Romans 14

Hausa Arabic 2020 (أَتَّوْرَتْ دَ أَنَّبَاوَا)

← Chapter 13 Jump to: Chapter 15 →

1كُكَرْٻِ مُتُمِنْ دَ بَنْ‌غَسْكِيَرْسَ بَتَيِ ڧَرْڢِيبَ، عَمَّا كَدَ كُنٜىٰمٜىٰشِ دَ لَيْڢِے عِدَنْ رَعَيِنْسَ دَبَمْ يَكٜىٰدَ نَاكُ؞

2بَنْ‌غَسْكِيَرْ وَنِ مُتُمْ ذَاتَ يَرْدَ مَسَ يَثِ دُكْ أَبِنْدَ يَغَ دَامَ، عَمَّا مُتُمِنْ دَ بَا شِ دَ ڧَرْڢِے ثِكِنْ بَنْ‌غَسْكِيَرْسَ، سَيْ كَايَنْ لَمْبُو كَوَيْ يَكٜىٰثِ؞

3مُتُمِنْ دَيَكٜىٰ ثِنْ دُكْ إِرِنْ عَبِنْثِنْدَ يَغَ دَامَ كَدَ يَرٜىٰنَ شِے وَنْدَ بَايَ ثِنْ كُواْوَنٜىٰ إِرِنْ عَبِنْثِ؞ كُمَ وَنْدَ بَايَ ثِنْ كُواْوَنٜىٰ إِرِنْ عَبِنْثِ، كَدَ يَطُواْرَ لَيْڢِے عَكَنْ وَنْدَ يَكٜىٰ ثِنْ كُواْوَنٜىٰ إِرِنْ عَبِنْثِ، دُوانْ اللَّهْ يَارِغَا يَكَرْٻٜىٰشِ؞

4كَيْ وَنٜىٰنٜىٰ دَ ذَاكَ طُواْرَ لَيْڢِے عَكَنْ بَاوَنْ وَنِ؟ كُواْ بَاوَنْ يَيِ عَيْكِ مَيْݣَوْ، كُواْ يَكَاسَ، أَيْ، وَنَّنْ ضُوً مَيْغِدَنْسَ نٜىٰ؞ حَڧِيڧَ ذَاعَ ڧَرْڢَڢَ شِ يَڟَيَ، غَمَا عُبَنْ‌غِجِ يَ عِيَ سَا شِ يَيِنَصَرَا؞

5وَنِ يَكَنْ غَ وَتَرَانَ دَ مُهِمَّنْثِ ڢِيٜىٰدَ سَوْرَنْ رَانَكُو؞ أَغَنِنْ وَنِ كُوَ دُكَنْ رَانَكُو دَيْدَيْنٜىٰ؞ كُواْوَ دَيْ يَسَامِ نَاسَ ثِكَكّٜىٰنْ تَبَّثِ عَثِكِنْ ذُوثِيَارْسَ؞

6دُكْ مَيْ غَنِنْ وَتَرَانَ دَ مُهِمَّنْثِ يَنَ يِنْ حَكَنٜىٰ دُواْمِنْ أَغِرْمَمَ عُبَنْ‌غِجِ ؞ دُكْ مَيْ ثِنْ كُواْوَنٜىٰ إِرِنْ عَبِنْثِ يَنَ يِنْ حَكَنٜىٰ دُواْمِنْ أَغِرْمَمَ عُبَنْ‌غِجِ ، غَمَا يَكَنْ بَادَ غُواْدِيَ غَ اللَّهْ سَبُواْدَ عَبِنْثِنْ؞ دُكْ وَنْدَ بَايَ ثِنْ كُواْوَنٜىٰ إِرِنْ عَبِنْثِ شِے مَا يَنَ يِنْ حَكَنٜىٰ دُواْمِنْ أَغِرْمَمَ عُبَنْ‌غِجِ ، غَمَا شِيمَا يَكَنْيِ وَ اللَّهْ غُواْدِيَ؞

7عَثِكِنْمُ، بَ دُواْمِنْ أَمْڢَانِنْ كَنْسَ مُتُمْ يَكٜىٰ رَايُوَا بَ؞ بَا دُواْمِنْ أَمْڢَانِنْ كَنْسَ كُمَ يَكٜىٰ مُتُوَبَ؞

8عِدَنْ مُنَ رَايُوَا، سَبُواْدَ عُبَنْ‌غِجِ نٜىٰ مُكٜىٰيِ، إِنْكُمَ مُتُوَ ذَامُيِ، سَبُواْدَ عُبَنْ‌غِجِ نٜىٰ مُكٜىٰيِ؞ سَبُواْدَ حَكَ كُواْ رَايُوَا نٜىٰ مُكٜىٰيِ كُواْ مُتُوَ، مُو نَ عُبَنْ‌غِجِ نٜىٰ؞

9غَمَا أَلْمَسِيحُ يَامُتُ يَاكُمَ تَاشِ دَ رَيْ دُواْمِنْ يَذَمَ عُبَنْ‌غِجِ نَوَطَنْدَ سُكٜىٰ مَتَتُّو دَ كُمَ نَوَطَنْدَ سُكٜىٰ مَاسُ رَيْ؞

10كَيْ ڢَا، مٜىٰيَسَا كَكٜىٰ غَنِنْ طَنْعُوَنْكَ دَ لَيْڢِے؟ كَيْ كُمَ مٜىٰيَسَا كَكٜىٰ رٜىٰنَ طَنْعُوَنْكَ؟ دُكَنْمُ دَيْ ذَامُ ڟَيَ أَغَبَنْ اللَّهْ وَنْدَ شِينٜىٰ مَيْيِ مَنَ شَرِيعَ؞

11غَمَا أَرُبُوثٜىٰ يَكٜىٰ ثِكِنْ رُبُوتَثِّيَرْ مَغَنَرْ اللَّهْ ثٜىٰوَ «حَڧِيڧَ دَ يَكٜىٰ نِنٜىٰ عُبَنْ‌غِجِ اللَّهْ مَيْ رَيْ، نَاثٜىٰ، ‹كُواْوَثٜىٰ ڠُوِوَ ذَاتَ دُرْڧُسَ أَغَبَنَ، كُواْوَنٜىٰ هَرْشٜىٰ ذَيْ شَيْدَ ثٜىٰوَ نِنٜىٰ اللَّهْ ؞› »

12تُواْ، كُواْوَنٜىٰ طَيَنْمُ ذَيْبَادَ لِسَّڢِنْ رَايُوَرْسَ غَ اللَّهْ ؞

13سَبُواْدَ حَكَ سَيْ مُدَيْنَ حَلِنَّنْ نَغَنِنْ لَيْڢِنْ جُونَ؞ أَ مَيْمَكُوانْ حَكَ سَيْ كُواْوَ يَطَوْكِ نِيَّ ثٜىٰوَ بَذَيْ ذَمَ دَلِيلِنْ تُنْتُٻٜىٰ كُواْ أَبِنْسَا ذُنُوبِ غَ طَنْعُوَنْسَبَ؞

14نَا سَنِ، إِنَ كُمَ دَ ثِكَكّٜىٰنْ تَبَّثِ ثِكِنْ عُبَنْ‌غِجِ عِيسَىٰ ثٜىٰوَ بَابُوَنِ أَبُ وَنْدَ يَكٜىٰدَ ڧَظَنْتَا أَعَسَلِنْسَ؞ عَمَّا عِدَنْ وَنِ يَطَوْكَ ثٜىٰوَ وَنِ أَبُ مَيْ ڧَظَنْتَا نٜىٰ، تُواْ، أَغَرٜىٰشِنٜىٰ أَبِنْ يَكٜىٰدَ ڧَظَنْتَا؞

15عِدَنْ أَبِنْدَ كَنَثِ يَكَٰوُاْ وَطَنْعُوَنْكَ دَامُوَ، بَذَمَنْ ڧَوْنَ كَكٜىٰيِبَ كٜىٰنَنْ؞ كَدَ عَبِنْثِنْ دَ كَكٜىٰ ثِ يَذَمَ حَنْيَرْ لَلَتَرْدَ طَنْعُوَنْكَ وَنْدَ أَلْمَسِيحُ يَمُتُ دُواْمِنْسَ؞

16كَدَ أَبِنْدَ يَكٜىٰ مَيْݣَوْ أَغَنِنْكَ يَذَمَ أَبِنْ زَرْغِ غَ وَطَنْسُ؞

17غَمَا مُلْكٍ اللَّهْ بَذَنْثٜىٰنْ ثِ دَ شَا بَنٜىٰ، عَمَّا ذَنْثٜىٰنْ أَدَلْثِے نٜىٰ دَ سَلَمَ دَ ڢَضٍ ثِكِ عَثِكِنْ رُوحُ مَيْ ڟَرْكِے ؞

18كُمَ دُكْ وَنْدَ يَكٜىٰيِ وَ أَلْمَسِيحُ بَوْتَا تَوَنَّنْ حَنْيَ، شِے مَيْ ڢَرَنْتَاوَا اللَّهْ رَيْ نٜىٰ، مَيْ سَامُنْ يَرْدَ كُمَ أَوَجٜىٰنْ مُتَنٜىٰ؞

19سَبُواْدَ حَكَ بَرِ مُيِ إِيَاكَثِنْ ڧُواْڧَرِنْمُ دُوانْ مُعَيْكَتَ أَبِنْدَ ذَيْ كَٰوُاْ سَلَمَ دَ ڧَرْڢَڢَاوَرْ جُونَ؞

20كَدَ كُرُشٜىٰ عَيْكِنْ اللَّهْ سَبُواْدَ شَعَنِنْ ثِنْ عَبِنْثِ؞ لَلَّيْ كُواْوَنٜىٰ إِرِنْ عَبِنْثِ مَيْ ڟَرْكِے نٜىٰ، عَمَّا مُوغُنْ أَبُ نٜىٰ عِدَنْ عَبِنْثِنْ دَ عَكٜىٰ ثِ يَذَمَ أَبِنْ سَا وَوَنِ تُنْتُٻٜىٰ؞

21يَڢِ ݣَوْ كَدَ كَثِ نَامَ، كُواْ كَشَا ضُوً إِنَبِے، كُواْ كَعَيْكَتَ كُواْوَنٜىٰ إِرِنْ أَبُ عِدَنْ ذَيْسَا طَنْعُوَنْكَ يَڢَاطِ؞

22بَرِ دُكْ رَعَيِنْ دَ كَكٜىٰ دَشِ غَمٜىٰدَ وَنَّنْ شَعَنِ يَكَسَنْثٜىٰ ڟَكَانِنْكَ دَ اللَّهْ ؞ مَيْ أَلْبَرْكَ نٜىٰ وَنْدَ ذُوثِيَارْسَ بَتَبَا شِ لَيْڢِے بَ غَمٜىٰدَ أَبِنْدَ شِے دَ كَنْسَ يَطَوْكَ ثٜىٰوَ مَيْݣَوْ نٜىٰ؞

23عَمَّا مُتُمِنْ دَ يَكٜىٰدَ شَكَّ عَكَنْ أَبِنْدَ يَكٜىٰثِ، يَنَ جَٰوُاْ وَكَنْسَ حُكُنْثِنْ اللَّهْ نٜىٰ عِدَنْ يَا ثِ، دُوانْ حَلِنَّنْ دَ يَكٜىٰيِ بَيْ دُواْغَضَ غَ بَنْ‌غَسْكِيَابَ؞ كُمَ دُكْ أَبِنْدَ بَيْ دُواْغَضَ غَ بَنْ‌غَسْكِيَابَ، ذُنُوبِ نٜىٰ؞

← Chapter 13 Jump to: Chapter 15 →