bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
Proverbs 14
Proverbs 14
Edo ((E Baibol Ẹdo) Version 1996)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 15 →
1
Ẹwaẹn ikhuo ọ re a ya gbe owa ẹkun sotọ, sokpan, ukọnmwẹ ọ re ọ zagha ẹe rua.
2
Gha ta ẹmwata, u gha rhie ma wẹ u gele ya ọghọ ne Nọyaẹnmwa adeghẹ u i ta ẹmwata, ọnii rhie ma wẹ u i ru vberriọ.
3
Itengbemu ọ re ọ gie akpa gha talọ gbe; ẹmwẹ umẹwaẹn ọ re ọ degue ẹre.
4
Vbene ẹmila ne a ya si emwi ne a ya vulo otọ i na rrọ, ai miẹn emwi rhọkpa vbe erru, sokpan ọ gha rrọ, erru gha vuọn ne emwiokọ.
5
Emwata ọ re ọ sẹe ne ọ gie a mu ẹtin yan ta ẹghẹ hia; sokpan, ne ẹ i gie a mu ẹtin yan i vbe ta ẹmwẹ ọvbehe gberra ohoghe.
6
Ọmwa ne ọ ye obọ rra ẹwẹe ẹre okpa i sẹtin gha wan ẹdẹ, sokpan, ẹ i sọn emwa ẹwaẹn ruẹ emwi guẹ.
7
Ladian hin ẹbu avbe akpa rre, iran i ra miẹn emwi ma ruẹn re.
8
Vbọzẹ ne ọmwa irẹnmwi na wan yi? Rhunmwuda ighe ọ rẹn emwi ne irẹn gha ru. Vbọzẹ ne ọzuọ na kọn yi? Rhunmwuda, te ọ ro vbe ẹghẹ hia wẹ rẹn rẹn emwi.
9
Avbe akpa gha ru orukhọ, ẹ i vbe kan iran egbe, sokpan, avbe emwa esi ghi gha ho ne a ya bọ iran.
10
Ọyẹnmwẹ ruẹn, ọwuẹ nọ, orriara ruẹ, ọwuẹ nọ. Ọmwa ne ọ ra guẹ ghae ẹre i rrọọ.
11
Owa ọmwa dan gha rẹnkhẹn uan nẹ, owa ọmwa esi ghi ye gha rre atẹ.
12
Odẹ ne uwẹ te ro wẹ ọ re ọghe ẹmwata sẹtin wa gha re ne a la sẹ uwu.
13
Ogiẹ sẹtin degue akhiẹ. Ẹko rhiẹnrhiẹnmwẹ gha kpao, akhiẹ ghi mu evba mwẹ.
14
Emwa dan gha miẹn emwi ne ọ ma iran. A gha san emwa esi ẹse ye emwi esi ne iran ru.
15
A i miẹn ẹmwẹ ne akpa i yayi, avbe umẹwaẹn, te iran ghe owẹ zẹ vbe otọ.
16
Avbe umẹwaẹn ghi gha ya egbe lẹ ne orueghe, sokpan, avbe akpa i gbe aro kotọ, oguegue iran ya ru emwi.
17
Emwa ne egbe balọ ghi gha yin uyinmwẹ akpa, emwa ni wan sẹẹ ghi hẹko zin egbe.
18
Emwi ne ọ ma ukọnmwẹ iran, ghi gha rruan emwa ni ma rẹn ne a ye. Sokpan, irẹnmwi ọ re a ya san avbe umẹwaẹn ẹse.
19
Te emwa dan gha de igue vbe odaro ẹmwata ne iran vbu aro ne ọ maa vbe obọ iran.
20
Ai miẹn ne ọ ho ẹmwẹ ovbiogue uhin ya sẹ egbe ẹdogbo ẹre ne arẹn egbe, sokpan iran ni fe ghi gha mwẹ avbe ọse nibun.
21
U gha ho ne u gha mwẹ ẹko rhiẹnrhiẹnmwẹ, gha tohan ivbiogue; orukhọ nọ ne a gha zan ọmwaikọmwa.
22
Adeghẹ uwẹ winna ne emwi gha maa, emwa ọvbehe ghi gha mu ẹtin yan ruẹn, iran ghi vbe gha ya ọghọ ne uẹn; adeghẹ emwi dan wẹ mu aro yi, u ba odẹ ku.
23
Gha winna, u gha vbe khuan okhuan ẹdẹ ruẹ, adeghẹ te u tota gbe ọta khian, u gha khian ovbiogue.
24
Ẹfe ọ re a ya san avbe umẹwaẹn ẹse; sokpan, ukọnmwẹ iran ọ re a ya rẹn avbe akpa.
25
Osẹe gha ta ẹmwata, uhunmwu nibun ọ re ọ sinmwi ye agbọn, ọ gha ta ohoghe ọ ghi ya emwa nibun na vbokho.
26
A ya ọghọ ne Nọyaẹnmwa, ekhọe kevbe ẹkun ne ọ sotọ ọ re ọ rhie ne igiowa ọmwa.
27
Wẹ ho ne u lẹ uwu fe ra? A ya ọghọ ne Nọyaẹnmwa, uhunmwu uwa ne arrọọ ke rre nọ.
28
Vbene emwa ne ọba kha yan ya bun, ọ re irẹn vbe ya kpolo; vbene iran i na rrọ, rẹn i re emwirhọkpa.
29
Adeghẹ wẹ hẹko zin egbe, ọmẹwaẹn ọ re u khin, egbe gha balọ ọ, te u rhie ma kẹkan vbene u kọn sẹhẹ.
30
Ekhọe ne ọfumwegbe ye, te ọ ye egbe rran ọmwa; sokpan te igbọvo yevbe ẹtẹ ne ẹ i mwẹ ukhunmwu.
31
U gha zẹ ivbiogue owẹ, Osa ne ọ yi iran ọ re u zan nii, sokpan emwi itohan ne a ru ne ivbiogue, iwinna ugamwẹ nọ.
32
Emwi dan ne emwa dan ru ọ re iran ya gbe egbe iran; sokpan uyinmwẹ ekhọe esi ọ re ẹmwata ya da egbe yi.
33
Ẹwaẹn rre iro ne umẹwaẹn ro hia, avbe ọzuọ ma rẹn emwi ne a tie ẹre ẹwaẹn hiehiere.
34
Uyinmwẹ ẹmwata ọ re ọ ye ẹvbo khian nọkhua, ifaegbua ọ re orukhọ khin ni ẹvboikẹvbo.
35
Ewọe ni sẹ ekpe ọ re ọ ya ẹko ọba rhiẹnrhiẹn; sokpan, te irẹn rri ọmwa ne ọ ma giee dunna oya.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31