Romans 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to: Chapter 4 →

1تُواْ، إِنَا أَمْڢَانِ نَثٜىٰوَ كَيْ بَيَهُودٜىٰ نٜىٰ؟ إِنَا رِيبَرْ كَاثِيَ؟

2أَݣَويْ كَمْ، تَكُواْوَثٜىٰ حَنْيَ! دَڢَرْكُواْ، سُو يَهُودَاوَا نٜىٰ اللَّهْ دَ كَنْسَ يَبَاسُ أَمَانَرْ كَلْمَرْ نَنْ دَتَكٜىٰ تَ اللَّهْ؞

3عَمَّا عِدَنْ وَطَنْسُنْسُ سُنْ نُونَ رَشِنْ بَنْ‌غَسْكِيَ ڢَا؟ رَشِنْ أَمِنْثِنْسُ ذَيْسَا أَمِنْثِنْ اللَّهْ يَذَمَ بَنْظَ كٜىٰنَنْ؟

4إِنَا! كُواْ كَطَنْ! اللَّهْ مَيْ غَسْكِيَانٜىٰ، كُواْدَيَكٜىٰ كُواْوَنٜىٰ مُتُمْ مَيْ ڧَضْيَانٜىٰ؞ كَمَرْ يَدَّ يَكٜىٰ أَرُبُوثٜىٰ ثِكِنْ رُبُوتَثِّيَرْ مَغَنَرْ اللَّهْ ثٜىٰوَ «دُواْمِنْ عَتَبَّتَا مَغَنَرْكَ غَسْكِيَثٜىٰ، كَكُمَشَا كَنْ كُواْوَ عِدَنْ أَنَيِنْ بِنْثِكٜىٰ عَكَنْكَ؞»

5تُواْ، عِدَنْ رَشِنْ أَدَلْثِنْمُ يَذَمَ حَنْيَرْ بَيَّنَ أَدَلْثِنْ اللَّهْ ڢَا، مٜىٰ ذَامُثٜىٰ كٜىٰنَنْ؟ ذَامُثٜىٰ اللَّهْ مَرَرْ أَدَلْثِنٜىٰ إِنْ يَحُكُنْتَمُ؟ إِنَ دَيْ يِنْ مَغَنَ يَدَّ طَنْ أَدَمْ ذَيْ يِنٜىٰ؞

6إِنَا! كُواْ كَطَنْ! إِنْ حَكَنٜىٰ، تَيَيَا اللَّهْ ذَيْ يِشَرِيعَرْ دُونِيَا؟

7عِدَنْ رَشِنْ غَسْكِيَتَ يَسَا غَسْكِيَرْ اللَّهْ تَڢِتَ أَڢِيلِ سُواْسَيْ، يَكُمَ ذَمَ أَبِنْ ڧَارَ طَوْكَكَرْ اللَّهْ ، تُواْ، دُوانْمٜىٰ حَرْ يَنْذُ ذَاعَ حُكُنْتَنِ عَكَنْ ثٜىٰوَ نِے مَيْ ذُنُوبِنٜىٰ؟

8إِنْ حَكَنٜىٰ، بَسَيْ مُثِيغَبَدَ يِنْ مُغُنْتَا دُواْمِنْ يَذَمَ حَنْيَرْ سَامُنْ نَغَرْتَابَ؟ وَطَنْسُ مُتَنٜىٰ كُوَ مَاسُ مَغَنَرْ ٻَاتَ سُونَنْمُ سُنَ ثٜىٰوَ وَيْ حَكَ مُكٜىٰڢَطَا؞ ذَاعَ حُكُنْتَ وَطَنَّنْ كَمَرْ يَدَّ يَيِ دَيْدَيْ عَيِمُسُ؞

9تُواْ، يَيَ كٜىٰنَنْ؟ كُواْ مُو يَهُودَاوَا مُنْڢِے سَوْرَنْ مُتَنٜىٰنٜىٰ؟ إِنَا! كُواْ كَطَنْ! مُنْ رِغَا مُنْ نُونَ ثٜىٰوَ دَ يَهُودَاوَا دَ وَطَنْدَ بَا يَهُودَاوَا بَ دُكَ سُنَدَ لَيْڢِے، كُمَ دُكَ سُنَ ڧَرْڧَشِنْ إِيكُوانْ ذُنُوبِ؞

10كَمَرْ يَدَّ يَكٜىٰ أَرُبُوثٜىٰ ثِكِنْ رُبُوتَثِّيَرْ مَغَنَرْ اللَّهْ ثٜىٰوَ «بَابُوَنِ مَيْ أَدَلْثِے، بَابُ، كُواْ طَيَ؞

11بَابُوَنِ مَيْ غَانٜىٰوَ، كُواْ وَنِ مَيْ نٜىٰمَنْ اللَّهْ ؞

12دُكْ سُنْ جُويَا وَ اللَّهْ بَايَ، سُنْ ذَمَ مَرَسَ أَمْڢَانِ غَبَاطَيَ؞ بَابُوَنِ مَيْ عَيْكَتَ نَغَرْتَا، بَابُ، كُواْ طَيَ؞

13مَڧُواْڠُورُوانْسُ كَمَرْ بُوطَطّٜىٰنْ كَبَرِ نٜىٰ، هَرْسُنَنْسُ سُنْ ذَمَ كَايَنْ رُوطُ؞ مَغَنْ‌غَنُنْسُ كَمَرْ دَڢِنْ مُوغُنْ مَثِيجِ؞

14بَاكِنْسُ ثِكٜىٰ سُكٜىٰ دَ بَڧَرْ مَغَنَ دَ ذَاغٜىٰ ذَاغٜىٰ؞

15سُكَنْيِ سَوْرِنْ ظُبْدَ جِنِ،

16دُكْ عِنْدَ سُكَبِے، سَيْ هَلَّكَ دَ بَڧِنْ ثِكِ؞

17بَسُ كُوَ سَنْ حَنْيَرْ سَلَمَبَ؞

18بَابُ كُواْ ڟُواْرُوانْ اللَّهْ أَعِدَنُونْسُ؞»

19مُنْ دَيْ سَنِ ثٜىٰوَ دُكْ أَبِنْدَ كُواْيَرْوَرْ مُوسَٰى تَكٜىٰ ڢَطَا، تَنَ ڢَطَا وَ وَطَنْدَ سُكٜىٰ ڧَرْڧَشِنْتَ نٜىٰ؞ وَنَّنْ يَكَسَنْثٜىٰ حَكَ دُوانْ أَحَنَ دُكْ مَاسُ نٜىٰمَنْ حُجَّ، عَكُمَ نُونَ ثٜىٰوَ دُكَنْ دُونِيَا عَڧَرْڧَشِنْ حُكُنْثِنْ اللَّهْ تَكٜىٰ؞

20غَمَا بَاوَنْدَ ذَيْسَامِ ذَمَ مَرَرْ لَيْڢِے أَغَبَنْ اللَّهْ تَهَنْيَرْ كِيَايٜىٰ أَبِنْدَ كُواْيَرْوَرْ تَثٜىٰ عَيِ؞ أَبِنْدَ كُواْيَرْوَرْ تَكٜىٰيِ شِينٜىٰ تَنُونَوَ مُتُمْ ذُنُوبِنْسَ؞

21عَمَّا يَنْذُ كَمْ أَنْبَيَّنَا وَتَ حَنْيَرْ سَامُنْ أَدَلْثِنْ اللَّهْ دَبَمْ؞ وَنَّنْ أَدَلْثِے كُوَ بَتَوُرِنْ كُواْيَرْوَرْ مُوسَٰى عَكٜىٰ سَامُنْسَبَ، كُواْدَيَكٜىٰ كُواْيَرْوَرْ مُوسَٰى دَ لِتَّتَّڢَنْ أَنَّبَاوَا سُنْ بَادَ شَيْدَ غَمٜىٰدَشِ؞

22أَدَلْثِنَّنْ وَنْدَ دَغَ وُرِنْ اللَّهْ يَكٜىٰ، أَنَ سَامُنْسَنٜىٰ تَوُرِنْ بَنْ‌غَسْكِيَ ثِكِنْ عِيسَىٰ أَلْمَسِيحُ ، اللَّهْ يَبَادَ أَدَلْثِنَّنْ غَ دُكَنْ مَاسُ بَادَ غَسْكِيَ؞ بَا كُوَ وَنِ بَمْبَنْثِ،

23غَمَا كُواْوَ يَيِ ذُنُوبِ، كُمَ كُواْوَ يَكَاسَكَيْ غَ دَرَجَرْ اللَّهْ ؞

24عَمَّا بِسَغَ أَلْحٜىٰرِنْ دَ اللَّهْ يَيِ وَكُواْوَ عَݣَوْتَا، كُواْوَ يَسَامِ ذَمَ مَرَرْ لَيْڢِے أَغَبَنْ اللَّهْ تَوُرِنْ ڢَنْسَرْ دَ أَلْمَسِيحُ عِيسَىٰ يَيِ؞

25اللَّهْ يَمِيڧَ عِيسَىٰ يَذَمَ هَدَايَ تَطَوْكَرْ أَلْحَكِنْ ذُنُبَنْمُ، دُواْمِنْ تَوُرِنْ جِنِنْ هَدَايَرْسَ ذَاعَ غَاڢَرْتَا وَمُتَنٜىٰ ذُنُبَنْسُ تَوُرِنْ بَنْ‌غَسْكِيَرْسُ؞ اللَّهْ يَيِ وَنَّنْ دُواْمِنْ يَنُونَ أَدَلْثِنْسَ، دُوانْ عَثِكِنْ حَڧُرِنْسَ يَڨَلٜىٰ ذُنُبَنْدَ عَكَيِ أَدَا؞

26تَهَكَ اللَّهْ يَنُونَ أَدَلْثِنْسَ أَوَنَّنْ لُواْكَثِ، سَبُواْدَ شِے دَ كَنْسَ مَيْ أَدَلْثِے نٜىٰ، كُمَ يَنَ سَا دُكْ مَيْ بَادَ غَسْكِيَ غَ عِيسَىٰ يَسَامِ ذَمَ مَرَرْ لَيْڢِے أَغَبَنْ اللَّهْ ؞

27تُواْ، عَكَنْ مٜىٰنٜىٰنٜىٰ ذَامُيِ تَاڧَمَ؟ أَيْ، بَا وَنِ أَبُ! تَوَنٜىٰ دَلِيلِ عَكَ كَوَرْدَ تَاڧَمَ؟ تَهَنْيَرْ كِيَايٜىٰ كُواْيَرْوَرْ مُوسَٰى؟ أَعَ، سَيْدَيْ تَبَنْ‌غَسْكِيَ؞

28غَمَا مُنْ أَمِنْثٜىٰ ثٜىٰوَ تَوُرِنْ بَنْ‌غَسْكِيَ نٜىٰ عَكَنْ سَامِ ذَمَ مَرَرْ لَيْڢِے أَغَبَنْ اللَّهْ ، بَتَوُرِنْ بِنْ أَيُّكَنْ كُواْيَرْوَرْ مُوسَٰى بَ؞

29كُواْ كُوَ اللَّهْ ، اللَّهْ نَ يَهُودَاوَا نٜىٰ، سُو كَطَيْ؟ أَشٜىٰ، بَنَمُتَنٜىٰنْ دَ بَا يَهُودَاوَا بَنٜىٰ كُمَ؟ ڨُورَيْ كُوَ، شِے مَا نَوَطَنْدَ بَا يَهُودَاوَا بَنٜىٰ كُمَ،

30غَمَا اللَّهْ طَيَنٜىٰ؞ ذَيْسَا مَاسُ كَاثِيَ سُسَامِ ذَمَ مَرَسَ لَيْڢِے أَغَرٜىٰشِ تَوُرِنْ بَنْ‌غَسْكِيَ، حَكَمَا مَرَسَ كَاثِيَ ذَاسُ سَامِ ذَمَ مَرَسَ لَيْڢِے تَوُرِنْ وَنَّنْ بَنْ‌غَسْكِيَ؞

31شِنْ، مُنْ كَوَرْدَ كُواْيَرْوَرْ مُوسَٰى كٜىٰنَنْ بِسَغَ وَنَّنْ بَنْ‌غَسْكِيَ؟ كُواْ كَطَنْ! أَ مَيْمَكُوانْ حَكَ، تَبَّتَرْ دَ عِتَ نٜىٰ مُكٜىٰيِ؞

← Chapter 2 Jump to: Chapter 4 →