bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Proverbs 28
Proverbs 28
Edo ((E Baibol Ẹdo) Version 1996)
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 29 →
1
Ọmwa dan ghi gha lẹ, vbene ọmwa rhọkpa ma na khu ẹe, sokpan ọmwa esi ghi din zẹ vbe oduma.
2
Uhunmwu ẹvbo gha ru orukhọ, nikhaemwisẹ iran ghi gha lele egbe kpẹkpẹkpẹ. Sokpan, adeghẹ uhunmwu ẹvbo okpa mwẹ ọkaolotu ne ọ wan kevbe ne ẹdẹ gbe vbe ẹko, ọ ghi wegbe, ọ ghi vbe kpee vbe otọ ẹsẹse.
3
Ọmwa ne ọ rre asẹ, ne ọ zẹ ivbiogue kpokpo, te ọ yevbe amẹ ne ẹhoho lele, ne ọ gbele emwiokọ.
4
Adeghẹ wẹ i zẹye vbene uhi khare, avbe emwa dan ọ re uwẹ ye egbe baa, sokpan, u gha ya ẹe ru emwi, te u gu iran gbinna.
5
Emwa dan ma rẹn emwi ne a ya ohiẹn ẹmwata kha, sokpan, iran ni ga e Nọyaẹnmwa, rẹn ọnrẹn ẹsẹse.
6
A re ovbiogue ne uyinmwẹ adazẹ, ọ re ọ maa sẹẹ ne a gha re ọmwa ẹfe ne ẹwobi.
7
Igbama ne ọ lele uhi ru emwi, umẹwaẹn nọ. Ọmọ ne ọ lele avbe emọ ni kẹkua khian, efaa ọ re ọ khin erha ẹe re.
8
Adeghẹ igho isu kevbe igho ne u miẹn vbe obọ emwa ne emwi ba so ọ re u ya fe, ẹfe ruẹ gha gberra gha rrie obọ ọmwa ne ọ tohan ivbiogue.
9
Adeghẹ wẹ i ya uhi ru emwi te erhunmwu ruẹn ra wa gha sọnnọ Osanobua.
10
U gha rẹrẹ ọmwa esi fi orukhọ, ifi ne uwẹ tobọ khuẹn gha mu ẹẹn. A ghi san ọmwa ne ọ ma rukhọ ẹsẹse.
11
Emwa ni fe ghi gha ro vbe ẹghẹ hia wẹ iran wan an; sokpan, ovbiogue ne ọ ghe umian uyinmwẹ ọmwa, rẹn sẹẹ ọre.
12
Emwa esi gha rre asẹ, agbọn hia ghi gha ghọghọ; sokpan, emwa dan gha re ukpo, edọmwadẹ ọghọe ghi rhie uhunmwu lẹre.
13
U gha gbe gue orukhọ ruẹ, agbọn i maa ruẹn ẹdẹ, miẹn iran kue ne u vbe zobọ vbọ, Osanobua gha tohan ruẹn.
14
Gha họn ẹmwẹ ne Nọyaẹnmwa ẹghẹ hia, wẹ gha mwẹ ẹko rhiẹnrhiẹn mwẹ. Adeghẹ u zevbudu te u ra fuan.
15
Ivbiogue i miẹn ẹmwẹ guan vbe odaro enọkhaemwisẹ ne ọmwa dan, ọ zẹ ẹbe sẹẹ oduma ne ọ tu ye evbare kevbe akpakomiza ne ọ ru ohuẹ khian.
16
Enọkhaemwisẹ ne ẹ i wan, ọmwa ne ọ rre asẹ ne ekhọe azẹn khian gha nọ. Ọmwa ne uyinmwẹ ero i yẹ, gha tọ vbe egie.
17
Ọmwa ne ọ de izigha, idin egbe ẹre ọ re ọ wa zẹgiẹgiẹ fian nii, ghẹ da ẹre obọ yi.
18
Gha ta ẹmwata, u gha fe vbe obọ ẹbe. Adeghẹ u i ta ẹmwata, u gha de vbe udomwurri.
19
Ọwẹe ne ọ mu aro ye iwinna ghi miẹn gha re wọrhọwọrhọ, ọmwa ne ọ rhọ eghẹrẹ, i kpao vbe ovbiogue rre ẹdẹ.
20
Emwa ni mwẹ uyinmwẹ ne ọ diae, te ẹdagbọn iran wa ye ọyẹnmwẹ sẹ ota, sokpan, u gha wẹ ẹfe ẹgiẹgiẹ ọ re u gualọ, a gha rriọ oya.
21
Ohiẹn ikhuiwu i maa. Sokpan, enibuohiẹn eso gha ru emwikemwi ne ọ ma gba, sokpan ne ọ miẹn igho odieke ne ọ kanmwa sẹẹ re vbọ.
22
Emwa ni, rẹn ọghe egbe iran okpa wa khirhi ne iran fe sẹrriọ wẹ, iran i rẹn vbe ogue a ra fi iran emwi.
23
Gu ọmwa gui dia ẹre ye odẹ, vbe okiekie, ọ gha do yẹ ọ re sẹ aranmwẹ ne ọ kpe ọmwa ye ewọwọ.
24
Ọmwa ne ọ ro wẹ ẹ i re uyinmwẹ ne ọ ma gba ne a gha do emwi evbibiẹ ọmwa hẹ, ọ ma vbe maa sẹ oyi ne oyi.
25
Ne a rẹn ọghe egbe ọmwa ọkpa, orueghe ọ re ọ si rre. U mu ẹtin yan e Nọyaẹnmwa, ọ re ọ wa fu egbe sẹẹ.
26
Ukọnmwẹ nọ ne u wa gha ye ẹwaẹn obọ ruẹ okpa ru emwi. Gha ya emwi ne emwa ni wan sẹẹ ma ọmwa re ru emwi ne u gha rrọọ vbe a i mwẹ ẹbe.
27
Gha rhie emwi ne avbe ivbiogue, wẹ i ra vbabọ ẹdẹ. U gha fi aro rua vbe egbe ovbiogue, emwa nibun ghi gha tie ihẹn nuẹn.
28
Emwa dan gha la ukpo asẹ emwa hia ghi ya lẹre, iran gha dele hin asẹ rre, emwa ẹmwata ghi do dọlegbe gha rre asẹ.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31