Romans 11

Hausa Arabic 2020 (أَتَّوْرَتْ دَ أَنَّبَاوَا)

1تُواْ، إِنَ تَمْبَيَ، اللَّهْ يَڧِ مُتَنٜىٰنْسَ كٜىٰنَنْ؟ إِنَا! كُواْ كَطَنْ! نِے دَكَيْنَ مُتُمِنْ إِسْرَٰٓءِيلَ نٜىٰ دَغَ ذُرِيَرْ إِبْرَٰهِيمْ، كُمَ مُتُمِنْ ذُرِيَرْ بِلِيَامِنُ؞

2اللَّهْ بَيْڧِ مُتَنٜىٰنْسَ وَطَنْدَ يَذَاٻَا تُنْدَغَ ڢَرْكُواْبَ؞ كُنْ دَيْ سَنْ أَبِنْدَ رُبُوتَثِّيَرْ مَغَنَرْ اللَّهْ تَڢَطَا غَمٜىٰدَ إِلْيَاسُ، وَتُواْ يَدَّ شِ إِلْيَاسُ يَكَيْ كُوكَا غَ اللَّهْ عَكَنْ إِسْرَٰٓءِيلَ ثٜىٰوَ

3« عُبَنْ‌غِجِ ، سُنْ كَكَّشٜىٰ أَنَّبَاوَنْكَ، سُنْ كُمَ رُرُّشٜىٰ بَغَدَنْكَ؞ نِنٜىٰ كَطَيْ نَضَغٜىٰ، كُمَ سُنَ نٜىٰمَ سُكَشٜىٰنِ؞»

4وَثٜىٰ أَمْسَ ثٜىٰ اللَّهْ يَبَاشِ؟ يَأَمْسَ دَ ثٜىٰوَ «نَايِ وَكَيْنَ أَجِيَرْ مُتَنٜىٰ دُبُو بَݣَويْ وَطَنْدَ بَسُ دُرْڧُسَ سُيِ وَ اللَّهْ نَّنْ بَعَلْ بَوْتَبَ؞»

5حَكَ وَنَّنْ يَكَسَنْثٜىٰ عَيَنْظُ مَا؞ أَݣَويْ ضَغُواْوَرْ مُتَنٜىٰ وَطَنْدَ اللَّهْ يَذَاٻَا بِسَغَ أَلْحٜىٰرِنْسَ؞

6ذَاٻٜىٰنَّنْ دَ اللَّهْ يَيِ كُوَ يَدُواْغَرَ غَ أَلْحٜىٰرِنْسَنٜىٰ، بَا غَ أَيُّكَنْ دَ مُتَنٜىٰنْ سُكَيِبَ؞ غَمَا إِنْ بَهَكَبَ، أَلْحٜىٰرِ بَيْ ذَمَ أَلْحٜىٰرِ نَغَسْكٜىٰبَ؞

7تُواْ، يَيَ كٜىٰنَنْ؟ أَيْ، إِسْرَٰٓءِيلَاوَا سُنْ كَاسَ سَامُنْ أَبِنْدَ سُكٜىٰ نٜىٰمَ؞ سَيْ دَيْ وَطَنْسُ كَطَنْ دَ عَكَ ذَاٻَا عَثِكِنْسُ نٜىٰ سُنْ سَامُ، عَمَّا سَوْرَنْ سُنْ ذَمَ مَاسُ تَوْرِنْ كَيْ؞

8كَمَرْ يَدَّ يَكٜىٰ أَرُبُوثٜىٰ ثٜىٰوَ « اللَّهْ يَبَاسُ رُوحٌ رَشِنْ غَانٜىٰوَ، دَ إِدَانُنْ دَ بَاسَ غَنِ، دَ كُنُّوَنْ دَ بَاسَجِ؞ وَنَّنْ كُوَ يَثِيغَبَ هَرْوَيَوْ؞»

9كُمَ دَاوُدَ يَثٜىٰ، «بَرِ بِكِنْسُ يَذَمَ مُسُ تَرْكُواْ، أَبِنْ جَٰوُاْ مُسُ حَڟَرِ؞ بَرِ يَسَا سُيِ تُنْتُٻٜىٰ يَجَٰوُاْ مُسُ حُكُنْثِ؞

10بَرِ عِدَنُونْسُ سُيِ دُهُ حَرْ سُكَاسَ غَنِ، نَوْيِنْ وَهَلَ كُمَ يَظُبُواْ مُسُ نَوْيِ حَرْ أَبَدَا؞»

11حَرْ يَنْذُ إِنَ تَمْبَيَ؞ دَ إِسْرَٰٓءِيلَاوَا سُكَيِ تُنْتُٻٜىٰ، سُنْ ڢَاطِ حَرْ بَذَاسُ تَاشِبَ كٜىٰنَنْ؟ إِنَا! كُواْ كَطَنْ! سَبُواْدَ ذُنُوبِنْسُ ثٜىٰتُواْ يَكَيْ غَ وَطَنْدَ بَا يَهُودَاوَا بَ، دُوانْ أَ سَا إِسْرَٰٓءِيلَاوَا سُجِ كِيشِنْسُ؞

12إِنْ كُوَ ذُنُوبِنْ دَ سُكَيِ يَكَٰوُاْ وَ دُونِيَا أَلْبَرْكَ، إِنْكُمَ كَاسَوَرْسُ تَكَٰوُاْ أَلْبَرْكُ غَ وَطَنْدَ بَا يَهُودَاوَا بَ، تُواْ، يَيَ ڢَا أَلْبَرْكَرْ نَنْ ذَاتَ ذَمَ أَ لُواْكَثِنْ دَ يَوَنْ إِسْرَٰٓءِيلَاوَا يَثِكَ طُنْ‌غُمْ؟

13يَنْذُ دَ كُو وَطَنْدَ بَا يَهُودَاوَا بَ نَكٜىٰ مَغَنَ؞ تُنْدَ يَكٜىٰ نِے مَنْذُوانْ عِيسَىٰ نٜىٰ غَ وَطَنْدَ بَا يَهُودَاوَا بَ، ذَنْيِ طَنْ تَاڧَمَ دَ عَيْكِنَّنْ نَوَ؞

14تَيِنْ حَكَ إِنَ ڢَاتَا ثٜىٰوَ ذَنْعِيَ سَا جَمَعَتَ إِسْرَٰٓءِيلَ سُجِ كِيشِ، حَرْ مَا وَنَّنْ يَسَا عَثٜىٰثِ وَطَنْسُنْسُ؞

15غَمَا عِدَنْ ڧِنْسُ دَ عَكَيِ، يَذَمَ أَبِنْ بُوطٜىٰ حَنْيَرْ شِرْيَ ڟَكَانِنْ اللَّهْ دَ دُونِيَا، أَ سَعَدَّ ذَاعَ كَرْٻٜىٰسُ ڢَا، بَا سَامُنْ رَيْ دَغَ مَتَتُّو نٜىٰ وَنَّنْ ذَيْ كَٰوُاْبَ؟

16عِدَنْ أَنْكٜىٰٻٜىٰ سَاشٜىٰ طَيَ نَغُرَاسَرْ حَڟِنْ نُونً ڢَارِ تَهَنْيَرْ مِيڧَشِ غَ اللَّهْ ، أَنْكٜىٰٻٜىٰ دُكَنْ غُرَاسَرْ دَ ڟَرْكِے كٜىٰنَنْ؞ عِدَنْ كُمَ عَكَ كٜىٰٻٜىٰوَ اللَّهْ سَيْوَرْ إِتَاثٜىٰ، دُكَنْ رَسَّنْ إِتَاثٜىٰنْ مَا أَنْكٜىٰٻٜىٰسُ دَ ڟَرْكِے كٜىٰنَنْ؞

17تُواْ، أَنْسَسَّرٜىٰ وَطَنْسُ رَسَّنْ إِتَاثٜىٰنْ ظَيْتُنْ إِرِنْ وَنْدَ عَكَ نُواْمٜىٰ، سَيْ عَكَ طَوْكِ وَنِ رٜىٰشٜىٰنْ إِتَاثٜىٰنْ ظَيْتُنْ إِرِنْ نَدَاجِ، عَكَ كُمَيِ مُسُ عَوْرٜىٰ؞ كُو وَطَنْدَ بَا يَهُودَاوَا بَ كُوَ، كَمَرْ رٜىٰشٜىٰنْ إِتَاثٜىٰنْ ظَيْتُنْ نَدَاجِ كُكٜىٰ، كُونٜىٰ عَكَ حَطَكُ دَ تُوشٜىٰنَّنْ، وَتُواْ يَهُودَاوَا، وَطَنْدَ دَغَ غَرٜىٰسُنٜىٰ كُكٜىٰ سَامُنْ أَلْبَرْكُنْ اللَّهْ ؞

18سَبُواْدَ حَكَ كَدَ كُيِ تَاڧَمَ عَكَنْ ثٜىٰوَ كُنْڢِے وَطَنْثَنْ رَسَّنْ دَ عَكَ سَسَّارٜىٰ؞ عِدَنْ كُوَ كُنَ تَاڧَمَ، سَيْ كُتُنَ ثٜىٰوَ بَا تُوشٜىٰنْ نٜىٰ يَكٜىٰ دُواْغَضَ أَغَرٜىٰكُبَ، سَيْدَيْ كُونٜىٰ كُكٜىٰ دُواْغَضَ غَ تُوشٜىٰنْ؞

19عَمَّا كَنَ عِيَ ثٜىٰوَ «أَيْ، أَنْسَسَّرٜىٰ رَسَّنْ نٜىٰ دُواْمِنْ أَ سَامِ دَامَ أَ حَطَ نِے دَ تُوشٜىٰنْ؞»

20ڨُورَيْ كُوَ! عَمَّا سَبُواْدَ رَشِنْ بَنْ‌غَسْكِيَ نٜىٰ عَكَ سَسَّارٜىٰسُ دَغَ تُوشٜىٰنْ، كَيْ كُمَ بِسَغَ بَنْ‌غَسْكِيَ نٜىٰ كَكٜىٰ دَ ظَرَڢِنْ ذَمَ حَطٜىٰ دَ تُوشٜىٰنْ؞ سَبُواْدَ حَكَ كَدَ كَيِ تَاڧَمَ، أَمَيْمَكُوانْ حَكَ، كَجِڟُواْرُواْ؞

21غَمَا عِدَنْ اللَّهْ بَيْ بَرْ رَسَّنَّنْ وَطَنْدَ سُونٜىٰ عَيْنِحِنْ نَتُوشٜىٰنْبَ، كَيْ مَا بَذَيْ بَرْ كَبَ؞

22أَ نَنْ مُنَ عِيَ غَنِنْ يَدَّ اللَّهْ يَكٜىٰدَ أَلْحٜىٰرِ دَ كُمَ ڟَنَنِ؞ يَنُونَ ڟَنَنِنْسَ غَ وَطَنْدَ سُكَ ڢَاطِ، عَمَّا يَنُونَ أَلْحٜىٰرِنْسَ أَغَرٜىٰكَ، وَتُواْ، عِدَنْ كَا ثِيغَبَدَ ذَمَ ثِكِنْ أَلْحٜىٰرِنْسَ؞ عِدَنْ كُوَ بَكَ ثِيغَبَدَ حَكَبَ، كَيْ مَا ذَاعَ سَارٜىٰكَ دَغَ تُوشٜىٰنْ كٜىٰنَنْ؞

23عِدَنْ كُوَ سُو إِسْرَٰٓءِيلَاوَا بَسُ ثِيغَبَدَ رَشِنْ بَنْ‌غَسْكِيَابَ، ذَاعَ حَطَسُ دَ تُوشٜىٰنْ، دُوانْ اللَّهْ يَنَ عِيَ يَسَاكٜىٰ مَيْدَسُو عَتُوشٜىٰنْ؞

24كُو وَطَنْدَ بَا يَهُودَاوَا بَ دَيْ، كُنَ كَمَرْ إِتَاثٜىٰنْ ظَيْتُنَّنْ إِرِنْ نَدَاجِ وَنْدَ بَايَنْدَ عَكَ سَارُواْشِ، سَيْ عَكَ حَطَ مَسَ عَوْرٜىٰ دَ إِتَاثٜىٰنْ ظَيْتُنْ إِرِنْ وَنْدَ عَكَ نُواْمٜىٰ؞ وَنَّنْ كُوَ دَ عَكَيِبَ بِسَغَ ڧَٰعِدَرْ عَوْرٜىٰنْ عِتَتُوَ بَنٜىٰ؞ تُواْ، تُنْدَيَكٜىٰ سُو إِسْرَٰٓءِيلَاوَا سُونٜىٰ كَمَرْ إِرِنْ إِتَاثٜىٰنْ ظَيْتُنْ وَنْدَ عَكَ نُواْمٜىٰ، ذَيْ ذَمَ أَبُ مَيْ سَوْڧِ سُواْسَيْ غَا اللَّهْ يَسَاكٜىٰ مَيْدَ رَسَّنَّنْ دَ عَكَ سَارٜىٰ عَ إِتَاثٜىٰنَّنْ وَنْدَ شِينٜىٰ أَصَلِنْسُ؞

25بَانَ سُواْ كُكَسَنْثٜىٰ دَ رَشِنْ سَنِنْ وَنَّنْ أَسِيرِ یَنْعُوَ، دُواْمِنْ كَدَ كُطَوْكِ كَنْكُ كُو مَاسُ حِكِمَ نٜىٰ؞ تَوْرِنْ ذُوثِيَا يَڢَرُ غَ سَاشٜىٰ نَ إِسْرَٰٓءِيلَ حَرْ دُكَنْ يَوَنْ وَطَنْدَ بَا يَهُودَاوَا بَ دَ ذَاسُ شِغَ وُرِنْ اللَّهْ يَثِكَ؞

26تَهَكَ ذَاعَ ثٜىٰثِ دُكَنْ إِسْرَٰٓءِيلَ؞ كَمَرْ يَدَّ يَكٜىٰ أَرُبُوثٜىٰ ثٜىٰوَ «مَيْ ثٜىٰتُواْ ذَيْذُواْ دَغَ سِهِيُواْنَ؞ ذَيْ كَوَرْدَ دُكْ ڧِنْ بِنْ اللَّهْ دَغَ ذُرِيَرْ يَعْڧُوبَ؞

27وَنَّنْ عِتَثٜىٰ يَرْجٜىٰجٜىٰنِيَتَ دَسُو، أَ سَعَدَّ ذَنْ طَوْكٜىٰ مُسُ ذُنُبَنْسُ؞»

28غَمٜىٰ دَ ڧِنْ لَابَرِ مَيْ دَاطِنْ دَ سُكَيِ، يَهُودَاوَا سُكَ ذَمَ مَاسُ غَابَادَ اللَّهْ ؞ وَنَّنْ كُمَ دُواْمِنْ أَمْڢَانِنْكُ نٜىٰ؞ عَمَّا غَمٜىٰدَ ذَاٻٜىٰنْسُ دَ عَكَيِ، سُو مُتَنٜىٰنٜىٰ دَ اللَّهْ يَكٜىٰ ڧَوْنَ؞ وَنَّنْ كُوَ أَلْبَرْكَثِنْ كَاكَنِّنْ كَاكَنِّنْسُ نٜىٰ؞

29غَمَا ݣَوْتَيْ نَ اللَّهْ دَ كِرَنْسَبَ أَبُبُوَ نٜىٰ دَ اللَّهْ ذَيْ جَنْيٜىٰبَ؞

30أَ دَا كُو وَطَنْدَ بَا يَهُودَاوَا بَ، كُو مَاسُ رَشِنْ بِيَيَّ غَ اللَّهْ نٜىٰ، عَمَّا يَنْذُ كَمْ كُنْ سَامِ جِنْڧَيْ تَوُرِنْ رَشِنْ بِيَيَّرْ يَهُودَاوَا؞

31حَكَكُمَ سُو يَهُودَاوَا سُنْ ذَمَ مَاسُ رَشِنْ بِيَيَّ غَ اللَّهْ عَيَنْظُ؞ وَنَّنْ كُوَ دُواْمِنْ سُسَامِ جِنْڧَيْ نٜىٰ تَوُرِنْ جِنْڧَنَّنْ دَ اللَّهْ يَنُونَ مُكُ؞

32غَمَا اللَّهْ يَا مَيْدَ دُكَنْ مُتَنٜىٰ كَمَرْ یَنْ كُرْكُكُ نَرَشِنْ بِيَيَّرْسُ؞ يَيِ حَكَ دُواْمِنْ يَنُونَ جِنْڧَيْ غَ دُكَنْسُ؞

33إِنَا مِصَالِنْ ظُرْڢِنْ يَوَنْ حِكِمَرْ اللَّهْ! ظُرْڢِنْ سَنِنْسَ كُمَ مَرَرْ إِيَاكَ نٜىٰ! حُكُنْثٜىٰ حُكُنْثٜىٰنْسَ سُنْڢِے غَبَنْ بِنْثِكٜىٰ، هَنْيُواْيِنْ أَلْعَمُرَنْسَ سُنْ وُثٜىٰ غَبَنْ غَانٜىٰوَ!

34«وَيَتَٻَ سَنِنْ ذُوثِيَارْ عُبَنْ‌غِجِ ؟ وَيَتَٻَ ذَمَ أَبُواْكِنْ شَوَرَرْسَ؟»

35«وَيَتَٻَ بَا اللَّهْ وَنِ أَبُ حَرْ دَ ذَيْ ذَمَ دُواْلٜىٰ اللَّهْ يَمَيَرْ مَسَ؟»

36غَمَا شِينٜىٰ يَحَلِثِّ دُكَنْ أَبُبُوَ، كُمَ أَبُبُوَنَّنْ دُكَ سُنَ كَسَنْثٜىٰوَ تَوُرِنْسَ نٜىٰ كُمَ دُواْمِنْسَ؞ بَرِ طَوْكَكَ تَتَبَّتَا غَ اللَّهْ حَرْ أَبَدَا! أَمِينْ؞

← Chapter 10 Jump to: Chapter 12 →