Dawidi, nga gako vungu a, nga gu taataa kerekuru nga ga wiso ru.”
17
Toro na gu de kumba nikadia ri, i niya, “Mo yé.” Gu ni nagia ha ni ki ya a, “Mo yé.” Gu ni gomoro ime namanga ni, ni ye, gu ni idi he, ni di ime unga gbua.
18
Mi du ni dezirehe fu agu aboro dunduko nagia pa gu gumba pai dũ rogo gi kitabu re. Ka boro mokiisa paha, Mbori amókiisa agu agberãngbi i ake pa ha rogo gi kitabu re ku ri ni.
19
Ka boro di he ti agu apai du ni keke he rogo gi gumba pai re, Mbori adía gani bete ahe be ni nga ga ngua unga, na gu du rogo ziazia bakporo yo ku sa yo, nga gu du ni keke he rogo gi kitabu re.
20
Ya gu ko du ni dezire agi apai re, “Ii, mi naye ni ipo.” Amina. Mo yé, Gbia Yesu!
21
Gu undahe nga ga Gbia Yesu dú na ziazia aboro. Amina.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22