Romans 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1دَغَ بُلُسْ، بَاوَنْ أَلْمَسِيحُ عِيسَىٰ ، وَنْدَ عَكَ كِرَشِ يَذَمَ مَنْذُوانْسَ، عَكَكُمَ كٜىٰٻٜىٰشِ دُواْمِنْ يِنْ شٜىٰلَرْ لَابَرِ مَيْ دَاطِے نَ اللَّهْ ؞

2لَابَرِ مَيْ دَاطِنَّنْ نٜىٰ اللَّهْ يَيِ أَلْڧَوَرِنْسَ تُنْدَا تَوُرِنْ أَنَّبَاوَنْسَ، كَمَرْ يَدَّ يَكٜىٰ أَرُبُوثٜىٰ ثِكِنْ رُبُوتَثِّيَرْ مَغَنَرْ اللَّهْ مَيْ ڟَرْكِے؞

3وَنَّنْ لَابَرِ مَيْ دَاطِے كُوَ غَمٜىٰدَ طَنْسَ وَنْدَ بِسَغَ مُتُنْتَكَ شِ دَغَ ذُرِيَرْ دَاوُدَ نٜىٰ،

4عَمَّا بِسَغَ ڟَرْكِنْسَ نَرُوحُ دَ إِيكُواْ أَنْتَبَّتَرْ دَشِ طَنْ اللَّهْ نٜىٰ تَوُرِنْ تَاشِنْسَ دَغَ مَتَتُّو؞ شِ عِيسَىٰ أَلْمَسِيحُ كُوَ أَنْتَبَّتَرْ شِ عُبَنْ‌غِجِنْمُ نٜىٰ؞

5تَوُرِنْ أَلْمَسِيحُ عِيسَىٰ دَ كُمَ دُواْمِنْ أَغِرْمَمَ سُونَنْسَ نٜىٰ نَسَامِ أَلْحٜىٰرِ دَ كِرَنْ ذَمَ مَنْذُوانْسَ دُواْمِنْ إِنْكِرَا مُتَنٜىٰ دَغَ ثِكِنْ أَلْعُمَّيْ دُكَ سُغَسْكَتَ سُكُمَيِ بِيَيَّ؞

6وَنَّنْ كُوَ يَشَاڢٜىٰكُ، كُو وَطَنْدَ اللَّهْ يَكِرَاكُ كُذَمَ نَ عِيسَىٰ أَلْمَسِيحُ ؞

7غَ دُكَنْكُ دَ كُكٜىٰ أَ رُواْمَ، وَطَنْدَ اللَّهْ يَكٜىٰ ڧَوْنَ يَكُمَ كِرَاكُ كُذَمَ ڟَرْكَكَا، أَلْحٜىٰرِ دَ سَلَمَ دَغَ اللَّهْ عُبَنْمُ دَ كُمَ عُبَنْ‌غِجِ عِيسَىٰ أَلْمَسِيحُ سُكَسَنْثٜىٰ تَرٜىٰدَكُو؞

8دَ ڢَرْكُواْ دَيْ إِنَيِ وَ اللَّهْ نَا غُواْدِيَ تَوُرِنْ عِيسَىٰ أَلْمَسِيحُ سَبُواْدَكُو دُكَ، دُواْمِنْ أَنَ بَادَ لَابَرِنْ بَنْ‌غَسْكِيَرْكُ كُواْعِنَ عَثِكِنْ دُونِيَا؞

9اللَّهْ وَنْدَ نَكٜىٰيِ مَسَ حِدِمَ دَ دُكَنْ ذُوثِيَاتَ تَوُرِنْ شٜىٰلَرْ لَابَرِ مَيْ دَاطِے نَ طَنْسَ، شِينٜىٰ شَيْدَتَ ثٜىٰوَ إِنَتُنَاوَا دَكُو بَا ڢَاسَوَ،

10أَدُكْ لُواْكَثِنْ دَ نَكٜىٰ أَدُّعَ؞ إِنَ ضُواْڧُوانْ اللَّهْ ثٜىٰوَ عِدَنْ نُڢِنْسَ نٜىٰ، كُواْ تَيَيَا إِنْسَامِ دَامَ يَنْذُ إِنْ ذُواْ وُرِنْكُ؞

11غَمَا إِنَ مَرْمَرِ إِنْ‌غَنْكُ دُواْمِنْ إِنْبَاكُ وَتَ ݣَوْتَا تَرُوحُ وَدَّ ذَاتَ ڧَرْڢَڢَاكُ؞

12نُڢِينَ شِينٜىٰ، نِے دَكُو مُڧَرْڢَڢَ جُونَ، وَتُواْ إِنْ ڧَرْڢَڢَاكُ دَ بَنْ‌غَسْكِيَتَ، كُو كُمَ كُڧَرْڢَڢَانِ دَ تَاكُ؞

13یَنْعُوَ، إِنَ سُواْ كُسَنِ ثٜىٰوَ سَوْ دَيَوَ نَيِ شِرِ إِنْذُواْ وُرِنْكُ، عَمَّا حَرْ يَنْذُ أَنْهَنَنِ يِنْ حَكَ؞ دَلِيلِنْ سُوانْ ذُوَانَ كُوَ شِينٜىٰ دُواْمِنْ إِنْيِ غِرْبِے عَثِكِنْكُ كَمَرْ يَدَّ نَيِ عَثِكِنْ سَوْرَنْ وَطَنْدَ بَا يَهُودَاوَا بَ؞

14أَݣَويْ حَكِّنْ كُواْوَ عَكَيْنَ، نَمُتَنٜىٰنْ بِرْنِ دَ نَمُتَنٜىٰنْ ڧَوْيٜىٰ، نَمَاسُ عِلِمِ دَ نَمَرَسَ عِلِمِ؞

15شِيَسَا نَيِ نِيَّ سُواْسَيْ إِنْ شَيْدَ مُكُ لَابَرِ مَيْ دَاطِے، كُو مَا دَ كُكٜىٰ أَ رُواْمَ؞

16لَابَرِ مَيْ دَاطِنَّنْ بَ أَبِنْ كُنْيَا بَنٜىٰ أَغَرٜىٰنِ، غَمَا شِينٜىٰ إِيكُوانْ اللَّهْ وَنْدَ يَكٜىٰكَيْ كُواْوَنٜىٰ مُتُمْ وَنْدَ يَغَسْكَتَ غَ سَامُنْ ثٜىٰتُواْ، دَ ڢَرْكُواْ غَ يَهُودَاوَا، سَعَنً غَ وَطَنْدَ بَا يَهُودَاوَا بَ؞

17غَمَا تَوُرِنْ لَابَرِنَّنْ مَيْ دَاطِے نٜىٰ أَنَ بَيَّنَ أَدَلْثِنْ نَنْ وَنْدَ دَغَ وُرِنْ اللَّهْ يَكٜىٰ، كُمَ أَنَ سَامُنْ أَدَلْثِنَّنْ تَوُرِنْ بَنْ‌غَسْكِيَ دَغَ ڢَرْكُواْ حَرْ ذُوَا ڧَرْشٜىٰ؞ كَمَرْ يَدَّ يَكٜىٰ أَرُبُوثٜىٰ ثِكِنْ مَغَنَرْ اللَّهْ ثٜىٰوَ «مَيْ أَدَلْثِے، تَوُرِنْ بَنْ‌غَسْكِيَ نٜىٰ ذَيْ رَايُ؞»

18غَمَا أَنَ بَيَّنَ يَدَّ اللَّهْ دَغَ سَمَ ذَيْ حُكُنْتَ مُتَنٜىٰ ثِكِنْ ڢُشِنْسَ عَكَنْ دُكَنْ رَشِنْ حَلِنْ اللَّهْ دَ عَيْكِنْ مُغُنْتَا نَمُتَنٜىٰ وَطَنْدَ سُكٜىٰ دَنّٜىٰ غَسْكِيَ تَوُرِنْ عَيْكِنْ مُغُنْتَارْسُ؞

19غَمَا أَبِنْدَ أَنَ عِيَ سَنِ غَمٜىٰدَ اللَّهْ يأَنَانً أَ ڢِيلِ أَغَرٜىٰسُ، دُواْمِنْ اللَّهْ نٜىٰ يَبَيَّنَ مُسُ شِے؞

20حَلِنْ اللَّهْ نْتَكَ نَ اللَّهْ دَ كُمَ إِيكُوانْسَ نَهَرْ أَبَدَا بَ أَبُبُوَنْ دَ عَكَ عِيَغَنِ دَ عِدُواْ بَنٜىٰ؞ عَمَّا تُنْ حَلِتَّرْ دُونِيَا أَنْبَيَّنَا وَطَنَّنْ أَبُبُوَ أَ ڢِيلِ، أَنَ كُمَ عِيَغَانٜىٰسُ بِسَغَ أَبُبُوَنْ دَ عَكَحَلِتَّ؞ سَبُواْدَ حَكَ مُتَنٜىٰ بَاسُدَ وَتَ حُجَّ!

21غَمَا كُواْدَيَكٜىٰ سُنْ سَنْ اللَّهْ ، دُكْدَهَكَ بَسُ طَوْكَكَاشِ أَمَڟَيِنْسَ نَ اللَّهْ بَ، بَسُ كُمَ نُونَ مَسَ غُواْدِيَبَ؞ أَ مَيْمَكُوانْ حَكَ سَيْ تُنَانِنْسُ يَذَمَ بَنْظَ، ظُكَاتَنْسُ مَرَرْ تُنَانِ كُوَ سُكَ دُهُنْتَ؞

22كُواْدَيَكٜىٰ سُنْثٜىٰ وَيْ سُو مَاسُ حِكِمَنٜىٰ، عَمَّا سُو وَوَيٜىٰنٜىٰ؞

23سُكَ ثَنْجَ طَوْكَكَرْ اللَّهْ مَرَرْ مُتُوَ دَ غُنْكِ مَيْ كَمَنِّنْ مُتُمْ مَيْ مُتُوَ دَ كُمَ غُمَكَ مَاسُ كَمَنِّنْ ڟُنْڟَيٜىٰ دَ دَبُّواْبِے دَ دَنْ‌غِنْ مَثِيظَيْ دَ ڧَدَنْ‌غَرُ؞

24سَبُواْدَ حَكَ اللَّهْ يَبَاشٜىٰسُ غَ عَيْكَتَ مُوغَيٜىٰنْ شَعَوَثٜىٰ شَعَوَثٜىٰنْ ظُكَاتَنْسُ دَ جِكِنْسُ كُمَ سُنَيِنْ أَبِنْ كُنْيَا دَ جُونَ؞

25سُنْ مَيْدَ غَسْكِيَرْ اللَّهْ تَذَمَ ڧَضْيَا؞ سُنَ بَوْتَاوَ أَبُبُوَنْ دَ عَكَ حَلِتَّ، حَرْ سُنَيِ مُسُ حِدِمَ أَمَيْمَكُوانْ سُيِ وَ مَحَلِثِّ دَكَنْسَ، شِے وَنْدَ يَ إِسَ عَيَبٜىٰشِ حَرْ أَبَدَا؞ أَمِينْ؞

26سَبُواْدَ حَكَ اللَّهْ يَبَاشٜىٰسُ غَ شَعَوَثٜىٰ شَعَوَثٜىٰنْ مَاسُ بَنْ كُنْيَا؞ مَاتَنْسُ كُوَ سُكَ ثَنْجَ دَغَ حَطُوَرْ مَثٜىٰ دَ مِجِ وَدَّ عِتَثٜىٰ دَيْدَيْ بِسَغَ حَلِتَّ ذُوَا إِرِنْ حَطُوَرْ دَ بَ دَيْدَيْبَ؞

27حَكَكُمَ دَ شَعَوَرْ جُونَنْسُ تَشَا كَنْسُ، سَيْ مَظَا سُكَ بَرْ حَطُوَ دَ مَاتَا وَدَّ عِتَثٜىٰ دَيْدَيْ بِسَغَ حَلِتَّ؞ مَظَا دَ مَظَا سُنَ عَيْكَتَ أَبِنْ كُنْيَا، تَهَكَ سُكَ كُمَ جَٰوُاْ وَكَنْسُ حُكُنْثِنْ دَ يَيِ دَيْدَيْ دَ مُوغَيٜىٰنْ أَيُّكَنْسُ؞

28دَيَكٜىٰ سُنْڧِے سُكَسَنْثٜىٰ دَ سَنِنْ اللَّهْ ، سَيْ اللَّهْ يَبَاشٜىٰسُ غَ تُنَانِنْ بَنْظَ دَ وُاْڢِ دُواْمِنْ سُأَيْكَتَ أَبِنْدَ بَيْكَمَتَ عَيِبَ؞

29سُنَ ثِكٜىٰ دَ كُواْوَنٜىٰ إِرِنْ رَشِنْ أَدَلْثِے دَ مُغُنْتَادَ ݣُوطَيِ دَ ڧِيَيَّرْ ذُوثِيَا؞ سُنَ ثِكٜىٰدَ كِيشِ دَ كِسَنْ كَيْ دَ ڢَطَ دَ رُوطُ دَ بَڧَرْ ذُوثِيَا؞ سُو مَاسُ غُلْمَنٜىٰ،

30مَاسُ ٻَاتَ سُونَ، مَاسُ غَابَادَ اللَّهْ ، مَاسُ ذَاغِ، مَاسُ طَغَ كَيْ، مَاسُ غِرْمَمَ كَنْسُ، مَاسُ ڧُلَّ مُغُنْتَا، مَاسُ رَشِنْ بِيَيَّ غَ إِيَايٜىٰ؞

31سُو مَرَسَ حَنْكَلِنٜىٰ، مَرَسَ ثِكَ أَلْڧَوَرِ، مَرَسَ ڧَوْنَ دَ مَرَسَ تَوْسَيِ؞

32سُنْ سَنْ ڧَٰعِدَرْ اللَّهْ ثٜىٰوَ دُكْ مَاسُ عَيْكَتَ هَلَيٜىٰنَّنْ سُنْ ثَنْثَنْثِ مُتُوَ، عَمَّا بَوَيْ سُنَ عَيْكَتَ أَبُبُوَنَّنْ كَطَيْبَ، حَرْ سُنَ غُواْيُوانْ بَايَنْ وَطَنْدَ سُو مَا سُنَ عَيْكَتَ حَكَ؞

Jump to: Chapter 2 →