Proverbs 9

Edo ((E Baibol Ẹdo) Version 1996)

← Chapter 8 Jump to: Chapter 10 →

1Ẹwaẹn bọ owa ẹre nẹ, ọ keghi ru orre ihinrọn yọ.

2Ọ keghi gbe aranmwẹ ne a ya rri evbare, ọ keghi ya emwi ne ọ winhin gua ayọn, ọ keghi mwamwa emwi ye eteburu.

3Ọ gie avbe eguọmwadia ẹre nikhuo ladian ne iran ya tie ẹvbo ke ehe ne ọ ghi rrei sẹ vbe ẹvbo nii rre:

4“Wa larre vbe uwu owa, wa ni ma rẹn ne a ye!” Ọ kevbe khama akpa wẹẹ,

5“Larre do rri evbare mwẹ ne u vbe da ayọn ne i guare.

6Ladian vbe uwu ẹbu emwa ni ma rẹn ne a ye, ne u gha rre agbọn. Wẹ lele odẹ irẹnmwi.”

7U gha tama ọmwa ne ọ khare ighe rẹn wa rẹn emwi hia, wẹ ọ ba emwi eso ku ru, ihẹn ọ re ọ ra tie nuẹn. U gha gu ọmwa dan gui ye ọkhọ, te ọ ra kuan ruẹn.

8Ghẹ tama ọmwa ne ọ wẹ rẹn wa rẹn fo ighe ọ ba emwi ku ru, te ọ ra gha mu ohu ruẹ yọ. Sokpan, u gha tama umẹwaẹn ighe ọ ba emwi ku ru, ọ ghi gha ya ọghọ ne uẹn.

9Emwi ne u a rhirhi tama umẹwaẹn, te ọ yae wan yọ. Emwi ne u a rhirhi tama ọmwa esi, te ọ rhie ba ẹre irẹnmwi.

10A deghẹ u ho ne u gha wan, u ghi ka gha ya ọghọ ne Nọyaẹnmwa nẹ. A dẹghe wẹ rẹn Ọmwa Nọhuanrẹn nii, wẹ mwẹ irẹnmwi.

11Te ẹwaẹn fian ba ọmwa utọmwẹ. U gha wan, ere ne ọ rrọ, ọwuẹ nọ.

12A dẹghe u ghi vbe fi iyeke gbe ẹe, wẹ ọ re ọ ra rrioya.

13Ukọnmwẹ yevbe okhuo ne ọ talọ, ne ọ ma rẹn ne a ye, kevbe ne awa lala ẹre aro.

14Ọ ghi tota ye onurho owa ẹre, ra ye aga vbe ehe ne emwa ghi na bun sẹ vbe ẹvbo nii,

15ọ ghi gha datie emwa ni gberra khian, emwa ni hẹko ru ọghe iran khin wẹẹ:

16“Wa larre vbe uwu owa, wa ni ma rẹn ne a ye.” Ọ ghi vbe tama akpa wẹẹ,

17“Amẹ ne a do sa, ọ re ọ rhiẹnrhiẹn sẹ, Ebrẹd ne a do rhie, ọ re ọ maa sẹ vbe unu.”

18Iran ne obọ ẹre vbare, ma vbe rẹn wẹ, emwa ni la owa ẹre, uhunmwu ọ re iran ya khiẹ ọre kevbe wẹ iran ni ka la owa ẹre yi, wa rre ehe ni dinmwi nian vbe ẹvbo emwa ni wulo nẹ.

← Chapter 8 Jump to: Chapter 10 →