1 Chronicles 28

Irish 1817 (An Bíobla Naomhtha 1817 (Bedell))

← Chapter 27 Jump to: Chapter 29 →

1Agus do chruinnigh Dáibhi go Hierusalem prionnsadha Israel uile, prionnsadha na ttreabh, agus caiptínigh na ccuideachd do níodh miniostralachd don rígh ré sealuigheachd, agus caiptínigh ós cionn na mílteadh, agus caiptínidh ós cionn na ccéad, agus na feadhmannuigh ós cionn máoine agus seilbhe an rígh uile, agus a mhac, maille ris na hoifigeachaibh, agus ris na daóinibh curata, agus na daoíne gaisgeamhla uile.

2Ann sin do sheas Dáibhi rígh súas air a chosaibh, agus a dubhairt, Eistigh riom, a dhearbhráithre, agus mo phobal: air mo shon féin, do bhí ann mo chroidhe tigh comhnuigh do dhéanamh dáirc chunnartha an TIGHEARNA, agus do chostól ar Ndé, agus do ghléas mé a ccoinne na hoibre:

3Acht a dubhairt Día riom, Ní dhéana tú tigh dom ainmsi, do bhrígh gur fear cogaidh thú, agus gur dhóirt tú fuil.

4Gidheach do thogh an TIGHEARNA Día Israel misi roimhe thigh mathair uile do bheith am rígh ós Israel go bráth: óir do thogh sé Iúdah do bheith na úachdarán; agus do thigh Iúdah, tigh matharsa; agus a measc mhac matharsa do thaitin misi ris do dhéanamh rígh dhiom os cionn Israel uile:

5Agus tair mo mhacaibh uile, (óir thug an TIGHEARNA mórán mac dhamh,) do thogh sé Solamh mo mhac do shuidhe annsa chathaoir ríogha a ríoghachd an TIGHEARNA ós cionn Israel.

6Agus a dubhairt sé riomsa, do dhéana Solamh do mhac, mo thighse agus mo chúirte: óir do thogh mé é do bheith na mhac agum, agus biáidh misi am athair aigesion.

7Tuilleamh oile fós daingneochuidh mé a rioghachd go bráth, má bhíonn sé seasmhach a ccoimhlíonadh maitheantadh agus mo bhreitheamhnuis, mar atá a niugh.

8Anois uimesin a radharc Israel uile comhchruinniughadh an TIGHEARNA, agus a neisteachd ar Ndé, coimhéaduigh agus íarruidh uile aitheanta bhur TTIGHEARNA Dé: chor go sealbhochthaoi an fearann maithsi, agus go bhfuigfidhe é mar oidhreachd ag bhur ccloinn bhur ndiaigh go bráth.

9¶ Agus thusa, a Sholuimh a mhic, biodh fios Dé hathar agad, agus deana serbhis dó le croidhe iomlán agus lé toil aontadhuigh: óir spíonuidh an TIGHEARNA na huile chroidhthe, agus tuigidh sé na huile bhreathnuighthe na smuaintigheadh: ma íarrann tú é, do gheabha tú é; acht má thréigionn tú é, teílgfidh sé úadh thú go bráth.

10Bí ar do chiomhéad anois; óir do thogh an TIGHEARNA thú do dheanadh tighe don tsanctóir: bí láidir, agus déana é.

11¶ Ann sin thug Dáibhi do Sholamh a mhac eisiompláir an phóirse, agus a thightheadh, agus a theagh ionnmhuis, agus a sheomradh úachdarach, agus a phárlús do bfaide a steach, agus áite na cathaóire trócaire,

12Agus esiompláir na huile neithe dá bhfuáir ón spiorad, chúirteann thighe an TIGHEARNA, agus na séomradha timchioll fá ccuáirt, agus ionnmhusa thighe Dé, agus stóruis na neithionn ccoisreactha:

13Mar an ccéadna do chúrsadhuibh na sagart agus na Lebhíteach, agus don uile obair sherbhíse thighe an TIGHEARNA, agus a nuile shoitheach serbhíse a ttigh an TIGHEARNA.

14Thug sé ór a ccomhthrom chum na neitheann óir, do nuile ionstruiment do nuile ghné sherbhíse; airgiod mar an gcéadna do nuile ionstruiment airgid le comhthrom, do nuile ionstruiment dá gach uile shórt serbhíse:

15Eadhon comhthrom chum an choinnleóir óir, agus dá lampadhuibh dór, lé comhthrom dogach éanchoinnleóir, agus dá lampadhuibh: agus do na coinnleoiribh airgid lé comhthrom, don choinnleoir, mar an gcéadna agus dá lampadhuibh, do réir úsaide gach áon choinnléora.

16Agus lé tomhus thug sé ór chum bórd a naráin taisbeanta, dá gach aon bhórd; agus airgiod mar an gcéadna do na bórduibh airgid:

17Or fíorghlan mar an ccéadna chum na nádhal, agus chum na mbulladh, agus na ccupán: agus chum na mbáisín órdha thug sé ór tomhuiste chum gach aon bháisín; agus fós airgiod tomhuiste chum gach aon bháisín airgid:

18Agus chum altóra na túise, ór aithleaghtha lé tomhas; agus ór chum eisiomplára charbuid na cherúbíneach, noch do leathnuigh amach a sciatháin, agus dfolchadar áirc chunnartha an TIGHEARNA.

19Iadso re chéile arsa Dáibhi, do mhúin an TIGHEARNA dhamhsa a scríbhinn re na láimh orumsa, eadhon uile oibreacha na heisiompláiresi.

20¶ Agus a dubhairt Dáibhi re Solamh a mhac, Bí láidir agus bíodh meisneach mhaith agad, agus déana é: ná bíodh eagla ort, agus na bí anbhuáineach: óir biáidh an TIGHEARNA Día, eadhon mo Dhíasa, leachd; ní fhailleochuidh sé ort, ní mó thréigfe sé thú, nó go ccríochnuighe tú a nuile obair chum serbhíse thighe an TIGHEARNA.

21Agus, féuch, cúrsadha na sagart agus na Lebhiteach, chum uile sherbhíse tighe Dé: agus béid agadsa chum gach uile shórt oibre gach éanduine umhal glic, do gach gné sheirbhíse: béid na prionnsadha fós agus an pobal uile air do chomhairle go hiomlán.

← Chapter 27 Jump to: Chapter 29 →