bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chin
/
Chin TBR17 (Tedim Bible Revision 2017)
/
1 Kings 15
1 Kings 15
Chin TBR17 (Tedim Bible Revision 2017)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
1
Tu-in Nebatʼ tapa Kumpi Jeroboamʼ kum sawm le kum giatna kumin Abijam in Judah tungah uk ding kipan hi.
2
Amah in Jerusalem ah kum thum sung uk hi. Ama nuʼ min Maakah hi a, Absalomʼ tanu ahi hi.
3
Ama mai-a a paʼ khialhna khempeuh amah in zui hi. A pusawn David a thuman bangin Topa a Pasianʼ tungah a lungsim thuman bup lo hi.
4
Ahi zongin Davidʼ hangin Topa a Pasian in Jerusalem ah amah tapa khat pia a, ama khit ah a tapa koihin Jerusalem kipsak hi.
5
Bang hang hiam cih leh Hit mi Uriah thu ah cih sim loh ama nuntak sung tawntung Topaʼ mitah David a manin gamta-in a thupiakte khat peuhpeuh panin amah pial lo hi.
6
Tu-in Abijamʼ nuntak sung tawntung amah le Jeroboamʼ kikalah kidona om hi.
7
Abijamʼ gamtatna a omlaite le a sep khempeuh, Judah Kumpiteʼ Khang Tangthu Laibu sungah kigelh hi. Tua ciangin Abijam le Jeroboam kikalah gal kidona om hi.
8
Tua ciangin Abijam si a, amaute in David khuapi sungah amah vui uh hi. Ama tangin a tapa Asa in uk hi.
9
Israel kumpi Jeroboamʼ kum sawm nihna kumin Asa in Judah tungah uk ding kipan a,
10
amah in Jerusalem ah kum sawm li le khat sung uk hi. Ama piʼ min Maakah hi a, Absalomʼ tanu ahi hi.
11
Ama pupi David a gamtat bangin Topaʼ muhna ah Asa a manin gamta hi.
12
Amah in gam sung panin pasal paktat pawlte koih khia-in a pateʼ bawl sa milim khempeuh khiin khia hi.
13
Amah in Asherah milim dingin a kibawl a kihhuai milim khat nei ahih manin kumpinuʼ nu hihna panin a pi Maakah zong khiin khia hi. Tua hi a, Asa in tua nuʼ milim phukin Kidron lui ah a hal hi.
14
Ahih hangin mual tunga biaknate kila khia lo hi. Ahi zongin ama hunsung khempeuh Asaʼ lungsim Topaʼ tungah thuman bup hi.
15
Tua ciangin amah in a paʼ ap sa letsongte le ama ap sa letsongte, ngun, kham le nazatte Topaʼ biakinn sungah a paipih hi.
16
Amauʼ hunsung tawntung Asa le Israel kumpi Baasha kikalah gal kidona om hi.
17
Judah a sim dingin Israel kumpi Baasha kuan to a, Judah kumpi Asa kiang pan kuamah paikhia thei lo, kuamah a tum theih loh nadingin Ramah khua a lam hi.
18
Tua ciangin Asa in Topaʼ biakinn sung vankoihna le kumpipa inn vankoihna sungah a om lai ngun le kham khempeuh la-in ama nasemteʼ khut sungah tuate a pia hi. Tua ciangin kumpi Asa in Damaskas ah a teeng, Syria kumpi, Hezionʼ tapa Tabrimmon, a tapa Benhadad kiangah tuate puak a,
19
“Ka pa le na pa mah bangin kei le nang kikalah kipawlna khat omsak ni. Ngun le kham letsong nangma tungah kong puak hi. Keima kiang panin amah a nungkik theih nadingin Israel kumpi Baasha tawh na kipawlna va su tat in,” a ci hi.
20
Tua ciangin Benhadad in Kumpi Asaʼ thu mang a, Israel khuapite a sim dingin a galkap a ukte sawlin, Ijon, Dan, Abelbeth-maakah le Khinneroth khempeuh, Naftali gam khempeuh tawh a zo hi.
21
Baasha in tua thu a zak ciangin Ramah a lam khawlin Tirzah ah om hi.
22
Tua ciangin kumpi Asa in Judah gam khempeuh ah thu genzakna khat bawl a, kuamah peng loin a milipin Baasha in khua lamna-a a zat Ramah suangte le a singte a pua khia dingin a sawl hi. Tua ciangin kumpi Asa in tuate tawh Benjamin miteʼ khua Geba le Mizpah khua a lam hi.
23
Tu-in Asaʼ gamtatna a omlaite khempeuh, ama thahatna khempeuh, ama sep khempeuh le ama lam khuapite, Judah Kumpiteʼ Khang Tangthu Laibu sungah kigelh hi. Ahih hangin a teek ciangin a khete ah natna khat a nei hi.
24
Tua ciangin Asa si a, a pupi David khuapi sungah a pate tawh kivui hi. Tua ciangin ama tangin a tapa Jehoshafat in a uk hi.
25
Judah kumpi Asaʼ kum nihna kumin Jeroboamʼ tapa Nadab in Israel tungah uk ding kipan a, amah in Israel tungah kum nih sung uk hi.
26
Topaʼ muhna ah amah a sia gamta a, a paʼ khekhap mah tawnin, Israel a khialhsakna ama khialhna mah a zui hi.
27
Issakhar minam Ahijahʼ tapa Baasha in Nadab sawm sim hi. Baasha in Filistia-teʼ khua Gibbethon ah amah sat tuk hi. Nadab le Israel khempeuh in Gibbethon umcihin a om laitakun a thah ahi hi.
28
Tua ahih ciangin Judah kumpi Asaʼ kum thumna kumin Baasha in Nadab that a, Nadab tangin amah in a uk hi.
29
Amah kumpi ahih phetin Jeroboamʼ innkuan khempeuh that hi. Topa in Shiloh khuami a nasem pa Ahijah tungtawnin a gen sa bangin a vekpi-in a suksiat khit dongin mi khat zong Jeroboamʼ innkuan ah nusia lo hi.
30
Tua pen ama khialhna le Israel a khialhsakna ahi Jeroboamʼ khialhnate hang le Israel Pasian, Topa a hehsakna hang ahi hi.
31
Tu-in Nadabʼ gamtatna a omlaite le a sep khempeuh, Israel Kumpiteʼ Khang Tangthu Laibu sungah kigelh hi.
32
Amauʼ hunsung khempeuh Asa le Israel kumpi Baasha kikalah gal kidona a om hi.
33
Judah kumpi Asaʼ kum thumna kumin Ahijahʼ tapa Baasha in Israel khempeuh tungah Tirzah panin uk ding kipan a, kum sawm nih le li sung a uk hi.
34
Topaʼ muhna ah amah a sia gamta a, Jeroboamʼ khekhap mah tawnin, Israel a khialhsakna ama khialhna mah a zui hi.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22