Romans 8

Hausa Arabic 2020 (أَتَّوْرَتْ دَ أَنَّبَاوَا)

← Chapter 7 Jump to: Chapter 9 →

1سَبُواْدَ حَكَ، بَابُوَنِ حُكُنْثِنْ مُتُوَ يَنْذُ عَكَنْ وَطَنْدَ سُكٜىٰ نَ أَلْمَسِيحُ عِيسَىٰ ؞

2غَمَا تَوُرِنْ أَلْمَسِيحُ عِيسَىٰ ڧَٰعِدَرْ رُوحٌ نَنْ مَيْ بَادَ رَيْ تَا یَنْتَرْ دَنِے دَغَ ڧَٰعِدَرْ ذُنُوبِ دَمُتُوَ؞

3غَمَا أَبِنْدَ كُواْيَرْوَرْ مُوسَٰى بَتَ عِيَ عَيْكَتَاوَابَ سَبُواْدَ كَاسَوَرْ حَلِنْ مُتُنْتَكَ، شِينٜىٰ أَبِنْدَ اللَّهْ يَعَيْكَتَ؞ اللَّهْ كُوَ يَعَيْكُواْ دَ طَنْسَ طَيَ تَكْ دَ كَمَنِّنْ جِكِنَّنْ نَامُ مَيْ ذُنُوبِ دُواْمِنْ يَذَمَ هَدَايَ سَبُواْدَ ذُنُوبِ، عَكُمَ رُشٜىٰ إِيكُوانْ ذُنُوبِ ثِكِنْ جِكِے؞

4اللَّهْ يَيِ وَنَّنْ نٜىٰ دُواْمِنْ دُكْ أَيُّكَنْ أَدَلْثِنْ دَ كُواْيَرْوَرْ تَثٜىٰ عَيِ سُسَامِ ثِكَاوَا أَغَرٜىٰمُ، مُو دَ بَ رَايُوَرْ حَلِنْ مُتُنْتَكَ مُكٜىٰيِبَ، سَيْدَيْ تَ رُوحُ ؞

5مَاسُ رَايُوَرْ حَلِنْ مُتُنْتَكَ سُكَنْ مَيْدَ حَنْكَلِنْسُ غَ شَعَنِنْ جِكِے نٜىٰ، عَمَّا مَاسُ رَايُوَرْ رُوحُ سُكَنْ مَيْدَ حَنْكَلِنْسُ غَ أَبِنْدَ رُوحُ يَكٜىٰسُواْ نٜىٰ؞

6مَيْ دَ حَنْكَلِ غَ شَعَنِنْ جِكِے يَكَنْ كَٰوُاْ مُتُوَ، عَمَّا مَيْدَ حَنْكَلِ غَ رُوحُ يَكَنْ كَٰوُاْ رَيْ دَ سَلَمَ؞

7دُكْ وَنْدَ يَمَيْدَ حَنْكَلِنْسَ غَ شَعَنِنْ جِكِے يَذَمَ أَبُواْكِنْ غَابَنْ اللَّهْ كٜىٰنَنْ، غَمَا بَايَ مِيڧَ كَيْ غَ بِنْ كُواْيَرْوَرْ اللَّهْ ، بَ كُوَ ذَيْ عِيَبَ؞

8مَاسُ رَايُوَرْ حَلِنْ مُتُنْتَكَ بَا دَامَ سُڢَرَنْتَاوَ اللَّهْ رَيْ؞

9كُو كَمْ بَ رَايُوَرْ حَلِنْ مُتُنْتَكَ كُكٜىٰيِبَ، سَيْدَيْ تَ رُوحُ ، عِدَنْ رُوحٌ اللَّهْ يَنَ ظَوْنٜىٰ أَ ظُكَاتَنْكُ؞ دُكْ وَنْدَ بَ شِ دَ رُوحٌ أَلْمَسِيحُ كُوَ، شِے بَنَ أَلْمَسِيحُ بَنٜىٰ؞

10عِدَنْ أَلْمَسِيحُ يَنَ ذَمَ ثِكِنْكُ، كُواْدَيَكٜىٰ جِكِنْكُ يَنَ حَنْيَرْ مُتُوَ سَبُواْدَ ذُنُوبِ، رُوحٌ اللَّهْ يَنَ رَايَرْ دَكُو سَبُواْدَ اللَّهْ يَكَرْٻٜىٰكُ أَمَڟَيِنْ مَاسُ أَدَلْثِے؞

11عِدَنْ كُمَ رُوحٌ اللَّهْ ، وَنْدَ يَتَادَ عِيسَىٰ دَغَ مَتَتُّو يَنَ ذَمَ أَ ظُكَاتَنْكُ، تُواْ، شِے وَنْدَ يَتَادَ أَلْمَسِيحُ دَغَ مَتَتُّو ذَيْبَادَ رَيْ غَ جِكِنْكُ مَيْ مُتُوَ تَوُرِنْ رُوحُنْسَ وَنْدَ يَكٜىٰ ذَمَ أَ ظُكَاتَنْكُ؞

12سَبُواْدَ حَكَ، یَنْعُوَ، مُنَدَ حَكِّ، عَمَّا بَانَ يِنْ رَايُوَرْ دَ حَلِنْ مُتُنْتَكَرْمُ يَكٜىٰسُواْبَ؞

13دُواْمِنْ عِدَنْ رَايُوَرْ حَلِنْ مُتُنْتَكَ كُكٜىٰيِ، ذَاكُمُتُ؞ عَمَّا عِدَنْ تَ إِيكُوانْ رُوحُ كُكَ كَشٜىٰ حَلِنْ يِنْ ذُنُوبِ، ذَاكُ رَايُ؞

14غَمَا وَطَنْدَ رُوحٌ اللَّهْ يَكٜىٰ بِشٜىٰسُ، سُو یَیَنْ اللَّهْ نٜىٰ؞

15غَمَا رُوحٌ دَ عَكَ بَاكُ بَنَبَوْتَا بَنٜىٰ يَدَّ ذَاكُ سَاكٜىٰ ذَمَ ثِكِنْ ڟُواْرُواْ؞ أَعَ، رُوحٌ نَنْ نَذَمَنْ یَیَنْ اللَّهْ نٜىٰ، كُمَ تَوُرِنْ رُوحٌ نٜىٰ مُكٜىٰ كِرَا غَ اللَّهْ ، مُثٜىٰ دَشِ «أَبَّ! عُبَا!»

16رُوحٌ اللَّهْ دَ كَنْسَ تَرٜىٰدَ رُوحُنْمُ يَنَ تَبَّتَرْ ثٜىٰوَ مُو یَیَنْ اللَّهْ نٜىٰ؞

17أَشٜىٰ، تُنْدَيَكٜىٰ مُو یَیَ نٜىٰ، مُنْ ذَمَ مَاسُثِنْ غَادُواْ كٜىٰنَنْ؞ وَتُواْ، مُو مَاسُثِنْ غَادُوانْ أَلْبَرْكُنْ اللَّهْ دَ كُمَ أَبُواْكَنْ غَادُواْ تَرٜىٰدَ أَلْمَسِيحُ نٜىٰ، عِدَنْ كُوَ مُنْ شَا وَهَلَ تَرٜىٰدَ أَلْمَسِيحُ ، دُواْمِنْ كُمَ أَطَوْكَكَمُ تَرٜىٰ دَشِ؞

18أَيْ، نَا تَبَّتَرْ ثٜىٰوَ بَايَدَّ ذَاعَ ݣُوتَنْتَا وَهَلُواْلِنْ دَمُكٜىٰ شَا أَوَنَّنْ زَامَانِ دَ طَوْكَكَرْ دَ ذَاعَ بَيَّنَ مَنَ نَنْ غَبَ؞

19دُكَنْ حَلِتَّ تَنَ مَرْمَرِ سُواْسَيْ، تَنَ جِضَانْ اللَّهْ يَبَيَّنَ یَیَنْسَ؞

20غَمَا أَنْسَا حَلِتَّ تَكَاسَ كَيْ غَ مَنُڢَرْتَ، وَنَّنْ كُوَ بَ بِسَغَ نُڢِنْ حَلِتَّ دَ كَنْتَ بَنٜىٰ، سَيْدَيْ دُواْمِنْ حَكَنٜىٰ اللَّهْ يَسُواْ؞ أَنْيِ وَنَّنْ دَ سَا ذُوثِيَا

21ثٜىٰوَ حَلِتَّ دَ كَنْتَ ذَاتَ سَامِ ڟِيرَا دَغَ بَوْتَرْدَ تَكٜىٰ وَ رُٻٜىٰوَ، ذَاتَ كُمَ سَامِ یَنْثِنَّنْ نَطَوْكَكَرْ دَ ذَاعَيِ وَیَیَنْ اللَّهْ ؞

22مُنْ دَيْ سَنْ ثٜىٰوَ هَرْوَيَوْ دُكَنْ حَلِتَّ تَنَ نِيشِ كَمَرْ يَدَّ مَثٜىٰ مَيْ جِنْ ذَاڢِنْ حَيْڢُوَ تَكَنْيِ؞

23بَ حَلِتَّ كَطَيْ تَكٜىٰنِيشِبَ، حَرْ دَ مُو مَا؞ مُو دَ مُنْ رِغَا مُنْ سَامِ رُوحُ مَيْ ڟَرْكِے وَنْدَ شِينٜىٰ ݣَوْتَا تَڢَرْكُواْ تَأَبُبُوَنْ دَ عَكَ بَامُ، مُنَ نِيشِ أَ رَنْمُ، مُنَ جِرَا دَ مَرْمَرِ سُواْسَيْ دُوانْ اللَّهْ يَمَيَرْ دَمُو ثِكَكُّنْ یَیَنْسَ، يَكُمَ ڢَنْشِ جِكِنَّنْ نَامُ؞

24غَمَا تَسَا ذُوثِيَارْ نَنْ نٜىٰ عَكَثٜىٰثٜىٰمُ؞ عَمَّا عِدَنْ مُنْ رِغَا مُنْ غَا أَبِنْدَ مُكٜىٰسَا ذُوثِيَا عَكَيْ، أَيْ، وَنَّنْ بَاسَ ذُوثِيَا كُمَبَ كٜىٰنَنْ؞ وَنٜىٰ مُتُمْ يَكٜىٰسَا ذُوثِيَا غَ أَبِنْدَ يَارِغَا يَاسَامُ؟

25عَمَّا عِدَنْ مُنَسَا ذُوثِيَا غَ أَبِنْدَ بَمُ رِغَا مُنْ سَامُبَ، أَيْ، مُكَنْ جِرَا، مُنَ حَڧُرِ؞

26حَكَ كُوَ رُوحُ يَكٜىٰيِ مَنَ تَيْمَكُواْ ثِكِنْ كَاسَوَرْمُ؞ بَمُسَنْ يَدَّ يَا كَمَاتَ مُيِ أَدُّعَبَ، عَمَّا رُوحُ دَ كَنْسَ يَنَ ضُواْڧُوانْ اللَّهْ أَمَدَدِنْمُ تَرٜىٰدَ نِشٜىٰ نِشٜىٰ وَطَنْدَ كَلْمُواْمِ بَذَاسُ عِيَ بَيَّنَبَ؞

27اللَّهْ كُمَ، وَنْدَ شِينٜىٰ مَيْبِنْثِكَ ذُوثِيَارْ مُتُمْ، يَسَنْ دُكْ نُڢِنْ رُوحُ ، دُواْمِنْ رُوحُ يَنَ يِنْ ضُواْڧُواْ أَمَدَدِنْ ڟَرْكَكَا بِسَغَ نُڢِنْ اللَّهْ نٜىٰ؞

28مُنْ دَيْ سَنْ ثٜىٰوَ عَثِكِنْ دُكَنْ كُواْمٜىٰ اللَّهْ يَنَ عَيْكَتَ أَلْحٜىٰرِ غَ وَطَنْدَ سُكٜىٰيِ مَسَ ڧَوْنَ نٜىٰ، وَتُواْ، وَطَنْدَ عَكَ كِرَاسُ بِسَ غَ نُڢِنْسَ؞

29غَمَا وَطَنْدَ اللَّهْ يَارِغَا يَسَنِ تُنْتُنِ، يَكُمَ ڧَدَّرَسُ سُطَوْكِ كَمَنِّنْ طَنْسَ، دُواْمِنْ يَذَمَ نَڢَارِ عَثِكِنْ یَنْعُوَ مَاسُيَوَ؞

30وَطَنْدَ اللَّهْ يَڧَدَّرَ كُوَ سُونٜىٰ يَكِرَا؞ وَطَنْدَ يَكِرَا، سُونٜىٰ يَمَيْدَسُو مَرَسَ لَيْڢِے أَغَبَنْسَ؞ وَطَنْدَ عَكَ مَيْدَسُو مَرَسَ لَيْڢِے أَغَبَنْسَ كُوَ، سُونٜىٰ يَكُمَ طَوْكَكَ؞

31تُواْ، مٜىٰ ذَامُثٜىٰ غَمٜىٰدَ وَنَّنْ بَتُ؟ عِدَنْ اللَّهْ يَنَ تَرٜىٰدَمُو، وَيَ إِسَ يَيِ غَابَادَمُو؟

32اللَّهْ كُوَ بَيْ حَنَ مَنَ طَنْسَبَ، عَمَّا يَمِيڧَشِ سَبُواْدَمُو دُكَ؞ أَشٜىٰ، شِے اللَّهْ وَنْدَ يَارِغَا يَبَامُ طَنْسَ بَذَيْبَامُ دُكْ سَوْرَنْ أَبُبُوَ حَنُّ سَكٜىٰبَ؟

33وَنٜىٰنٜىٰ ذَيْ كَٰوُاْ ڧَارَ عَكَنْ وَطَنْدَ اللَّهْ يَذَاٻَا؟ أَيْ، اللَّهْ دَ كَنْسَ نٜىٰ يَكٜىٰ مَيْدَسُو سُذَمَ مَرَسَ لَيْڢِے أَغَبَنْسَ؞

34وَنٜىٰنٜىٰ يَ إِسَ يَيِ وَمُتُمْ حُكُنْثِنْ مُتُوَ؟ أَلْمَسِيحُ عِيسَىٰ وَنْدَ يَمُتُ، كُواْ كُوَ عَثٜىٰ، وَنْدَ عَكَ تَادَشِ دَغَ مَتَتُّو، وَنْدَ يَنَ كُمَ ذَمَ أَ حَنُّنْ دَامَ نَ اللَّهْ ، شِينٜىٰ كُوَ يَنَ ضُواْڧُوانْ اللَّهْ أَمَدَدِنْمُ؞

35وَنٜىٰنٜىٰ ذَيْ عِيَ رَبَمُ دَ ڧَوْنَرْ دَ أَلْمَسِيحُ يَكٜىٰيِ مَنَ؟ عَذَابَثٜىٰ، كُواْ وُيَ، كُواْ ڟَنَنِ، كُواْ يُنْوَ، كُواْ رَشِ، كُواْ حَڟَرِ، كُواْ مُتُوَ؟

36كَمَرْ يَدَّ رُبُوتَثِّيَرْ مَغَنَرْ اللَّهْ تَثٜىٰ، «سَبُواْدَكَيْ مُكٜىٰ ڢُسْكَنْتَرْ مُتُوَ كُلُّمْ، أَنْطَوْكٜىٰمُ كَمَرْ تُمَكِنْ دَ ذَاعَ يَنْكَ؞»

37أَيْ! عَثِكِنْ دُكَنْ وَطَنَّنْ أَلْعَمُرَ مُنْ وُثٜىٰ عَثٜىٰ دَمُو مَاسُ نَصَرَا كَوَيْ، وَنَّنْ كُوَ تَوُرِنْ شِے وَنْدَ يَڧَوْنَثٜىٰمُنٜىٰ؞

38غَمَا نَا تَبَّتَرْ ثٜىٰوَ كُواْ مُتُوَ كُواْ رَيْ، كُواْ مَلاَىِٕكُ كُواْ أَلْجَنُ، كُواْ حَلِنْ يَنْذُ كُواْ نَنَنْ غَبَ، كُواْ إِيكُواْكِ إِرِ إِرِ،

39كُواْ ڟَوُاْ كُواْ ظُرْڢِ، كُواْ وَنِ أَبُ دَبَمْ أَدُكَنْ حَلِتَّ، دُكْ بَسُ عِسَابَ سَمْ سُرَبَمُ دَ ڧَوْنَرْ دَ اللَّهْ يَكٜىٰيِ مَنَ تَوُرِنْ أَلْمَسِيحُ عِيسَىٰ عُبَنْ‌غِجِنْمُ ؞

← Chapter 7 Jump to: Chapter 9 →