bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Proverbs 19
Proverbs 19
Edo ((E Baibol Ẹdo) Version 1996)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 20 →
1
Ọmwa re ovbiogue ne adazẹ, ọ re ọ maa sẹẹ ne a gha re ọzuọ ne ọhọn ohoghe.
2
Isasegbe ne irẹnmwi i ye ma kei, te ibalegbe si ẹmwẹ ye ọmwa egbe.
3
Uyinmwẹ ọzuọ ne emwa eso yin ọ re iran ya gbe egbe iran, vbe iyekọni, iran ghi gha kpe e Nọyaẹnmwa.
4
Emwa ni fe, ọse ọgbọn i vbe iran, sokpan ivbiogue i sẹtin da ibozẹghẹ ne iran mwẹ yi.
5
U gha ta ohoghe vbe iko, a gha rri uẹ oya, ẹ i mwẹ vbene a tae hẹ.
6
Emwa hia ọ re ọ ho ne iran gha re ọse okpọmwa, emwa hia ọ re ọ kha ighe ọse ọmwa ne ọ zẹ emwi obọ rẹn khin.
7
Uhin ighe etẹn ovbiogue i vbe ka ẹe ye ọmwa, ghe emwi ne ọ si ẹe ne ẹ i na mwẹ ọse. Vbene ọ khọn rẹn wẹ ne ọ ziga sẹ hẹ, ẹ i miẹn.
8
Ru iyobọ ne egbe ruẹ, vbene u gha na hia ne u ruẹ emwi hia ne u gha sẹtin ruẹ, u ghi vbe gha ye emwi ne u ruẹe rre, agbọn gha ma ruẹn.
9
Ọmwa ne ọ ta ohoghe vbe iko ẹzọ ne ọ gha le ọre fe irrọ, ọghọe fo nẹ.
10
Ọ ma kei ne avbe ọzuọ miẹn gha zẹ re zẹ kua, ọ ma vbe kei ne avbe eviẹn gha kha yan avbe ọdafẹn.
11
U gha re ọmọ ne ọ wan, u gha ziengbe vbe ohu a gha mu ẹn. Ọmwa gha ruẹ emwi ne ọ ma kei, uyinmwẹ ọmẹguae nọ adeghẹ u yangbe ẹe.
12
Te ohu ọba yevbe utumwẹ oduma, sokpan, ọ gha ru ọmwa ẹse, ọ ghi ye vbe amẹ ne a rhie aro ye odẹ khẹ ọ ke do rhọ.
13
Ọmọ dan sẹtin mu erha ẹe agbọn rhia. Okhuo ne ọ vian keghi yevbe amẹ ne ọ nọnọ taitai.
14
Ọmwa sẹtin miẹn ukhu owa kevbe igho re vbe obọ erha ẹe sokpan, e Nọyaẹnmwa okpa ọ re ọ rhie okhuo esi ne ọmwa.
15
Mu aro yọ ne u gha si oroho khian, gha vbiẹ, sokpan, ohanmwẹ gha fi ẹkun leluẹ.
16
Gha ya uhi Osanobua ru emwi, u gha tọ, u gha fi iyeke gbe iran, u gha wu.
17
U gha rhie emwi ne ovbiogue, te ọ ye vbe ne a rhie emwi ne Nọyaẹnmwa mọmọ; e Nọyaẹnmwa gha ha ẹre werriegbe nuẹn.
18
Ma ivbi uẹ emwi vbe iran ma he wan gbe ne ọ sẹtin ruẹ emwi guẹ. Adeghẹ u ma ru ẹe vberriọ, te u ru iyobọ ne iran ya fuẹn egbe iran an.
19
Adeghẹ egbe balọ ọmwa, wa giee ye egbe miẹn emwi ne a lae miẹn. U gha fan ẹn hin ọlọghọmwa rre uhukpa, u gha yevbe dọlegbe ru ẹe.
20
Adeghẹ wẹ họn vbe a gha bu ruẹ ude, u na vbe mu ẹghẹ ne u ya ruẹ emwi, u gha he gha wan ẹdẹ ọkpa.
21
Emwa sẹtin mwamwa emwi gbe erhan gbe irri, sokpan, ne ọ yẹ e Nọyaẹnmwa ọ re a ra ru.
22
Ifaegbua nọ ne a gha zuan, ivbiogue ọ re ọ maa sẹ avbe ọhọn ohoghe.
23
Gha ye ọghọ ne Nọyaẹnmwa, u gha tọ, ẹko gha vbe vuọn ọn, u ghi vbe gha rrọọ vbe a i mwẹ ẹbe.
24
Emwa eso mitan sẹrriọ wẹ, iran i sẹtin fian evbare rhie ye unu.
25
Ọ kere ne a rri ọmwa oya ye itengbemu, ne avbe iran ni ma vbe rẹn emwi gberra ọnii, sẹtin miẹn ọnii ya wan. Adeghẹ ọmọ ne ọ wan ọ re uwẹ khin, a gha guẹ gui, u ghi miẹn emwi ruẹ vbọ.
26
Ọmwa ifaegbua ne ekhue i mu ọkpa, ọ re ọ gha ye obọ dan mu erha ne ọ biẹ ọe, ra ne ọ sua iye ẹe ladian vbe owa irẹn.
27
Ovbi mwẹ, u gha dobọyi vbe emwi ne a ruẹ, u gha rherhe mianmian ne u te ka rẹn yi.
28
Ai miẹn ẹmwata vbe ehe ne osẹe ne ọ gualọ emwi ne ọ gha ru ọmwa ẹre ye. Te ọkhọ wa rhiẹnrhiẹn emwa dan.
29
Ọzuọ ne ọ ye obọ rra ẹwẹe, ẹ i mwẹ obọ ma rhanmwẹ ọẹn.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31