bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Proverbs 22
Proverbs 22
Edo ((E Baibol Ẹdo) Version 1996)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 23 →
1
A gha we ne u zẹ okpa vbọ, eni esi ra ẹfe, zẹ eni esi.
2
Emwi ne ọdafẹn kevbe ovbiogue ma mwẹ sẹ egbe ọrọre wẹ e Nọyaẹnmwa ọ re ọ yii iran eveva.
3
Emwa ni wan gha miẹn wẹ orueghe dee, iran ghi rhie uhunmwu iran lẹre, sokpan, ọmwa ne ẹ i ro iro ghi wa ya owẹ khian larọ, ọ ghi ya gha gbe ima rẹn vbe okiekie.
4
Gha ya ọghọ ne Nọyaẹnmwa, gha mu egbe rri otọ, u gha miẹn ẹfe, uyi, kevbe utọmwẹ.
5
Adeghẹ u ho ẹmwẹ ẹdagbọn ruẹn, biegbe ne ifi ne ọ mu ọmwa dan vbe odẹ.
6
Ma ọmọ vbene ọ gha yin hẹ, te ọ gha ye ẹre rre ọ te ya wu.
7
Avbe ivbiogue ọrọre eviẹn enife. Mọmọ igho, ọviẹn ọmwa ne u mọmọ ẹre igho ọre u khian.
8
U gha gbọ inian a i ta ẹmwata, ọfuan ọ re ọ ra yuo ladian vbọ, ufomwẹ ọghe ne u na zẹ emwa kpokpo ghi rrie.
9
Gha zẹ emwi obọ ne u vbe ghae ne avbe ivbiogue vbe evbare ruẹ. Te a ra fiangbe ue yọ.
10
Wa yuo ọmwa ne ọ ya obọ rra ẹwẹe ọre fua vbe imuan ẹmwẹ, ẹzọ, kevbe ovan ne a tie egbe re ghi fo vbe otọ.
11
Adeghẹ u ho ẹmwẹ ekhọe ne ọ hianrẹn kevbe ẹmwẹ nekhuẹrhẹ, ọba gha do gha re ọse ruẹ.
12
Ne a miẹn otọ na gba ogba ga ẹmwata, ọ re Nọyaẹnmwa na gie a gha miẹn otọ ẹmwẹ ohoghe.
13
Ọmwa oroho ghi tota ye owa, ọ wẹ ughaghe oduma gha mu irẹn deghẹ rẹn ladian vbe owa.
14
Ifi ọ re ọghe khin, emwa ne ohu ẹre mu e Nọyaẹnmwa ọ re ọ mu.
15
Obọ ibiẹka ọ re a na miẹn uyinmwẹ iruẹn kevbe ukọnmwẹ, sokpan, ubi ne a dan ọmọ re vbe ikebe, gha ma iran vbene ọ kere ne a gha ru emwi hẹ.
16
Adeghẹ u ha oko gie iran ni fe nẹ, ra te u zẹ ivbiogue kpokpo ne u ya họn ẹfe ruẹ, te uwẹ tobọ ruẹ ra do khian ovbiogue.
17
Danmwehọ mwẹ, I gha ma ruẹn avbe ẹmwẹ eso ne avbe umẹwaẹn tae. U ghi ruẹ emwi ne iran ma ọmwa re.
18
Ẹko gha vbe rhiẹnrhiẹn uẹn adeghẹ u ye iran rre u na vbe guara gha ya iran kpa itan.
19
I ho ne u mu ẹtin yan e Nọyaẹnmwa, ọnii ọ re ọ si ẹe ne I ra na ma ruẹn re nian.
20
Itan ọgban ọ re I gbẹnnẹ yotọ ne uẹn na. Irẹnmwi kevbe ude esi ọre iran khin,
21
Ọ gha vbe ma ruẹn emwi ne ọre ẹmwata ne ọ rrọ. Ẹghẹ nii, ọ ghẹ ghi giọ wẹ ne u ya gualọ otọ ẹre ladian, u ghi miẹn ewanniẹn ẹmwata ne ọ rrọ rhie rre.
22
Ghẹ balaro mu ovbiogue rhunmwuda ighe obọ ruẹ gba ẹre, ghẹ balaro mu e ne ẹ i miẹn emwi ru vbe iko.
23
E Nọyaẹnmwa ọ re ọ ra gui ẹzọ iran ne iran, ọ ghi niẹn obọ ye iran aro ighe avbe emwa ni vbe niẹn obọ ye iran aro.
24
Ghẹ gu emwa ne egbe balọ gbagbagba ru ẹse.
25
U sẹtin wa vbe guẹ emwi ne iran guẹe vbe ne ẹ i na gie uẹ fiwerriẹ.
26
Ghẹ yan ighe u gha mu osa ẹrrẹe hae.
27
Adeghẹ u ma sẹtin ha ẹre, te iran ra do mu ukpo ne u lovbiẹ yi.
28
Ghẹ vbọ ikhinmwi uwu ne avbe enikaro gbọre.
29
Ma mwẹ ọmwa ne ọ winna iwinna rẹn ẹse, I gha vbe ma ruẹn ọmwa ne ọ maa sẹẹ emwa nibun kevbe ọmwa ne ọ sẹe ne ọ gha gu ọba tota.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31