2 Corinthians 7

Ahirani (आहिराणी नवा करार) - No Year

← Chapter 6 Jump to: Chapter 8 →

1ओ प्रिय विश्वासीहोण, जव कि या सर्वा प्रतिज्ञा आमले परमेश्वर कळून भेटेल शेतस, एनासाठे या आमी सर्वा आपला शरीर आणि मन ना सर्वा प्रकार नि भ्रष्टता ना कार्य ले कराना बंद करूत, आणि परमेश्वर ना आदर करत पवित्र जीवन जगाना प्रयत्न करूत.

2तुमी आमना वर पुरा हृदय कण प्रेम ठेवा, आमी नईत कोणा संगे अन्याय करनुत, आणि नईत कोले बिगाळेल शे, आणि नईत कोले ठगनुत.

3मी तुमले दोषी ठरावासाठे हय नई सांगत कारण कि मनी पहिलेच सांगी दियेल शे, कि आमी तुमना वर पुरा हृदय कण प्रेम करतस, आणि भले आमी जगोत कि मरोत, आमी तुमना पासून कदीच आल्लग नई होवावत.

4मी तुमना संगे गैरा हिम्मत कण बोली ऱ्हायनु, मले तुमना वर गैरा गर्व शे, मी गैरा प्रोत्साहित शे, आपला सर्वा क्लेशस्मा मी खुशी कण भरेल ऱ्हास.

5कारण कि जव मी त्रोआस शहर मधून निघीसन मासेदोनिया प्रांत मा उनू, तरी बी आमना शरीर ले कोणताच आराम नई भेटणा, पण आमी प्रत्येक प्रकार ना कष्टस कण घेरायेल ऱ्हातस. बाहेर सर्वी कळे झगळा होत होतात, आमना हृदयस्मा भयानक भीती होती.

6तरी बी दुखी लोकस्ले सांत्वना देणार परमेश्वर नि तीत ना येवा कण आमले सांत्वना दिधा.

7आणि नईत फक्त तीत ना येवा कण पण तेनी ती सांत्वना कण बी, जी तीत ले तुमना कळून भेटेल होती. आणि तुमनी मले भेटानी ईच्छा, तुमी लोकस्ना पश्चाताप आणि मनासाठे तुमी लोकस्ना चिंता ना विषय मा आमले सांगणात येणा कण मना आनंद आजून बी जास्त हुईग्या.

8मनी जे पत्र तुमले लिख तेना कण मले काहीच पचतावा नई होत, जरी तुमी तेना कण दुखी हुयेल शेतस. पहिले मले पचतावा होत होता जव मनी देख कि तुमी एना कण दुखी हुयेल शेतस, पण तो दुख थोडासा टाईम साठे होता.

9आते मी खुश शे पण एनासाठे नई कि तुमले दुख हुईना पण एनासाठे कि तुमी त्या दुख मुळे पाप करान सोळीसन परमेश्वर कळे मन लाव. कारण कि तुमना दुख परमेश्वर नि ईच्छा ना नुसार होता, आणि आमना कळून तुमले कोणतीच गोष्ट ना नुकसान नई हुयना.

10कारण कि परमेश्वर आमले पाप पासून दूर करासाठे आमना जीवन मा दुख टाकस एनासाठे कि आमी तारण ना शोध करूत. आणि असा दुख कण आमले पचतावन नई पळत, पण सांसारिक दुख ना परिणाम मृत्यु शे.

11एनासाठे ध्यान द्या कि परमेश्वर कळून एयेल दुख नि तुमना मा काय-काय बदलाव करेल शे. अशी उत्सुकता भरेल तत्परता, आपला पक्ष स्पष्ट करानी अशी मोठी ईच्छा, अन्याय ना साठे असा मोठा राग, संकट ना साठे अशी सावधानी. मना संगे भेट करानी अशी तेज ईच्छा, सेवा ना साठे असा उत्साह व दुराचारी ले दंड देवाना साठे अशी जल्दी ना द्वारे तुमनी हय साबित करी दिधा कि सगळ काही चांगल करामा तुमनी काही बी कमी नई सोळेल शे.

12खरज मनी ते पत्र एनासाठे नई लिखेल होत कि मले अन्याय करणारा म्हणजे अन्याय सहन करणारा व्यक्ती नि जास्त चिंता होती, पण मनी एनासाठे लिख, कि परमेश्वर तुमले दाखाळो कि तुमी लोक आमनी कितली चिंता करतस.

13एनासाठे आमले शांत्वन भेटणी. आणि ह्या शांत्वन तून जास्त आमी तीत नि खुशी देखीसन आखो बी खुश हुई उठनुत, कारण कि तेना मन तुमना मुळे आखो बी जास्त खुश हुई जायेल शे.

14कारण कि जर मनी तेना समोर तुमना विषय मा काही गर्व नि गोष्ट दाखाळ, त मले लाजे नई भरण पळण, पण जसा आमनी तुमले सर्वा गोष्टी खरा-खरा सांगी टाकेल होतुत, तसाच आमन गर्व करान तीत ना समोर बी खरा निघना.

15जव तेले आठवण येस कि तुमी सर्वास्नी तेना गोष्टीस्ले मान आणि कापत-कापत तेना स्वागत करणात, त तुमना प्रती तेना प्रेम आखो बी व्हाळी जास.

16आते मी गैरा खुश शे, कारण कि मले तुमना वर प्रत्येक गोष्ट मा विश्वास शे.

← Chapter 6 Jump to: Chapter 8 →