Romans 15

Hausa Arabic 2020 (أَتَّوْرَتْ دَ أَنَّبَاوَا)

← Chapter 14 Jump to: Chapter 16 →

1مُو دَمُكٜىٰ مَاسُ ڧَرْڢِے ثِكِنْ بَنْ‌غَسْكِيَرْمُ يَا كَمَاتَ مُطَوْكِ نَوْيِنْ وَطَنْدَ بَاسُدَ ڧَرْڢِے، دُوانْ مُتَيْمَكٜىٰسُ ثِكِنْ كَاسَوَرْسُ؞ كَدَ كُمَ مُنُونَ حَلِنْ سُوانْكَيْ؞

2بَرِ كُواْوَ عَثِكِنْمُ يَڢَرَنْتَ وَ طَنْعُوَنْسَ رَيْ سَبُواْدَ أَمْڢَانِنْسَ دَ كُمَ غِنَاوَرْ بَنْ‌غَسْكِيَرْسَ؞

3غَمَا كُواْ أَلْمَسِيحُ مَا بَيْيِ سُوانْكَيْ بَ؞ كَمَرْ يَدَّ يَكٜىٰ أَرُبُوثٜىٰ ثٜىٰوَ «ذَاغٜىٰ ذَاغٜىٰنْ مَاسُ يِمَكَ ذَاغِ سُنْ ڢَاطُواْ عَكَيْنَ؞»

4غَمَا دُكْ أَبِنْدَ عَكَ رُبُوتَ تُنْدَا عَثِكِنْ رُبُوتَثِّيَرْ مَغَنَرْ اللَّهْ أَنْرُبُوتَ نٜىٰ دُواْمِنْ عَكُواْيَرْ دَمُو، دُواْمِنْ مُذَمَ دَ سَا ذُوثِيَا تَوُرِنْ جِمْرٜىٰوَ دَ ڧَرْڢَڢَاوَا وَطَنْدَ رُبُوتَثِّيَرْ مَغَنَرْ اللَّهْ سُكَنْ بَامُ؞

5بَرِ اللَّهْ مَيْ بَادَ جِمْرٜىٰوَ دَ ڧَرْڢَڢَاوَا يَكَيْكُ غَ يَدَّ ذَاكُيِ حَڧُرِ دَ جُونَ أَ سَعَدَّ كُنَ بِنْ غُرْبِنْ أَلْمَسِيحُ عِيسَىٰ ؞

6تَهَكَ دُكَنْكُ ذَاكُ كَسَنْثٜىٰ دَ بَاكِ طَيَ دَ نُڢِ طَيَ كُمَ، كُنَ طَوْكَكَ اللَّهْ وَنْدَ شِينٜىٰ عُبَنْ عُبَنْ‌غِجِنْمُ عِيسَىٰ أَلْمَسِيحُ ؞

7كُكَرْٻِ جُونَ حَنُّ بِيُ بِيُ كَمَرْ يَدَّ أَلْمَسِيحُ يَكَرْٻٜىٰكُ حَنُّ بِيُ بِيُ دُوانْ كُسَا أَطَوْكَكَ اللَّهْ ؞

8غَمَا إِنَ دَيْ غَيَ مُكُ ثٜىٰوَ دَلِيلِنْ دَ أَلْمَسِيحُ يَذَمَ مَيْيِنْ حِدِمَ غَ يَهُودَاوَا شِينٜىٰ دُواْمِنْ أَ نُونَ غَسْكِيَرْ كَلْمَرْ اللَّهْ ، عَكُمَ تَبَّتَرْ دَ أَلْكَوَرَنْ دَ عَكَيِ وَكَاكَنِّنْ كَاكَنِّنْسُ،

9دُوانْ كُمَ وَطَنْدَ بَا يَهُودَاوَا بَسُ طَوْكَكَ اللَّهْ سَبُواْدَ جِنْڧَنْسَ؞ كَمَرْ يَدَّ يَكٜىٰ أَرُبُوثٜىٰ ثٜىٰوَ «سَبُواْدَ وَنَّنْ، يَا عُبَنْ‌غِجِ ، ذَنْ يَبٜىٰكَ عَثِكِنْ أَلْعُمَّيْ، ذَنْ رٜىٰرَ وَاڧَرْ يَبُواْ غَ سُونَنْكَ؞»

10رُبُوتَثِّيَرْ مَغَنَرْ اللَّهْ تَسَاكٜىٰ ثٜىٰوَ «يَا كُو وَطَنْدَ بَا يَهُودَاوَا بَ، كُيِ ڢَضٍ ثِكِ تَرٜىٰدَ مُتَنٜىٰنْ اللَّهْ ؞»

11أَنْ ڧَارَ دَ ثٜىٰوَ «كُيَبِے عُبَنْ‌غِجِ ، يَا كُو وَطَنْدَ بَا يَهُودَاوَا بَ دُكَ، كُيِ مَسَ يَبُواْ، يَا كُو ڧَبِيلُ دُكَ؞»

12كُمَ عِشَايَ يَثٜىٰ، «وَنِ دَغَ تُوشٜىٰنْ يٜىٰسّٜىٰ ذَيْ بَيَّنَ، ذَيْ تَاشِ يَيِ مُلْكٍ وَطَنْدَ بَا يَهُودَاوَا بَ، أَغَرٜىٰشِنٜىٰ ڧَبِيلُ ذَاسُسَا ذُوثِيَا؞»

13بَرِ اللَّهْ مَيْ كَٰوُاْ سَا ذُوثِيَا يَبَاكُ ثِكَكّٜىٰنْ ڢَضٍ ثِكِ دَ سَلَمَ أَ سَعَدَّ كُكٜىٰ بَادَ غَسْكِيَ غَرٜىٰشِ، دُواْمِنْ كُيَلْوَتَ دَ سَا ذُوثِيَا تَوُرِنْ إِيكُوانْ رُوحُ مَيْ ڟَرْكِے ؞

14یَنْعُوَنَ، نِے دَكَيْنَ نَأَمِنْثٜىٰ ثٜىٰوَ كُو دَ كَنْكُ كُنَ ثِكٜىٰ دَ كِرْكِ كُنَ كُمَ ثِكٜىٰ دَ ثِكَكّٜىٰنْ سَنِ، حَرْ كُنْ إِسَ كُكُواْيَ وَجُونَنْكُ؞

15أَ رُبُوتُنَّنْ نَوَ نَڢِتَ أَ ڢِيلِ سُواْسَيْ إِنَ مَغَنَ عَكَنْ وَطَنْسُ أَبُبُوَ دُوانْ إِنْتُنَ مُكُ دَسُو؞ نَيِ وَنَّنْ كُوَ بِسَغَ أَلْحٜىٰرِنَّنْ وَنْدَ اللَّهْ يَيِ مِنِ،

16وَنْدَ يَسَا نِے إِنْ ذَمَ مَيْ حِدِمَرْ أَلْمَسِيحُ عِيسَىٰ غَ وَطَنْدَ بَا يَهُودَاوَا بَ؞ إِنَ عَيْكِنْ ڢِرِسْتِ تَوُرِنْ حِدِمَرْ شٜىٰلَرْ لَابَرِ مَيْ دَاطِے نَ اللَّهْ دُوانْ وَطَنْدَ بَا يَهُودَاوَا بَسُ ذَمَ هَدَايَ مَيْ كَرْٻُوَ غَ اللَّهْ ، وَطَنْدَ عَكَ ڟَرْكَكٜىٰسُ تَوُرِنْ رُوحُ مَيْ ڟَرْكِے ؞

17سَبُواْدَ حَكَ إِنَ عِيَيِنْ تَاڧَمَ ثِكِنْ أَلْمَسِيحُ عِيسَىٰ غَمٜىٰدَ عَيْكِنْ دَ نَكٜىٰيِ وَ اللَّهْ ؞

18بَذَنْيِ ڧَرْڢِنْ حَلِ إِنْيِ مَغَنَ غَمٜىٰدَ وَنِ أَبُبَ، سَيْدَيْ أَبِنْدَ أَلْمَسِيحُ يَعَيْكَتَ تَوُرِينَ؞ وَنَّنْ أَبُ كُوَ شِينٜىٰ يَدَّ عَكَ جَٰوُاْ وَطَنْدَ بَا يَهُودَاوَا بَ غَ يِنْ بِيَيَّ غَ اللَّهْ تَوَجٜىٰنْ مَغَنَاتَ دَ عَيْكِنَ،

19تَوَجٜىٰنْ إِيكُوانْ عَلَمُ دَ أَيُّكَنْ بَنْ مَامَاكِ، دُكَ كُوَ تَوُرِنْ إِيكُوانْ رُوحٌ اللَّهْ نٜىٰ؞ وَتُواْ دَغَ عُرُوشَلِيمَ نَكٜىٰوَيٜىٰ حَرْ ذُوَا إِلِرِكُمْ نَيِ شٜىٰلَرْ لَابَرِ مَيْ دَاطِے نَ أَلْمَسِيحُ ، حَرْ نَثِكَ عَيْكِنَّنْ دُكَ؞

20عَكُواْيَوْشٜىٰ نِيَّتَ عِتَثٜىٰ إِنْيِ وَعَظِنْ لَابَرِ مَيْ دَاطِے أَدُكْ عِنْدَ بَعَسَنْ أَلْمَسِيحُ بَ، دُواْمِنْ كَدَ يَذَمَ ثٜىٰوَ إِنَيِنْ غِنِ عَكَنْ تُوشٜىٰنْ دَ وَنِ نٜىٰ دَبَمْ يَكَڢَ؞

21أَ مَيْمَكُوانْ حَكَ، سَيْدَيْ كَمَرْ يَدَّ يَكٜىٰ أَرُبُوثٜىٰ ثٜىٰوَ «وَطَنْدَ بَعَتَٻَ ڢَطَا مُسُ لَابَرِنْسَبَ، ذَاسُ غَنِ، وَطَنْدَ بَسُ تَٻَجِنْ لَابَرِنْسَبَ، ذَاسُ غَانٜىٰ؞»

22وَنَّنّٜىٰ يَسَا سَوْ دَيَوَ عَكَ هَنَنِ ذُوَا وُرِنْكُ؞

23يَنْذُ كَمْ نَارِغَا نَاغَمَ عَيْكِنَ أَوُرَارٜىٰنَّنْ؞ تُنْدَيَكٜىٰ تُنْشٜىٰكَرُ مَاسُيَوَ إِنَ مَرْمَرِنْ ذُوَا وُرِنْكُ دُواْمِنْ إِنْ غَنْكُ،

24نَشِرْيَ إِنْظِيَرْثٜىٰكُ يَنْذُ؞ إِنَ ڢَاتَا ثٜىٰوَ أَ لُواْكَثِنْ دَ ذَنْ وُثٜىٰ ذُوَا ڧَسَرْ سِڢٜىٰنْ، ذَنْبِے تَوُرِنْكُ إِنْكَٰوُاْ زِيَارَ؞ إِنَ ڢَاتَا كُمَ بَايَنْدَ نَاجِ دَاطِنْ ذَمَ تَرٜىٰدَكُو نَطَنْ لُواْكَثِ، ذَنْ ثِيغَبَدَ تَڢِيَاتَ ذُوَا ثَنْ تَرٜىٰدَ تَيْمَكُوانْكُ؞

25يَنْذُ كَمْ ذَانِ عُرُوشَلِيمَ دُوانْ إِنْ كَيْ تَيْمَكُواْ وَڟَرْكَكَنْ دَسُكٜىٰ وُرِنْ؞

26جَمَعَرْ مَاسُبِے وَدَّ تَكٜىٰ أَ مَكِدُواْنِيَ دَ كُمَ أَ عَكَيَ سُنْ جِ دَاطِنْ بَادَ ݣَوْتَيْ دُواْمِنْ تَيْمَكُوانْ وَطَنْدَ سُكٜىٰ دَ رَشِ ثِكِنْ ڟَرْكَكَنْ عُرُوشَلِيمَ؞

27سُنْجِ دَاطِنْ يِنْ حَكَ، كُواْدَيَكٜىٰ لَلَّيْ وَنَّنْ كَمَرْ حَكِّ نٜىٰ عَكَنْسُ؞ دَيَكٜىٰ وَطَنْدَ بَا يَهُودَاوَا بَ سُنْ سَامِ نَاسُ رَبُوانْ أَلْبَرْكُنْ رُوحَنِيَ دَغَ يَهُودَاوَا، يَذَمَ مُسُ كَمَرْ بَاشِ كٜىٰنَنْ سُيِ أَمْڢَانِ دَ أَلْبَرْكُنْسُ نَدُونِيَا دُواْمِنْ سُبِيَ بُڧَاتَرْ يَهُودَاوَا؞

28إِنْ كُوَ نَغَمَا وَنَّنْ عَيْكِ، نَكُمَ تَبَّتَرْ ثٜىٰوَ نَدَنْڧَ مُسُ وَنَّنْ تَيْمَكُوانْ دَ عَكَ بَايَرْ سَبُواْدَسُو، ذَنْ كَامَ حَنْيَ ذُوَا سِڢٜىٰنْ، إِنْكُمَ كَٰوُاْ زِيَارَ سَعَدَّ ذَنْ وُثٜىٰ ذُوَا ثَنْ؞

29نَتَبَّتَرْ ثٜىٰوَ إِنْ نَا ذُواْ وُرِنْكُ، ذَنْذُواْ نٜىٰ دَ ثِكَكِّيَرْ أَلْبَرْكَرْ أَلْمَسِيحُ ؞

30یَنْعُوَ، سَبُواْدَ عُبَنْ‌غِجِنْمُ عِيسَىٰ أَلْمَسِيحُ دَ كُمَ بِسَغَ ڧَوْنَرْ دَ رُوحُ يَكٜىٰ بَايَرْوَ، إِنَ ضُواْڧُوانْكُ ثٜىٰوَ كُتَيْمَكٜىٰنِ ثِكِنْ ڢَامَتَا تَوُرِنْ يِنْ أَدُّعَ غَ اللَّهْ سَبُواْدَنِ؞

31كُيِ أَدُّعَ دُوانْ إِنْسَامِ ڟِيرَا دَغَ حَنُّنْ مَرَسَ بِے عَيَنْكِنْ يَهُودِيَ، دُواْمِنْ كُمَ تَيْمَكُوانْ دَ ذَنْ بَايَرْ أَ عُرُوشَلِيمَ يَذَمَ أَبِنْ كَرْٻَ غَ ڟَرْكَكَنْ دَسُكٜىٰ أَوُرِنْ؞

32تَهَكَ كُوَ، عِدَنْ نُڢِنْ اللَّهْ نٜىٰ، ذَنْعِسُواْ وُرِنْكُ دَ ڢَضٍ ثِكِ، إِنْكُمَ سَامِ هُوتَوَا تَرٜىٰدَكُو؞

33اللَّهْ مَيْ بَادَ سَلَمَ يَكَسَنْثٜىٰ تَرٜىٰدَكُو دُكَ؞ أَمِينْ؞

← Chapter 14 Jump to: Chapter 16 →