Romans 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1سَبُواْدَ حَكَ كَيْ مَيْ حُكُنْتَ وَنِ، بَاكَ دَ وَتَ حُجَّ، كُواْ كَيْ وَنٜىٰنٜىٰ؞ غَمَا أَ سَعَدَّ كَكٜىٰ حُكُنْتَ وَنِ، كَنَ حُكُنْتَ كَنْكَ نٜىٰ، دُواْمِنْ لَيْڢِنْدَ كَكٜىٰ غَنِنْ وَنِ دَشِ، شِينٜىٰ كَيْ مَا كَكٜىٰ عَيْكَتَاوَا؞

2مُنْ سَنْ ثٜىٰوَ حُكُنْثِنْ اللَّهْ دَيْدَيْنٜىٰ عَكَنْ وَطَنْدَ سُكٜىٰيِنْ أَبُبُوَنَّنْ؞

3كَيْ مُتُمْ! غَاشِ كُوَ كَيْ دَ كَنْكَ كَنَ عَيْكَتَ لَيْڢِنَّنْ دَ كَكٜىٰ غَنِنْ وَنِ دَشِ! كَنَ ڟَمَّنِ ذَاكَ كُٻُثٜىٰ وَحُكُنْثِنْ اللَّهْ ؟

4كُواْ كُوَ كَنَ رٜىٰنَ يَوَنْ أَلْحٜىٰرِنْ اللَّهْ دَ حَڧُرِنْسَ دَ رَشِنْ سَوْرِنْ ڢُشِنْ دَ يَكٜىٰيِ غَرٜىٰكَ؟ أَشٜىٰ، بَكَ سَنِ ثٜىٰوَ نُڢِنْ أَلْحٜىٰرِنْ اللَّهْ شِينٜىٰ يَنَ جَٰوُاْكَ غَ تُوبَبَ؟

5عَمَّا تَدَلِيلِنْ تَوْرِ كَنْ دَ كَكٜىٰيِ دَ تَوْرِنْ ذُوثِيَارْدَ كَكٜىٰ دَشِ، كَنَ تَارَ وَكَنْكَ حُكُنْثِ وَنْدَ يَكٜىٰ جِضَانْكَ أَ رَانَرْ ڢُشِنْ اللَّهْ ، أَ لُواْكَثِنْ دَ ذَاعَ بَيَّنَ حُكُنْثِنَّنْ دَيَكٜىٰ بِسَغَ أَدَلْثِنْ اللَّهْ ؞

6اللَّهْ ذَيْسَاكَ وَكُواْوَ بِسَغَ أَيُّكَنْسَ؞

7أَݣَويْ وَطَنْدَ سُكٜىٰ نٜىٰمَنْ طَوْكَكَ دَ دَرَجَ دَ رَيْ مَرَرْ ڧَارٜىٰوَ تَوُرِنْ نَاثِيَرْسُ غَ عَيْكَتَ أَلْحٜىٰرِ ثِكِنْ حَڧُرِ، سُونٜىٰ كُمَ اللَّهْ ذَيْسَاكَ مُسُ دَ رَيْ نَهَرْ أَبَدَا؞

8عَمَّا وَطَنْدَ سُكٜىٰ مَاسُ سُوانْكَيْ، وَطَنْدَ سُكٜىٰ ڧِنْ غَسْكِيَ سُكٜىٰ كُمَيِنْ مُغُنْتَا، ذَاعَ سَاكَ مُسُ دَ ڢُشِے دَ كُمَ هَوْشِ؞

9عَذَابَ دَ وَهَلَ سُونٜىٰ سُكٜىٰ جِضَانْ كُواْوَنٜىٰ مُتُمْ مَيْ عَيْكَتَ مُغُنْتَادَ ڢَرْكُواْ غَ يَهُودَاوَا، سَعَنً غَ وَطَنْدَ بَا يَهُودَاوَا بَ؞

10عَمَّا دُكْ مَيْ عَيْكَتَ نَغَرْتَا ذَيْسَامِ طَوْكَكَ دَ غِرْمَ دَ سَلَمَ دَ ڢَرْكُواْ غَ يَهُودَاوَا، سَعَنً غَ وَطَنْدَ بَا يَهُودَاوَا بَ؞

11غَمَا اللَّهْ بَمَيْ نُونَ بَمْبَنْثِ بَنٜىٰ؞

12دُكْ مَاسُ يِنْ ذُنُوبِ بَاتَرٜىٰدَ سَنِنْ كُواْيَرْوَرْ مُوسَٰى بَ، ذَاسُ هَلَّكَ بَاتَرٜىٰدَ كُواْيَرْوَرْ بَ، عَمَّا دُكْ مَاسُ يِنْ ذُنُوبِ ثِكِنْ سَنِنْ كُواْيَرْوَرْ، ذَاعَ حُكُنْتَسُ بِسَغَ كُواْيَرْوَرْ؞

13غَمَا بَجِنْ كُواْيَرْوَرْ كَوَيْ شِينٜىٰ يَكَنْسَا مُتَنٜىٰ سُذَمَ دَ أَدَلْثِے أَغَبَنْ اللَّهْ بَ، عَمَّا يِنْ بِيَيَّ دَ كُواْيَرْوَرْ شِينٜىٰ يَكَنْسَا أَ عِيَثٜىٰ دَسُو مَاسُ أَدَلْثِے؞

14وَطَنْدَ بَا يَهُودَاوَا بَ بَاسُدَ كُواْيَرْوَرْ مُوسَٰى؞ دُكْدَهَكَ وَنِ لُواْكَثِ سُنَيِنْ أَبِنْدَ كُواْيَرْوَرْ تَعُمَرْتَ، بِسَغَ أَبِنْدَ ظُكَاتَنْسُ سُنْبَاسُ؞ أَشٜىٰ كُوَ، مَرَسَ كُواْيَرْوَرْ نَنْ سُنَدَ كُواْيَرْوَا تَاسُ كٜىٰنَنْ؞

15أَيُّكَنْسُ سُنْ نُونَ ثٜىٰوَ أَبِنْدَ كُواْيَرْوَرْ تَثٜىٰ عَيِ يأَنَانً أَرُبُوثٜىٰ ثِكِنْ ظُكَاتَنْسُ؞ عَثِكِنْ تُنَانِنْ ظُكَاتَنْسُ كُوَ أَݣَويْ شَيْدَ غَمٜىٰدَ وَنَّنْ، غَمَا تُنَانِنْسُ يَكَنْ سَامٜىٰسُ دَ لَيْڢِے أَوَنِ لُواْكَثِ، أَوَنِ لُواْكَثِ كُمَ بَايَ سَامُنْسُ دَ لَيْڢِے؞

16سَبُواْدَ حَكَ، كَمَرْ يَدَّ لَابَرِ مَيْ دَاطِنَّنْ دَ نَكٜىٰ وَعَظِنْسَ يَكٜىٰ ڢَطَا، حَكَ ذَيْ ذَمَ أَ رَانَرْ دَ اللَّهْ تَوُرِنْ أَلْمَسِيحُ عِيسَىٰ ذَيْ شَرْعَنْتَ دُكَنْ أَبُبُوَنْ دَسُكٜىٰ عَٻُواْيٜىٰ عَتُنَانِنْ مُتَنٜىٰ؞

17تُواْ، كَيْ مَيْثٜىٰ دَكَنْكَ بَيَهُودٜىٰ ڢَا؟ كَنَ دُواْغَضَ غَ كُواْيَرْوَرْ مُوسَٰى، كَنَ كُمَ تَاڧَمَ دَ دَنْ‌غَنْتَكَرْكَ دَ اللَّهْ ،

18كَنَ ثٜىٰوَ وَيْ كَسَنْ نُڢِنْ اللَّهْ ، كُمَ كَنَدَ غَانٜىٰوَ بِسَغَ كُواْيَرْوَرْ مُوسَٰى يَدَّ ذَاكَ ذَاٻِ أَبِنْدَ يَكٜىٰ دَيْدَيْ؞

19كَاأَمِنْثٜىٰ كَيْ كَنْكَ كَيْ مَيْ جَغُواْرَنْ مَكَاڢِنٜىٰ، حَصْكٜىٰ غَ وَطَنْدَ سُكٜىٰ ثِكِنْ دُهُ،

20مَيْكُواْيَرْ دَ وَوَيٜىٰ كُمَ مَلَمِ غَ مَاسُ تُنَانِنْ يَارَا؞ غَمَا كَا تَبَّتَرْ ثٜىٰوَ عَثِكِنْ كُواْيَرْوَرْ مُوسَٰى نٜىٰ كَنَدَ ثِكَكّٜىٰنْ سَنِ دَ عَيْنِحِنْ غَسْكِيَ؞

21تُواْ، كَيْ مَيْكُواْيَاوَ وَطَنْسُ، كَكُواْيَ وَكَنْكَ مَنَ! كَيْ مَيْيِنْ وَعَظِ ثٜىٰوَ كَدَ عَيِسَاتَا، كَيْ بَاكَسَاتَا؟

22كَيْ مَيْ ثٜىٰوَ كَدَ عَيِ ظِنَ، بَاكَيِنْ ظِنَ؟ كَيْ مَيْ ڨَمَرْ غُمَكَ، بَاكَسَاتَادَغَ هَيْكَلِنْ غُمَكَ؟

23كَيْ مَيْ تَاڧَمَ دَ كُواْيَرْوَرْ مُوسَٰى، بَكَ ٻَاتَ سُونَنْ اللَّهْ تَوَجٜىٰنْ كَرْيَ كُواْيَرْوَرْسَبَ؟

24كَمَرْ يَدَّ يَكٜىٰ أَرُبُوثٜىٰ ثِكِنْ مَغَنَرْ اللَّهْ «سَبُواْدَكُو يَهُودَاوَا عَكٜىٰيِنْ مَغَنَرْ صَاٻُواْ غَمٜىٰدَ سُونَنْ اللَّهْ عَثِكِنْ وَطَنْدَ بَا يَهُودَاوَا بَ؞»

25عِدَنْ كَنَ بِيَيَّ دَ كُواْيَرْوَرْ مُوسَٰى، كَاثِيَرْكَ تَنَدَ أَمْڢَانِ كٜىٰنَنْ؞ عَمَّا عِدَنْ رَشِنْ بِيَيَّ كَكٜىٰيِ غَ كُواْيَرْوَرْ مُوسَٰى، ذَيْ ذَمَ كَمَرْ بَعَيِ مَكَ كَاثِيَبَ؞

26أَشٜىٰ عِدَنْ وَطَنْدَ بَا مَاسُ كَاثِيَبَ سُنَ عَيْكَتَ أَبِنْدَ كُواْيَرْوَرْ مُوسَٰى تَثٜىٰ عَيِ، اللَّهْ بَذَيْ طَوْكٜىٰسُ كَمَرْ مَاسُ كَاثِيَ كٜىٰنَنْ بَ؟

27وَطَنْدَ سُو بَا مَاسُ كَاثِيَ بَنٜىٰ أَجِكِے عَمَّا سُنَ عَيْكَتَ أَبِنْدَ كُواْيَرْوَرْ تَثٜىٰ عَيِ، ذَاسُيِ مَكَ حُكُنْثِ، كَيْ دَ كَكٜىٰ دَ كُواْيَرْوَرْ مُوسَٰى أَرُبُوثٜىٰ، مَيْ كَاثِيَ كُمَ، عَمَّا كَنَ كَرْيَ كُواْيَرْوَرْ؞

28غَمَا بَيَهُودٜىٰ نَغَسْكٜىٰ بَمُتُمْنٜىٰ وَنْدَ يَكٜىٰ بَيَهُودٜىٰ بِسَغَ جِكِے كُرُمْ بَ، كُمَ كَاثِيَ تَعَّيْنِحِ بَبِسَغَ عَلَمَرْ جِكِے تَكٜىٰ كُواْ تَيَنْكَنْ ڢَتَبَ؞

29أَ مَيْمَكُوانْ حَكَ، بَيَهُودٜىٰ نَغَسْكٜىٰ شِينٜىٰ وَنْدَ يَكٜىٰ بَيَهُودٜىٰ أَ ذُوثِيَا، كُمَ كَاثِيَ تَغَسْكٜىٰ عِتَثٜىٰ كَاثِيَ تَذُوثِيَا، وَتُواْ أَبِنْدَ رُوحُ نٜىٰ يَيِ، بَتَوُرِنْ كُواْيَرْوَرْ دَ عَكَ رُبُوتَ بَ؞ إِرِنْ وَنَّنْ مُتُمْ كُوَ اللَّهْ نٜىٰ يَكَنْيِ مَسَ يَبُواْ، بَطَنْ أَدَمْ بَ؞

← Chapter 1 Jump to: Chapter 3 →