bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Proverbs 24
Proverbs 24
Edo ((E Baibol Ẹdo) Version 1996)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 25 →
1
Ghẹ gbe ọ ma kan uwa ne emwa dan, ghẹ vbe gu iran ru ọse.
2
Iro ne iran zẹ ma gberra ne a gha si ẹti khian, ẹghẹikẹghẹ ne iran a rhirhi ya rhan unu iran, ọ ghi zẹ ẹbe ne emwa ọvbehe eso.
3
Ẹyotọ ọghe ẹwaẹn kevbe irẹnmwi ọ re a bọ owa yan.
4
Ehe ne irẹnmwi ye, emwi ighobioye ne mose ọ re a ya te avbe ughugha ni rrọọ.
5
A waan ọ re ọ maa sẹ a wegbe, vbe ne ẹmwata, irẹnmwi ọ re ọ ru emwi kpataki sẹẹ ẹtin.
6
Agbọn hia rẹnrẹn wẹ, te a ka mwamwa ẹẹn nẹ, a kevbe ya khọn okuo, vbe ne a ya bu ruẹ ude esi, ọ re a vbe ya rhie aro yọ wẹ, u gha khọn miotọ.
7
Ẹmwẹ ẹwaẹn dinmwi gbe ne ọzuọ gha sẹtin rẹn otọ ẹre. Ẹ i miẹn ẹmwẹ okpa ta vbe a gha guan yan emwi kpataki.
8
Adeghẹ ọkhọ ọ re u mwamwa vbe ẹghẹ hia, agbọn ghi do rẹn ruẹn ye ọmwa ne ọ si ẹti khian.
9
Emwi ne akpa a rhirhi zẹ iro ẹre rre, orukhọ nọ. Emwa hia ọ re ọ khu iwu ọmwa ne ọ zan emwa ọvbehe vbe ẹghẹ hia.
10
U gha ye gha vburriẹ vbe ẹghẹ asobọyegbe, evburriẹ ne evburriẹ ọ re u gele wa khin.
11
Ghẹ siobọ vbe iwinna ọghe ne a fan ọmwa ne a bu ohiẹn eku uwu gbe ne a ra gbe ua yotọ.
12
U sẹtin kha wẹ ọ ma kan ruẹn, sokpan Osanobua rẹnrẹn, ọ vbe ghe ekhọe ruẹ. Ọ wa rhie aro lele uẹ, ọ rẹnrẹn, ọ gha vbe ha ẹre nuẹn zẹ vbene u vbe ru.
13
Ovbi mwẹ, gha rri owọn ighe ọ maa. U ghi rẹn wẹ zẹ vbene owọn ne a min ke ipapa owọn rre maa,
14
erriọ ọ re ẹwaẹn vbe maa ne orhiọn. Gie ẹwaẹn gha guẹ, agbọn gha ma ruẹn.
15
Ghẹ yevbe ọmwa dan, ne ọ mwamwa vbene irẹn gha ya rha ọmwa ne ọ yin ẹse hẹ, ra vbe ne ọ gha mu ẹre owa hẹ.
16
Inugba ne ọ khọnrẹn wẹ ne ọmwa ne ọ yin ẹse de, te ọ gha ye kpaegbe; sokpan, ọkhọ ọ re ọ fuẹn ọmwa dan an.
17
Ghẹ gha ghọghọ vbe emwi dan a rruan oghian an; ọ gha de, ghẹ vbe ghọghọ ua.
18
E Nọyaẹnmwa gha rẹn adeghẹ te u giẹ ọe, ẹ i ra yẹ ọre. U gha ghe, ẹ i ra vbe rri ọre oya.
19
Ghẹ gie emwa dan rueghe uẹ orhiọn, ghẹ vbe gbe ọma kan an ne iran.
20
Umamwẹ i rrọ ne ọmwa dan, emwi ne ọ vbe rhie aro yi i rrọ.
21
Gha ya ọghọ ne Nọyaẹnmwa, ovbi mwẹ, vbe gha da ne ọba. Ghẹ gu avbe emwa ni sọtẹ iran muobọ. Egbe emwa vberriọ sẹtin wa fuan vbe udomwurri.
22
U he roro ẹe ghe ẹdẹ vbene ọ kpọlọ sẹhẹ ighe emwi ne ọba ra Osanobua sẹtin wẹ ne ọ rruan ọmwa.
23
Avbe emwa ẹwaẹn ọ re ọ vbe guan avbe ẹmwẹ na. Emwi ne ọ ma gba nọ ne ọmwa ne ọbuohiẹn ka gha mwẹ ẹmwẹ nii vbe ekhọe nẹ.
24
Ọ gha ya bu ase ne ọmwa ne ọ rria abe, te agbọn hia ra gha kọọ ne ẹẹn khin, a ghi vbe gha mu ohu ẹre.
25
Emwa ni buohiẹn ni rri emwa ni rri abe oya, agbọn gha ma iran, a ghi vbe gha ta ẹmwẹ iran ne ọ maa.
26
Ewanniẹn ne ọ ta vbene emwi wa ye zẹẹ ma ọmwa, a rhie ma ọghe ọse ẹmwata a gba khin ọ re nọ.
27
Ghẹ bọ owa ruẹ ne u zọ urho ladian, vbe ẹ i re te ugbo ruẹ de mudia nẹ, aro ruẹ na vbe da ẹe ighe u gha sẹtin gha miẹn evbare unu.
28
Ghẹ sẹ osẹe gbe ọmwaikọmwa vbe ne ẹ i na mwẹ otọ esi; ra ne u ya ta ẹmwẹ ne ẹ i gia miẹn otọ ẹmwẹ vbe ekpa ẹre.
29
Ghẹ kha wẹẹ, “I gha ru ẹe vbe ne ọ ru mwẹ ra ma gha ghae ẹre umwọmwẹ!”
30
I la ugbo kevbe ogba azara ọghe ọmwa oroho ne akpa gberra.
31
Akọsọ ọ re ọ gba ẹre, irunmwu kevbe mu ẹẹn. Ekẹn okuta ne a gbe lẹga ẹre de guọghọ ua nẹ.
32
I ghe ẹre, I roro ẹe, I keghi miẹn emwi eso ruẹ vbọ.
33
Gha khian, ya ye ovbe ba aro, gha khian ne u ya vbiẹ, kie obọ ruẹ rre ne u hẹwẹ kherhe.
34
Sokpan, u gha vbiẹ nii, ogue ghi de kun ruẹn guẹ gbinna zẹ vbe ikpata oyi.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31