Romans 7

Hausa Arabic 2020 (أَتَّوْرَتْ دَ أَنَّبَاوَا)

← Chapter 6 Jump to: Chapter 8 →

1تُواْ، یَنْعُوَنَ، كُو دَ كُكٜىٰ مَاسُ سَنِنْ كُواْيَرْوَرْ مُوسَٰى، ذَاكُ غَانٜىٰ أَبِنْدَ ذَنْ ڢَطَا؞ كُواْيَرْوَرْ نَنْ تَكَنْيِ إِيكُواْ عَكَنْ مُتُمْ سَعَدَّ مُتُمِنْ يَنَدَ رَيْ نٜىٰ كَوَيْ؞

2مِصَالِ، مَثٜىٰ مَيْ عَوْرٜىٰ، كُواْيَرْوَرْ مُوسَٰى تَطَوْرٜىٰ تَغَ مِجِنْتَ سَعَدَّ مِجِنْتَ يَنَدَ رَيْ؞ عَمَّا عِدَنْ مِجِنْتَ يَمُتُ تَسَامِ یَنْثِ كٜىٰنَنْ دَغَ كُواْيَرْوَرْ نَنْ دَ تَطَوْرٜىٰتَ دَمِجِنْ؞

3سَبُواْدَ حَكَ عِدَنْ تَا عَوْرِ وَنِ دَبَمْ سَعَدَّ مِجِنْتَ يَنَدَ رَيْ، ذَاعَ ثٜىٰ دَ عِتَ مَيْ ظِنَ؞ عَمَّا عِدَنْ مِجِنْتَ يَمُتُ تَنَدَ یَنْثِ كٜىٰنَنْ بِسَغَ كُواْيَرْوَرْ طَوْرِنْ عَوْرٜىٰ؞ عِدَنْ كُوَ تَسَاكٜىٰ عَوْرِ وَنِ، عِتَ بَمَيْ ظِنَ بَثٜىٰ؞

4یَنْعُوَنَ، وَنَّنْ مِصَالِنٜىٰ غَمٜىٰدَكُو؞ تَوُرِنْ حَطَكُ دَ جِكِنْ أَلْمَسِيحُ كُنْ ذَمَ مَتَتُّو غَمٜىٰدَ إِيكُوانْ كُواْيَرْوَرْ مُوسَٰى، دُواْمِنْ كُذَمَ نَاسَ، وَتُواْ، نَوَنْدَ عَكَ تَادَ شِ دَغَ مَتَتُّو، دُواْمِنْ كُحَيْڢَرْ دَ رَايُوَا مَيْ أَمْڢَانِ غَ اللَّهْ ، كَمَرْ إِتَاثٜىٰنْ دَ يَحَيْڢِ یَیَ مَاسُ ݣَوْ؞

5غَمَا يَايِنْ دَ مُكَ كَسَنْثٜىٰ عَڧَرْڧَشِنْ إِيكُوانْ حَلِنْ مُتُنْتَكَ، كُواْيَرْوَرْ تَيِ تَظُغَ مُوغُوَرْ شَعَوَرْمُ؞ شَعَوَرْ نَنْ تَامُ كُمَ تَيِ تَعَيْكِ عَثِكِنْ جِكِنْمُ، كُمَ دُكَنْ أَيُّكَنْمُ سُنَ حَيْڢَرْ مَنَ مُتُوَ؞

6عَمَّا يَنْذُ كَمْ، مُنْ سَامِ یَنْثِ دَغَ إِيكُوانْ كُواْيَرْوَرْ مُوسَٰى غَمَا مُنْ مُتُ غَ أَبِنْدَ يَطَوْرٜىٰمُ؞ سَبُواْدَ حَكَ يَنْذُ مُنَ بَوْتَاوَ اللَّهْ ثِكِنْ سَابُوَرْ رَايُوَا تَ رُوحُنْسَ ؞ ڟُواْهُوَرْ بَوْتَرْدَ مُكَيِ وَرُبُوتَتُّنْ دُواْكُواْكِ تَوُثٜىٰ؞

7تُواْ، مٜىٰ ذَامُثٜىٰ كٜىٰنَنْ؟ كُواْيَرْوَرْ مُوسَٰى دَ كَنْتَ ذُنُوبِ ثٜىٰ؟ أَعَ، كُواْ كَطَنْ! أَيْ، بَايَدَّ ذَنْعِيَ سَنْ أَبِنْدَ يَكٜىٰ ذُنُوبِ عِدَنْ بَتَوُرِنْ كُواْيَرْوَرْ بَ؞ دَا عَثٜىٰ كُواْيَرْوَرْ بَتَڢَطَا ثٜىٰوَ «كَدَ كَيِ ݣُوطَيِنْ أَبِنْ وَنِ،» بَ، أَيْ دَا بَنْسَنْ أَبِنْدَ عَكٜىٰثٜىٰ دَشِ ݣُوطَيِبَ؞

8عَمَّا سَبُواْدَ عُمَرْنِنَّنْ، سَيْ ذُنُوبِ يَسَامِ ڧُواْڢَ يَظُغَ كُواْوَنٜىٰ إِرِنْ ݣُوطَيِ عَثِكِنَ؞ غَمَا عِدَنْ بَاتَرٜىٰدَ كُواْيَرْوَرْ بَ، ذُنُوبِ يَݣُونْتَ مَتَثّٜىٰ؞

9أَ دَا كَمْ أَ رَايٜىٰ نَكٜىٰ، سَعَدَّ بَنْ سَنْ كُواْيَرْوَرْ مُوسَٰى بَ، عَمَّا دَ نَسَنْ عُمَرْنِنْ، سَيْ ذُنُوبِ يَتَاشِ دَ رَيْ، نِے كُوَ نَمُتُ؞

10نَاكُوَ غَانٜىٰ ثٜىٰوَ عُمَرْنِنَّنْ دَ عَكَ نُڢٜىٰشِ يَكَٰوُاْ رَيْ، يَكُوَ جَٰوُاْ مِنِ مُتُوَ؞

11ذُنُوبِ يَسَامِ ڧُواْڢَرْسَ، كُمَ تَوُرِنْ عُمَرْنِنْ يَرُوطٜىٰنِ، يَكُمَ كَشٜىٰنِ؞

12سَبُواْدَ حَكَ كُواْيَرْوَرْ دَ كَنْتَ مَيْ ڟَرْكِے ثٜىٰ، عُمَرْنِنْ كُوَ مَيْ ڟَرْكِے نٜىٰ، مَيْ أَدَلْثِے نٜىٰ، نَغَرِ نٜىٰ كُمَ؞

13وَتُواْ، كُواْ ذَاعَ ثٜىٰ كُواْيَرْوَرْ نَنْ دَتَكٜىٰ مَيْ نَغَرْتَا تَجَٰوُاْ مِنِ مُتُوَ كٜىٰنَنْ؟ إِنَا! كُواْ كَطَنْ! تَوُرِنْ كُواْيَرْوَرْ نَنْ دَتَكٜىٰ مَيْ نَغَرْتَا ذُنُوبِ يَجَٰوُاْ مِنِ مُتُوَ، دُواْمِنْ عَبَيَّنَ عَيْنِحِنْ يَدَّ ذُنُوبِ يَكٜىٰ؞ وَتُواْ، تَوُرِنْ عُمَرْنِنَّنْ ذُنُوبِ يَڢِتَ أَ ڢِيلِ دَ إِيَاكَرْ مُونِنْسَ؞

14مُنْ دَيْ سَنِ ثٜىٰوَ كُواْيَرْوَرْ مُوسَٰى أَبُ ثٜىٰ تَرُوحُ؞ نِے كُوَ مَيْ حَلِنْ مُتُنْتَكَ نٜىٰ، بَاوَ كَوَيْ أَ حَنُّنْ ذُنُوبِ؞

15بَنْ غَانٜىٰ دَ أَبِنْدَ نَكٜىٰيِبَ؞ غَمَا أَبِنْدَ نَكٜىٰسُواْ إِنْيِ، بَ شِے نَكٜىٰيِبَ، كُمَ أَبِنْدَ نَكٜىٰڧِ، شِے نَكٜىٰيِ؞

16عِدَنْ كُوَ أَبِنْدَ نَكٜىٰيِ شِينٜىٰ أَبِنْدَ بَانَسُواْ إِنْيِ، نَايَرْدَ كٜىٰنَنْ ثٜىٰوَ كُواْيَرْوَرْ مَيْ نَغَرْتَا ثٜىٰ؞

17وَتُواْ، بَ نِنٜىٰ دَكَيْنَ نَكٜىٰ عَيْكَتَ وَنَّنْ أَبُ بَ، سَيْدَيْ ذُنُوبِنَّنْ دَيَكٜىٰ ذَمَ عَثِكِنَ؞

18نَسَنِ ثٜىٰوَ بَا وَنِ أَبُ مَيْ كِرْكِ وَنْدَ يَكٜىٰذَمَ عَثِكِنَ، وَتُواْ أَ حَلِنَ نَمُتُنْتَكَ؞ غَمَا إِنَدَ نِيَّرْيِنْ أَبِنْدَ يَكٜىٰ دَيْدَيْ، عَمَّا يِنْ حَكَ يَغَغَرٜىٰنِ؞

19بَانَيِنْ نَغَرْتَا وَدَّ نَكٜىٰسُواْ إِنْيِ، سَيْدَيْ إِنَ تَيِنْ مُغُنْتَارْ دَ بَانَ سُواْ إِنْيِ؞

20تُواْ، عِدَنْ إِنَيِنْ أَبِنْدَ بَانَ سُواْ إِنْيِ، وَنَّنْ يَنُونَ ثٜىٰوَ بَ نِنٜىٰ نَكٜىٰيِنْ وَنَّنْ أَبُبَ، سَيْدَيْ ذُنُوبِنَّنْ دَيَكٜىٰ ذَمَ عَثِكِنَ؞

21سَيْ نَغَ، أَشٜىٰ، يَذَمَ مِنِ ڧَٰعِدَ ثٜىٰوَ عِدَنْ إِنَ سُواْ إِنْيِ نَغَرْتَا، سَيْ إِنْ‌غَا مُغُنْتَا تَرٜىٰدَنِ؞

22غَمَا عَثِكِ ثِكِنْ ذُوثِيَاتَ، نَأَمِنْثٜىٰ دَ كُواْيَرْوَرْ اللَّهْ ،

23عَمَّا عَثِكِنْ غَٻُواْٻِنَ إِنَ غَنِنْ وَتَ ڧَٰعِدَ دَبَمْ وَدَّ تَكٜىٰ يَاڧِ دَ ڧَٰعِدَرْ دَ حَنْكَلِنَ يَطَوْكَ؞ وَنَّنْ كُوَ تَطَوْرٜىٰنِ غَ ڧَٰعِدَرْ نَنْ تَذُنُوبِ وَدَّ تَكٜىٰ ذَمَ عَثِكِنْ غَٻُواْٻِنَ؞

24كَيْتُواْنَ! أَبِنْ تَوْسَيِ نٜىٰنِ! وَنٜىٰنٜىٰ ذَيْثٜىٰثٜىٰنِ دَغَ جِكِنَّنْ مَيْ كَيْ غَ مُتُوَ؟

25غُواْدِيَ تَا تَبَّتَا غَ اللَّهْ غَمَا يَثٜىٰثٜىٰنِ تَوُرِنْ عِيسَىٰ أَلْمَسِيحُ عُبَنْ‌غِجِنْمُ! سَبُواْدَ حَكَ نِے دَكَيْنَ كُواْيَرْوَرْ اللَّهْ نَكٜىٰ بَوْتَاوَ دَ حَنْكَلِنَ، عَمَّا دَ حَلِنَ نَمُتُنْتَكَ كُوَ، ڧَٰعِدَرْ ذُنُوبِ نَكٜىٰ بَوْتَاوَ؞

← Chapter 6 Jump to: Chapter 8 →