Romans 9

Hausa Arabic 2020 (أَتَّوْرَتْ دَ أَنَّبَاوَا)

← Chapter 8 Jump to: Chapter 10 →

1إِنَ ڢَطِنْ غَسْكِيَ ثِكِنْ أَلْمَسِيحُ ، بَا ڧَضْيَا نَكٜىٰيِبَ؞ عَثِكِ تُنَانِنْ ذُوثِيَاتَ إِنَدَ تَبَّثِ بِسَغَ شَيْدَرْ رُوحُ مَيْ ڟَرْكِے غَمٜىٰدَ وَنَّنْ ثٜىٰوَ

2إِنَدَ بَڧِنْ ثِكِ ڨُورَيْ دَ كُمَ دَامُوَ عَكُلُّمْ ثِكِنْ ذُوثِيَاتَ؞

3دَمَا عَثٜىٰ نِے كَيْنَ أَنْلَعَنْتَنِ، أَنْكُمَ كَوَرْ دَنِے دَغَ أَلْمَسِيحُ سَبُواْدَ ثٜىٰتُوانْ یَنْعُوَنَ، وَتُواْ مُتَنٜىٰنْ ڧَبِيلَتَ!

4وَطَنَّنْ كُوَ سُونٜىٰ إِسْرَٰٓءِيلَاوَا؞ سُونٜىٰ اللَّهْ يَمَيْدَسُو یَیَنْسَ، يَبَيَّنَ مُسُ طَوْكَكَرْسَ، يَيِ يَرْجٜىٰجٜىٰنِيَ دَسُو، يَبَاسُ كُواْيَرْوَرْ مُوسَٰى، يَنُونَ مُسُ حَنْيَرْ سُجَّدَ تَغَسْكٜىٰ، يَكُمَبَاسُ سَوْرَنْ أَلْكَوَرَنْ؞

5أَصَلِنْسُ كُوَ دَغَ كَاكَنِّنْ كَاكَنِّنَّنْ نٜىٰ وَطَنْدَ عَكَسَنْسُ سُواْسَيْ؞ أَلْمَسِيحُ كُوَ، بِسَغَ مُتُنْتَكَرْسَ، شِے دَغَ ڧَبِيلَرْسُ نٜىٰ؞ بَرِ اللَّهْ مَيْ مُلْكِ عَكَنْ كُواْمٜىٰ، يَكَرْٻِ يَبُواْ حَرْ أَبَدَا؞ أَمِينْ؞

6بَا وَيْ كَلْمَرْ اللَّهْ تَكَاسَبَ؞ غَمَا بَ دُكْ وَطَنْدَ أَصَلِنْسُ إِسْرَٰٓءِيلَ نٜىٰ سُكٜىٰ نَ إِسْرَٰٓءِيلَ بَ؞

7كُمَ بَدُكْ وَطَنْدَ سُكٜىٰ دَغَ ذُرِيَرْ إِبْرَٰهِيمْ نٜىٰ عَيْنِحِنْ یَیَنْ إِبْرَٰهِيمْ بَ؞ أَ مَيْمَكُوانْ حَكَ اللَّهْ يَثٜىٰ وَ إِبْرَٰهِيمْ «إِسْحَٰڧَ شِينٜىٰ مُتُمِنْ دَ تَوُرِنْسَ نٜىٰ ذَاعَ ثِيغَبَ دَ كِرَا ذُرِيَرْكَ؞»

8وَتُواْ، یَیَنْ دَ عَكَ سَامُ تَحَيْڢُوَرْ جِكِے بَسُو نٜىٰ یَیَنْ اللَّهْ بَ، سَيْدَيْ یَیَنْ دَ عَكَ سَامُ تَثِكَاوَرْ أَلْڧَوَرِ، سُونٜىٰ عَكَنْثٜىٰ دَسُو یَیَ نَغَسْكٜىٰ؞

9غَمَا غَا أَبِنْدَ اللَّهْ يَثٜىٰ أَ لُواْكَثِنْ دَيَيِ وَ إِبْرَٰهِيمْ أَلْڧَوَرِ «أَسَعَدَّ لُواْكَثِ يَثِكَ ذَنْ كُواْمُواْ، سَارَةُ كُوَ ذَاتَ حَيْڢِ طَا؞»

10أَݣَويْ وَنِ مِصَالِ كُمَ؞ یَیَنْ رِڢْكَتُ سُنَدَ بَابَ طَيَ نٜىٰ، وَتُواْ عُبَنْمُ إِسْحَٰڧَ؞

11عَمَّا كَاڢِنْ أَحَيْڢِ يَارَنَّنْ بِيُ، اللَّهْ يَڢَطَا وَ رِڢْكَتُ ثٜىٰوَ «بَبَّنْ ذَيْ بَوْتَاوَ ڧَرَمِنْ؞» وَنَّنْ يَڢَرُ كَاڢِنْ مَا سُأَيْكَتَ وَنِ أَبُ مَيْݣَوْ، كُواْ مَرَرْ ݣَوْ؞ اللَّهْ يَڢَطِ حَكَ دُواْمِنْ يَذَمَ ثٜىٰوَ وَنْدَ ذَاعَ ذَاٻَا ذَاعَ ذَاٻٜىٰشِ نٜىٰ بِسَغَ نُڢِنْ اللَّهْ ، بَوَيْ سَبُواْدَ أَيُّكَبَ، سَيْدَيْ بِسَغَ كِرَنْ اللَّهْ ؞

13كَمَرْ يَدَّ يَكٜىٰ أَرُبُوثٜىٰ ثِكِنْ مَغَنَرْ اللَّهْ ثٜىٰوَ «نَڧَوْنَثِ يَعْڧُوبَ، نَاكُوَڧِ إِسُوَ؞»

14تُواْ، مٜىٰ ذَامُثٜىٰ؟ اللَّهْ بَيْيِ دَيْدَيْبَ كٜىٰنَنْ؟ إِنَا! كُواْ كَطَنْ!

15غَمَا اللَّهْ يَثٜىٰ وَ مُوسَٰى، «غَ وَنْدَ ذَنْ نُونَاوَ جِنْڧَيْ، ذَنْ نُونَ مَسَ جِنْڧَيْ؞ غَ وَنْدَ ذَنْ نُونَاوَ تَوْسَيِ، ذَنْ نُونَ مَسَ تَوْسَيِ؞»

16وَتُواْ، وَنَّنْ بَيْ دُواْغَضَ غَ سُوانْ مُتُمْ كُواْ ڧُواْڧَرِنْسَبَ، سَيْدَيْ غَ جِنْڧَنْ اللَّهْ كَوَيْ؞

17غَمَا رُبُوتَثِّيَرْ مَغَنَرْ اللَّهْ تَثٜىٰ وَ ڢِرْعَوْنَ «نَتَاشٜىٰكَ كَذَمَ سَرْكِے دَنُڢِ ثٜىٰوَ إِنْ نُونَ إِيكُواْنَ تَوُرِنْكَ، عَكُمَ سَنَرْدَ سُونَنَ ثِكِنْ دُونِيَا دُكَ؞»

18تَهَكَ اللَّهْ يَكَنْ نُونَ جِنْڧَيْ غَ وَنْدَ يَكٜىٰسُواْ يَنُونَ مَسَ جِنْڧَيْ، يَكَنْ كُمَ تَوْرَرَ ذُوثِيَارْ وَنْدَ يَكٜىٰسُواْ يَتَوْرَرَ مَسَ ذُوثِيَا؞

19وَنِنْكُ ذَيْ عِيَثٜىٰ مِنِ «تُواْ، عِدَنْ حَكَنٜىٰ، مٜىٰيَسَا اللَّهْ يَنَ غَنِنْمُ دَ لَيْڢِے حَرْ يَنْذُ؟ وَنٜىٰنٜىٰ ذَيْ عِيَ ڧِنْ يَرْدَ دَ نُڢِنْ اللَّهْ ؟»

20عَمَّا وَنٜىٰنٜىٰ كَيْ، يَا مُتُمْ دَ حَرْ ذَاكَيِ مُسُو دَ اللَّهْ ؟ أَبِنْ دَ عَكَغِنَ ذَيْ عِيَثٜىٰ وَوَنْدَ يَغِنَاشِ «مٜىٰيَسَا كَغِنَنِ حَكَ؟»

21أَيْ، مَيْ غِنِنْ تُݣُونٜىٰنْ لَاكَ يَنَدَ إِيكُواْ يَيِ أَمْڢَانِ دَ لَاكَ يَدَّ يَكٜىٰسُواْ؞ يَنَ عِيَيِنْ أَمْڢَانِ دَ دُنْڧُلٜىٰ غُدَا نَلَاكَ يَيِ وَطَنْسُ تُݣُونٜىٰ سَبُواْدَ عَيْكِ مَيْ دَرَجَ، وَطَنْسُ كُمَ سَبُواْدَ عَيْكِ مَرَرْ دَرَجَ؞

22حَكَ مَا عَيْكِنْ اللَّهْ يَكٜىٰ؞ يَسُواْ يَنُونَ ڢُشِنْسَ، يَكُمَ بَيَّنَ إِيكُوانْسَ أَ ڢِيلِ؞ عَمَّا ڢَا ثِكِنْ حَڧُرِ سُواْسَيْ يَجِمْرٜىٰ دَ وَطَنْدَ سُكَ ثَنْثَنْثِ ڢُشِنْسَ، وَطَنْدَ اللَّهْ يَكٜىٰٻٜىٰ غَ هَلَّكَرْوَ؞

23حَكَكُمَ يَسُواْ يَبَيَّنَ يَلْوَرْ طَوْكَكَرْسَ غَ وَطَنْدَ يَنُونَ مُسُ جِنْڧَنْسَ، وَطَنْدَ يَشِرْيَ تُنْدَ ڢَرْكُواْ دُواْمِنْ طَوْكَكَرْسَ؞

24وَتُواْ، مُو كٜىٰنَنْ، مُو وَطَنْدَ اللَّهْ يَكِرَا، بَدَغَ ثِكِنْ يَهُودَاوَا كَوَيْبَ، عَمَّا حَرْ دَغَ ثِكِنْ وَطَنْدَ بَا يَهُودَاوَا بَ مَا؞

25كَمَرْ يَدَّ عَكَ ڢَطَا أَ لِتَّڢِنْ يُوشَعُ ثٜىٰوَ «سُو وَطَنْدَ بَمُتَنٜىٰنَ بَنٜىٰ ذَنْثٜىٰ دَسُو ‹مُتَنٜىٰنَ›؞ كُمَ أَلْعُمَّرْ دَ بَنْ ڧَوْنَثٜىٰتَبَ ذَنْثٜىٰ دَ عِتَ ‹وَدَّ نَكٜىٰ ڧَوْنَ؞› »

26كُمَ، «أَ دَيْدَيْ عِنْدَ عَكَثٜىٰ مُسُ، ‹كُو بَمُتَنٜىٰنَبَ›، أَوُرِنْ نٜىٰ ذَاعَ ثٜىٰ دَسُو ‹یَیَنْ اللَّهْ مَيْ رَيْ؞› »

27غَمٜىٰ دَ إِسْرَٰٓءِيلَ كُوَ أَنَّبِے عِشَايَ يَطَغَ مُرْيَ يَثٜىٰ، «كُواْدَيَكٜىٰ مُتَنٜىٰنْ إِسْرَٰٓءِيلَ سُنْيِيَوَ، يَوَنْسُ كَمَرْ يَشِ عَبَاكِنْ تٜىٰكُ، دُكْدَهَكَ ضَغُواْوَ كَطَنْ نٜىٰ دَغَ ثِكِنْسُ كَوَيْ ذَاعَ ثٜىٰثٜىٰسُ؞

28غَمَا عُبَنْ‌غِجِ ذَيْ عَيْكَتَ حُكُنْثِنْسَ عَدُونِيَا غَبَاطَيَ، بَ دَ ٻَاتَ لُواْكَثِبَ؞»

29كَمَرْ يَدَّ عِشَايَ يَيِ أَنَّبْثِ أَدَا ثٜىٰوَ «دَبَدُوانْ عُبَنْ‌غِجِ مَيْ ضُنْدُنَا يَبَرْ مَنَ ذُرِيَبَ، دَ مُنْ ذَمَ كَمَرْ سُواْدُوامْ، دَ أَنْمَيْدَمُو كَمَرْ غُواْمُواْرَ؞»

30تُواْ، يَيَ كٜىٰنَنْ؟ أَيْ، وَطَنْدَ بَا يَهُودَاوَا بَ وَطَنْدَ بَسُيِ ڧُواْڧَرِ سُسَامِ أَدَلْثِنْ اللَّهْ بَ، سُنْسَامُ؞ أَدَلْثِنَّنْ دَ سُكَ سَامُ كُوَ إِرِنْ وَنْدَ عَكٜىٰ سَامُوَ تَبَنْ‌غَسْكِيَ نٜىٰ؞

31عَمَّا إِسْرَٰٓءِيلَاوَا وَطَنْدَ سُكَيِ ڧُواْڧَرِنْ نٜىٰمَنْ حَنْيَرْ أَدَلْثِنْ اللَّهْ تَوُرِنْ بِنْ كُواْيَرْوَرْ مُوسَٰى، بَسُ سَامُبَ؞

32مٜىٰيَسَا حَكَ؟ دُواْمِنْ بَتَهَنْيَرْ بَنْ‌غَسْكِيَ نٜىٰ سُكَ نٜىٰمٜىٰشِيبَ، سَيْدَيْ تَهَنْيَرْ عَيْكَتَ عَيْكِنْ لَادَ؞ سَيْ سُكَيِ تُنْتُٻٜىٰ دَ «دُوڟٜىٰنَّنْ مَيْسَا تُنْتُٻٜىٰ؞»

33كَمَرْ يَدَّ يَكٜىٰ أَرُبُوثٜىٰ عَثِكِنْ مَغَنَرْ اللَّهْ ثٜىٰوَ «غَاشِ، إِنَ كَڢَ دُوڟٜىٰ أَ سِهِيُواْنَ، دُوڟٜىٰ مَيْسَا تُنْتُٻٜىٰ، دُوڟٜىٰ مَيْسَا مُتَنٜىٰ سُڢَاطِ؞ عَمَّا دُكْ مَيْبَادَ غَسْكِيَ غَرٜىٰشِ بَذَيْشَا كُنْيَابَ؞»

← Chapter 8 Jump to: Chapter 10 →