bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Revelation 9
Revelation 9
Zande
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 10 →
1
Gu bisue maraika ki vu mbanya, mi ki bi kerekuru, u ki ti ngbangbaturũ yo ku auru kpotosende. I ki fu gu wiri rifungura nga ga gu due zanga mburuhe fu ru.
2
Kerekuru ki za ngbadimo gu due zanga mburuhe, ngime ki kuru due yo wa gu ngime nidu vuru bakere gbigiwi yo; uru na rago ki biri mbiko gu ngime nakuru due yo.
3
Ayere ki kuru ngime yo ku auru kpotosende, i ki fu ome fu ra wa ome agu angerembia du auru kpotosende.
4
I ki ya fu ra, ka ami só nga gu nvuo du auru kpotosende ya, na iwo ahe na angua a ya, kina agu aboro adu nga na gu nogodinogodi he nga ga Mbori ngbanda kpakpuyo ya.
5
I aasia pa ha fu ra ya ka ami imi nga yo ya, ono ami ka manga yo diwi ki du bisue. Gu pai ami ka manga yo na ni si ki du wa ka angerembia so boro.
6
Ni gu rago re aboro agbata kpio, ono i abi nga ha wa sa te; i akpi nyemu ka kpi, ono kpio aora be yo.
7
Kpia agu ayere re adu wa agu afarasi i nambakada ra tipa vura; akpakpari adu rira wa dahabu, kpakpura ki du wa kpakpu aboro.
8
Mangera adu wa mangeri ade, rindira ki du wa rindi abahu.
9
Ngbadura ki du ni ukadiukadi he wa ka si du wa marã ngbaduse, woro pupora ki du wa woro angbagida, na wa woro dungu afarasi, ami nioro sa vura.
10
Sara ki du wa kina sa angerembia, na egeterara a; omera ki du rogo sara ka so aboro diwi ki du bisue.
11
Gaami bakindo ki zogo ra, nga gu maraika nga ga gu due zanga mburuhe; i niya ti ko rogo pa Ebere yo, Abadona, na rogo pa aGiriki yo rimoko nangia Aporiona, si wa ka i ya, Bagbarasi he.
12
Bambata rungo susi: oni ngére, kura arungo ue nikaye kusa.
13
Gu sita maraika ki vu mbanya, mi ki gi fugo dagba angbahõ bamotumo dahabu, nga gu du barangba Mbori,
14
si niya fu gu sita maraika du na mbanya, “Mo záki agu amaraika biama du ni vodivodi yo pati gu bakere di nga Ferata.”
15
I ki zaki agu amaraika biama, nga agu yo i aima mbakada yo tipa gi rago re na gi uru re na gi diwi re na gi garã re, ya i imi gu biata papara aboro.
16
Arikavura nga agu yo nandu ri afarasi, i ange wa aboro mirioni 200, mi agi pa bange yo.
17
Were mi ki bi afarasi rogo yuguyugupai yo, na agu yo nasungu auru ra, i aukadi tiyo na marã ngbaduse wa we na yakino na baruti. Ri afarasi ki du wa ri abahu. We na ngime na baruti ki nikuru ngbara yo.
18
I ki imi gu biata papara aboro ni agi agberãngbi biata re, nga we na ngime na baruti, nga gu naakura ngbara yo.
19
Ome afarasi nidu ngbara yo na rogo sara a; bambiko sara adu wa kina awo, ki du na ri awo ti ni a. Ami nadewa aboro na ni.
20
Gu yangara aboro zegino, nga agu yo i ata imo nga yo ni agi agberãngbi re ya, i asa nga gayo berã ti gu mangimangi pai nga ga beyo te. I ambu nga irisa adaimona, na gu kpiaahe nga dahabu, na feda, na sirigi, na ambia, na angua a te, nga agu ahe arengba nga ka bi pai, na gia pai na ta a ya.
21
I asa nga gayo aberã ti gayo imo aboro, na gavo asoroka, na gayo pa bari na gayo adĩ a te.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22