1 Chronicles 10

Irish 1817 (An Bíobla Naomhtha 1817 (Bedell))

← Chapter 9 Jump to: Chapter 11 →

1Anois do throideadar na Philistinigh a naghaidh Israel; agus do theitheadar fir Israel roimhe na Philistinibh, agus do thuiteadar síos marbh a slíabh Gilboa.

2Agus do leanadar na Philistinigh go cruáidh a ndiaigh Shauil, agus a ndiáigh a mhac; agus do mharbhadar na Philistinigh Ionatan, agus Abinadab, agus Malchisua, mic Shauil.

3Agus do chuaidh an cath go docrach a naghaidh Shauíl, agus do bhuáileadar luchd caithte bogha é, agus do goineadh leis na soigheadóiribh é.

4Ann sin a dubhairt Saul le fear iomchartha a airm, Tarruing do chloidheamh, agus cuir thríom é; deagla go ttiucfaidis na neimhthimchillghearrthaso agus go maisleochaidis me. Achd níor bháill lé fear iomchartha a airm sin do dhéanamh; óir do bhí eagla mhór air. Mar sin do ghlac Saul cloidheamh, agus do thuit sé air.

5Agus a núair do chonnairc fear iómchair a airm go raibh Saul marbh, do thuit sé féin mar an gcéadna air an gcloidheamh, agus déug sé.

6Marsin déug Saul, agus a thríur mac, agus déug a thigh uile a naóinfheacht.

7Agus a nuáir do chonncadar fir Israel uile noch do bhí san ghleann gur théitheadar, agus gur éug Saul agus a mhic, annsin do thréigeadarsan a ccaithreacha, agus do theitheadar: agus thangadar na Philistinigh agus do áitreabhadar ionnta.

8¶ Agus tárla ar na mhárach, a nuáir thangadar na Philistinigh dfaghbhadh na marbh, go bhfúaradar Saul agus a mhic marbh a slíabh Gilboa.

9Agus a nuáir do fhaghbhadar é, do ghlacadar a cheann, agus a arm, agus do chuireadar teachda go crích na Bhphilistineach fá ccúairt, do thabhairt scéul dá niodhaluibh, agus do na daóinibh.

10Agus do chuireadar a arm a ttigh a ndeé, agus do dhaingnigheadar a cheann a tteampall Dágon.

11¶ Agus a nuáir do chúaladar muinntir Iabes‐gílead uile gacha ndearnadar na Philistinigh re Saul,

12Déirgheadar, na daóine curata uile, agus rugádar corp Shauil leó, agus cuirp a mhac, agus thugadar go Iábes íad, agus do adhlaiceadar a ccnámha fáoi an daruigh ann Iábes, agus do throisgeadar seachd lá.

13¶ Mar sin déug Saul ar son a pheacaidh, noch do rinne sé a naghaidh an TIGHEARNA, eadhon a naghaidh bhreithre an TIGHEARNA, nar coimhéad sé, agus mar an ccéadna do chionn comhairle díarruidh ar aon agá raibh leannán síthe, dfíafruighe dhé;

14Agus nar fhíafruigh sé don TIGHEARNA: uime sin do mharbh sé é, agus do impóigh sé an rioghachd chum Daibhi mhac Iesse.

← Chapter 9 Jump to: Chapter 11 →