bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Proverbs 13
Proverbs 13
Edo ((E Baibol Ẹdo) Version 1996)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 14 →
1
Ọmọ ne ọ wan ghi gha danmwehọ vbe erha ẹe a gha gu ẹe gui, sokpan, ọmwa ne ọ hio i miẹnkue ẹdẹdẹmwẹdẹ ighe rẹn ba emwi ku ru.
2
A gha san emwa esi ẹse ye ẹmwẹ ne iran guan, sokpan, iran ni re emwa erẹrẹ, e piankhanrhan ọ re iran fie ho khin.
3
Gha rhie aranmwẹ kọ ehọ guan ne u rhie uhunmwu ẹn hin ẹbe rre. Ọmwa ne ọ mu ẹmwẹ fua gha khian rhie.
4
Vbene emwi a ya khọn ọmwa oroho sẹ, ẹ i sẹ ọre obọ. Ọmwa ne ọ mu aro ye iwinna, emwi ne ọ rhirhi a gha ho hia, ọ re ọ sẹ ọre obọ.
5
Ohoghe ne a ta i yẹ emwa ẹmwata, sokpan, ẹmwẹ ne unu emwa dan, ne ọ mu ekhue kevbe ne ọ fa ọmwa ran ọ re nọ.
6
Uyinmwẹ ẹmwata Ọ re ọ sinmwi ọmwa ne ọ ma rukhọ, uyinmwẹ dan ọ re ọ si udemwẹ emwa orukhọ.
7
Emwa eso ghi gha rhie egbe ye ukpo ọmwa ẹfe, vberriọ ẹ i mwẹ emwi rhọkpa. Emwa ọvbehe eso ghi gha rhie egbe ye ukpo ovbiogue sokpan, ọ wa mwẹ emwi ẹsẹse.
8
Igho ọ re ọmwa ne ọ fe ya dẹ uhunmwu ẹnrẹn, sokpan, a i miẹn ne ọ lẹre khẹ ovbiogue.
9
Te emwa ẹmwata ye vbe ukpa ne ọ baa ẹsẹse, sokpan, emwa dan keghi ye vbe ukpa ne ọ ghi ra dọyọ.
10
Itengbemu i si emwi ọvbehe rre gberra orueghe. Ne a gualọ ọmwa ne ọ gha bu ọmwa ude ọ re ẹwaẹn ye sẹ.
11
Ẹfe ne ọ ma sọn ọ sẹ ọmwa obọ, ẹ i vbe sọn ọ kpao sẹ ọmwa rae, vbene ọ ya lọghọ a ke miẹn ọẹn, erriọ ọ re ọ vbe ya di ọmwa obọ ya.
12
Idaehọ ọmwa gha rẹnkhẹn uan, orhiọn ghi dọyọ, sokpan, emwi ne a rhie aro yi gha sẹ ọmwa obọ, ẹko ghi gha sẹ ọmwa ọyẹnmwẹ.
13
A gha bu ruẹ ude esi, u na fieghe uhunmwu yọ, orueghe ọre u gualọ, u gha ya ẹe ru emwi, u gha rrọọ vbe ai mwẹ ẹbe.
14
Emwi ne ọmẹwaẹn ma ọmwa re, uhunmwu uwa ne a rrọọ ke rre nọ, iran gha ru iyobọ ne uẹn ne u ya lẹfe vbe u a gha rre uwu ẹbe uwu.
15
Te emwa hia ya ọghọ ne ẹwaẹn, sokpan, emwa ne ẹ i gia mu ẹtin yan, odẹ ọfuan iran gbẹn.
16
Emwa ni wan, te iran roro emwi nẹ iran kegha ru ẹe, sokpan avbe ogboi ghi mu ukọnmwẹ iran ye ahẹn gha bọnmwẹ.
17
Emwa ne a gie ẹre uhunmwu, otighi ọ re iran si rre vbe iran a gha re emwa ne ẹ i gie a mu ẹtin yan, sokpan, ọfumwegbe ọ re iran ni gie a mu ẹtin yan rhie rre.
18
Ọmwa ne ẹ i ho ne ọ ruẹ emwi gha khian ovbiogue, ọ ghi vbe fa egbe ua. Ọmwaikọmwa ne ọ danmwehọ vbe a gha gu ẹe gui, te a ya ọghọ ne ẹẹn.
19
U miẹn vbene ọ maa hẹ ne emwi ne ọmwa ho sẹ ọre ohọ! Avbe akpa i ho ne iran zobọ vbe emwi dan ne iran ru.
20
Gha gu umẹwaẹn mu obọ, wẹ gha vbe do khian umẹwaẹn. Adeghẹ u gu avbe akpa gha ru ọse, ọnii ọ re ọwuẹ fo.
21
Te orueghe lele emwa orukhọ la ehe hia, sokpan, a gha ye emwi esi san emwa esi ẹse.
22
Ọmwa esi gha miẹn emwi sẹrae ye avbe eyẹ ọre otọ, sokpan, emwa esi ọ re ọ ra ya emwa dan emwi ru.
23
Oha ne a ma mu ẹre ugbo gha te sẹtin ma emwiokọ ne avbe ivbiogue, sokpan avbe emwa dan i gie a mu ẹre ugbo.
24
Adeghẹ u i gbe ovbuẹ hin ọkhọ rre, ọnii rhie ma wẹ u i ho ẹmwẹ ọnrẹn. Adeghẹ u ho ẹmwẹ ọnrẹn, te u gha dia ẹre ye odẹ.
25
Ọmwata mwẹ sẹ vbene ọ gha ho ne ọ re, sokpan te ohanmwẹ gbe avbe emwa dan vbe ẹghẹ hia.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31