1 Chronicles 12

Irish 1817 (An Bíobla Naomhtha 1817 (Bedell))

← Chapter 11 Jump to: Chapter 13 →

1Anois íad so tháinic go Dáibhi go Siclag, an feadh do bhí sé fós da cheilt féin ar eagla Shauil mhic Cis: agus do bhádar a measc na ndáoine neartmhara, luchd cuidigh an chogaidh.

2Do bhádar armthá ré boghaibh, agus do bhádar cliste ar a láimh dheis agus chlé ag caitheamh cloch agus soighead as bogha, do bhráithribh Shauil agus chloinne Beniamin.

3Sé Ahieser dob oirdhearca dhíobh, annsin Ioas, mic Shemaiah an Gibeatiteach; agus Iesiel, agus Pelet, mic Asmabhet; agus Berachah, agus Iehu an Tantotiteach,

4Agus Ismaiah an Gibeoniteach, duine neartmhar a measg an tríochaid, agus ós chionn an tríochaid; agus Ieremiah, agus Iahasiel, agus Iohanan, agus Iosabad an Gederatiteach,

5Elusai, agus Ierimot, agus Bealia, agus Semariah, agus Sephatiah an Haruphiteach,

6Elcanah, agus Iesiah, agus Asareel, agus Ioeser, agus Iasobeam na Corítigh,

7Agus Ioelah, agus Sebadiah, mic Ieroham ó Ghédor.

8Agus do dhealuigheadar cuid do na Gadítibh íad feín chum Dáibhi gus an daingion ann sa bhfásach daoine cálma, agus luchd coguidh iomchubhaidh chum catha, dar bheól sciath agus buiciler do ghlacadh, a naighthe amhuil aighthe leomhan, agus íad comhlúath ris na heilitibh ar nasléibhtibh.

9Eser an chéad duine, Obadiah an dara, Eliab an treas,

10Mismannah an ceathramhadh, Ieremiah an cúigeadh,

11Atai an seiseadh, Eliel an seachdmhadh,

12Iohanan an tochdmhadh, Elsabad a náomhadh,

13Ieremiah an deachmhadh, Machbanai an táonmhadh déag.

14Do chloinn Ghad íad so, caiptínigh an tslóigh: do bhí an té fá lúgha dhíobh ós cionn chéad, agus an té fá mó ós cionn mhíle.

15Is íad so chuáidh tar Iordan anonn san chéid mhí, a núair do chúaidh a thuile tar a bhrúachaibh uile; agus do chuireadar chum teithmhe muinntir na ngleann uile, aráon don noirthear, agus don níarthar.

16Agus thangadar do chloinn Bheniamin agus do chloinn Iúdah gus a ndaingean go Dáibhi.

17Agus do chuáidh Dáibhi amach na ccoinne, agus do fhreagair agus a dubhairt sé riú, Ma thangabhair chugamsa go síothchánta do chongnamh liom, biáidh mo chroidhe snaodhmtha ribh: achd más dom bhrath dom namhuid thangabhair, ó nach bhfuil éagcoír ar bith am lámhuibhsi, go bhféuchuidh Día ar naithreadh airsin, agus go spreaguidh sé é.

18Ann sin tháinic an spiorad go Hamasai, an tí dob oireagha do na caiptinibh, agus a dubhairt, Is leatsa sinne, a Dháibhi, agus ar do tháobh, atámaoid a a mhic Iesse: síothchám, síothchain maille riot, agus síothcháin dot luchd cuidigh; óir atá do Dhía ag cungnamh leachd. Annsin do ghabh Dáibhi chuige íad, agus do rinne dhiobh caiptínigh ar an mbuidhin.

19Agus do thuit cuid do Mhanasseh chum Dáibhi, an tan tháinic se leis na Philistinibh a naghaidh Shauil chum catha: achd níor chungadar léo: óir do chuíreadar tighearnuidh na Bhphlistineach do bhun comhairle ar siubhal é, gha rádh, Fillfidh sé chum a mhaighistir Saul re cunntabhart ar cceanne.

20Mar do chuáidh sé go Siclag, dfill chuige do Mhanasseh, Adnah, agus Iosabad, agus Iediael, agus Micháel, agus Iosabad, agus Elihu, agus Siltai, caiptínigh na mílteadh do bhí ó Mhanasseh.

21Agus do chuidigheadár lé Dáibhi maille re buidhin: óir do bhádar uile na ndáoinibh curata a mbeódhachd, agus na ccaiptinibh annsa tslúagh.

22Oír fa namsín lá air lá do thigeadh go Dáibhi do chongnamh ris, nó go raibh na shluágh mhór, cosmhuil re slúagh Dé.

23¶ Agus Is íad so uibhir na mbannadha noch do bhí réidh armtha chum coguidh, agus tháinic go Dáibhi go Hebron, dfilleadh rioghachda Shauil chuige, do reir bhréithre an TIGHEARNA.

24Do chloinn Iúdah dar iomchair scíath agus gath sé mhíle agus ochd ccéad, reídh armtha cum cogaidh.

25Do chloinn Shimeoin, dáoine cumhachdacha a ngaisgidh chum cogaidh, seachd mile agus céad.

26Do chloinn Lébhi ceithre mhíle agus sé chéad.

27Agus do bé Iehoiada ba ceann ar na Haaroníteachaibh, agus trí mhíle agus seachd gcéad maille ris;

28Agus Sádoc, duine óg láidir a ngaisgidh, agus dhá chaiptín agus fithche do thigh a athar.

29Agus do chloinn Bheniamin, do gháol Shauil, trí mhile: óir go nuige so síad an chuid bá mhó dhíobh do choimhéadadh tigh Shauil.

30Agus do chloinn Ephraím fithche mile agus ochd ccéad, dáoine neartmhara a ccalmachd, tásgamhla ar feadh thighe a naithreadh.

31Agus do leiththreibh Mhanasseh ochd míle déag, noch do foillsigheadh na nainm, do theachd agus rígh dhéanamh do Dháibhi.

32Agus do chloinn Issachar, agá raibh tuigsi air na haimsearuibh, dá fhios cred budh chóir do chloinn Israel do dhéanamh; do budh dhá chéad a ccinn; agus do bhadár a ndearbhráithre uile ar a ttoil.

33Do Shebulun, an mhéid do chuáidh amach chum catha, eólach a ccogadh, maílle rís a nuile ionstrumeínt chognidh, caógad míle, dar bhéol dul á nordughadh: do chroidhe iomlán.

34Agus do Naphtali míle caiptín, agus maille leó go scéith agus go ngath tríochad agus seachd míle.

35Agus do na Danítibh eólach a ccogadh ochd mile fhithchiot agus sé chéad.

36Agus do Asser, do dhaóinibh do thiaghadh amach chum catha, foghlomtha a ccogadh, ceathrachad míle.

37Agus don táobh oile do Iordan, do na Reubinitibh, agus do na Gadítibh, agus do leththreibh Mhanasseh, maille ris a nuile ionstruméint chogaidh chum catha, céad agus fithche míle.

38Thangadar a raibh annso dfearuibh cogaidh, do fhanadh a nordughadh maille ré croidhe iomlán go Hébron, do dheánamh rígh do Dháibhi ós cionn Israel uile: agus do bhádar an chuid oile Disrael mar an ccéadna déantoil do dhéanamh rígh do Dháibhi.

39Agus do bhádar annsin a bhfochair Dháibhi trí lá ag ithe agus ag ól: óir do ullmhuigheadar a ndearbhráithre na ccoinne.

40Os a chionn sin an mhéid do bhí a bhfogus dóibh, eadhon go nuige Issachar agus Sebulun agus Naphtali, thugadar leó ar assaluibh, agus ar chámhalluibh, agus ar mhúillibh, agus ar dhamhuibh, aran, agus bíadh, min, cacadha fíge, agus ceanglácháin risín, fíon agus ola, agus dannh, agus caóirígh go lor: óir do bhí lúathghaír a Nisrael.

← Chapter 11 Jump to: Chapter 13 →