bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Proverbs 27
Proverbs 27
Edo ((E Baibol Ẹdo) Version 1996)
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 28 →
1
Ghẹ rhuọ khẹ ẹdẹ nakhuẹ; wẹ ma rẹn emwi ne ọ gha sunu ke ẹghẹ na kpao ya sẹ ẹghẹ nii.
2
Gie emwa ọvbehe tian ruẹn, ne a wa kha wẹ avbe orhunmwuyẹn, ghẹ tobọ ruẹ tian egbe ruẹ ẹdẹ.
3
Okuta khua, ekhae vbe khua sokpan a i ye ukhuamwẹ iran gie ẹti ne ukọnmwẹ sẹtin si rre.
4
Emwi dan ne ọ rhia emwi ọ re ohu khin, sokpan a i zẹdẹ yae gie igbọvo hiehiere.
5
A gu ọmwa gui vbe azagba ọ re ọ maa sẹ ne a kọe ye ẹre ekhọe wẹ ẹ i re igbinna ọghe irẹn ọ re ọmwa ni ye hiehiere.
6
Ọse gha kue dobọ fi ọmwa emwi ne ọ da ọmwa, iku ọyẹnmwẹ nọ. Sokpan, eghian ọmwa gha ye obọ kin ọmwa urhu; te a khẹ ye egbe.
7
Ẹko gha vuọn ọmwa nẹ, te ọ he owọn vbe a gha rhie ne ẹẹn, sokpan ohanmwẹ gha gbe ọmwa, uhin ighe te avbe evbare ni rriara hia ghi rhiẹnrhiẹn.
8
Ọmwa ne ọ kpao vbe owa rre, te ọ yevbe ahianmwẹ ne ọ kpa hin oko rre.
9
Ori ke emwi ne a sa ye egbe ne ọ winhin, te ọ ye ẹko rhiẹnrhiẹn sokpan, orueghe, te ọ mu ọmwa orhiọn rueghe.
10
Ghẹ mianmian avbe ọse ruẹ ra avbe ọse erha a, u gha mwẹ ọlọghọmwa, ghẹ nọ ọtuẹn iyobọ. Ọmwa ẹdogbo ne ọ sikẹ ọmwa gha sẹtin ru iyobọ nuẹn sẹ ọtẹn ne ọ rre urria.
11
Gha wan ovbi mwẹ, ne u gie ẹko gha rhiẹnrhiẹn mwẹ, I gha sẹtin gha zẹ ẹmwẹ wanniẹn ọmwa ne ọ rhirhi a gbodan ghe mwẹ.
12
Avbe umẹwaẹn sẹtin rẹn vbe orueghe a gha dee, iran ghi gban egbe ne ẹẹn; sokpan, ọmwa ne ẹ i ro iro ghi wa ye owẹ eveva khian la rọ, ọ ghi ya gha ghe I ma rẹn vbe okiekie.
13
Ọmwa ne ọ kọn sẹrriọ ne ọ na kha ighe rẹn gha mu osa orhunmwuyẹn hae, te ọ kere ne a viọ ẹre emwi hin rre ne aro ya da ẹe wẹ ọ gha gele hae.
14
U wa tie ẹbọ ne ọsiọ, ọ re ọ maa sẹ ne u vannọ okan ya huẹn ọnrẹn vbe ovbe rhunmwuda ighe te u tuẹ ọe.
15
Okhuo ne ọ vian, te ọ ye vbe amẹ ni wẹwẹ ne ọ miẹn ẹdẹ.
16
Vbe u a ra ya ru ẹe hẹ ne ọ hunwan? Wẹ he hia ne u gbe ẹhoho odẹ ẹdẹ ra, ra ne u gue ofigbọn ye obọ.
17
Te a ruẹ ẹwaẹn vbe obọ egbe, zẹ vbe ne ematọn lọ ematọn ne ọ gha mu.
18
Gbe aro ghe erhan ohọ, u gha miẹn ọmọ rẹn kọlọ re. Ọguọmwadia ne ọ ga arowa ẹre, te a gha rhie uyi ye ọ re egbe.
19
Aro ruẹ ọ re u bẹghe aghọnghọn rẹn vbe uwu amẹ, wẹ tobọ ruẹ ọ re u bẹghe vbe uwu ekhọe ruẹ.
20
Emwi ne ekhọe ọmwa ne agbọn ho, te ọ yevbe ehe ne avbe orinmwi dia, a i miẹn ẹghẹ ne a ya kha ighe otọe i ghi gua.
21
Erhẹn ọ re ọ danmwẹ igoru kevbe esiliva ghe, uyinmwẹ ọmwa nagbọn vbe gie a danmwẹ ghe.
22
Ọ gha khọn ruẹn, gbe ọzuọ ne ọ kẹ ekherhe ne ọ wu, u i sẹtin gbe ukọnmwẹ ọnrẹn hin ẹre ẹko rre.
23
Kakabọ gbe aro kotọ gha koko avbe ohuan kevbe ẹmila ruẹ.
24
Rhunmwuda ẹfe i re emwi etẹbitẹ. Uhunmwu ẹvbo tobọ ọre, ne ọ re etẹbitẹ i rrọ.
25
U ghẹghi gia irunmwu ẹsin nẹ, u ghi gbẹn irunmwu ni rre ọkpẹn oke vbene avbe irunmwu ẹsin ni wa vbe ya wan dee.
26
U sẹtin ye eto ohuan ruẹn do ukpọn, u ghi vbe ya igho ne u miẹn vbe ẹwe ruẹ ne u khiẹn dẹ otọ.
27
Ni ghi dekẹe vbe ẹwe nii, u gha sẹtin miẹn ewẹn ọnrẹn ne ọ gha sẹ uẹ ya koko egbuẹ kevbe ẹgbẹe ruẹ, deba avbe eguọmwadia emọ ikhuo ni guẹ vbọ.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31