Romans 5

Hausa Arabic 2020 (أَتَّوْرَتْ دَ أَنَّبَاوَا)

← Chapter 4 Jump to: Chapter 6 →

1سَبُواْدَ حَكَ تُنْدَيَكٜىٰ مُنْ سَامِ ذَمَ مَرَسَ لَيْڢِے أَغَبَنْ اللَّهْ تَوُرِنْ بَنْ‌غَسْكِيَ، مُنَدَ سَلَمَ دَ اللَّهْ كٜىٰنَنْ تَوُرِنْ عُبَنْ‌غِجِنْمُ عِيسَىٰ أَلْمَسِيحُ ؞

2تَوُرِنْسَ نٜىٰ مُكَ سَامِ شِغَ أَلْحٜىٰرِنَّنْ دَمُكٜىٰ ذَمَ عَثِكِ تَوُرِنْ بَنْ‌غَسْكِيَرْمُ؞ مُنَ كُمَيِنْ ڢَضٍ ثِكِ سَبُواْدَ مُنَ سَا ذُوثِيَا ثٜىٰوَ ذَامُ ذَمَ مَاسُ تَرَيَّ ثِكِنْ طَوْكَكَرْ اللَّهْ ؞

3بَهَكَ كَطَيْبَ، حَرْ مُنَڢَضٍ ثِكِ ثِكِنْ وَهَلُواْلِنْمُ، سَبُواْدَ مُنْ سَنْ ثٜىٰوَ وَهَلَ تَكَنْ جَٰوُاْ جِمْرٜىٰوَ،

4جِمْرٜىٰوَ تَكَنْ جَٰوُاْ حَلِنْ كِرْكِ، حَلِنْ كِرْكِ كُمَ يَكَنْ جَٰوُاْ سَا ذُوثِيَا؞

5سَا ذُوثِيَارْ نَنْ بَذَاتَ ذَمَ أَبِنْ بَنْظَبَ كُواْ كَطَنْ، غَمَا اللَّهْ يَظُبَ ڧَوْنَرْسَ ثِكِنْ ظُكَاتَنْمُ تَوُرِنْ رُوحُ مَيْ ڟَرْكِے وَنْدَ اللَّهْ يَبَامُ؞

6غَمَا أَدَيْدَيْ لُواْكَثِ، أَ سَعَدَّ بَمُ عِيَ تَيْمَكُوانْ كَنْمُبَ، أَلْمَسِيحُ يَمُتُ سَبُواْدَمُو، مُو مَرَسَ حَلِنْ اللَّهْ ؞

7دَݣَرْ نٜىٰ وَنِ يَمُتُ سَبُواْدَ مُتُمْ مَيْ أَدَلْثِے، كُواْدَيَكٜىٰ وَتَڧِيلَ وَنِ يَنَ عِيَيِنْ ڧَرْڢِنْ حَلِ يَمُتُ سَبُواْدَ مُتُمْ مَيْحَلِنْ كِرْكِ؞

8عَمَّا اللَّهْ يَتَبَّتَرْ مَنَ يَوَنْ ڧَوْنَرْسَ دَيَكٜىٰ تُنْ مُنَ مَاسُ ذُنُوبِ، أَلْمَسِيحُ يَمُتُ سَبُواْدَمُو؞

9تُواْ، تُنْدَيَكٜىٰ مُنْ سَامِ ذَمَ مَرَسَ لَيْڢِے أَغَبَنْ اللَّهْ تَوُرِنْ جِنِنْ أَلْمَسِيحُ ، بَلّٜىٰ ڢَا يَنْذُ، أَيْ، ذَاعَ ثٜىٰثٜىٰمُ دَغَ ڢُشِنْ اللَّهْ تَوُرِنْ أَلْمَسِيحُ ؞

10تُواْ دَيَكٜىٰ لُواْكَثِنْ دَمُكٜىٰ مَاسُ غَابَادَ اللَّهْ نٜىٰ عَكَ شِرْيَ ڟَكَانِنْمُ دَ اللَّهْ تَمُتُوَرْ طَنْسَ، بَلّٜىٰ ڢَا يَنْذُ دَ أَنْرِغَا أَنْشِرْيَ ڟَكَانِنْمُ دَ اللَّهْ ، ذَاعَ ثٜىٰثٜىٰمُ تَوُرِنْ رَايُوَرْ طَنْ كٜىٰنَنْ؞

11ڢِيٜىٰ دَهَكَ، حَرْ مُنَڢَضٍ ثِكِ سَبُواْدَ أَبِنْدَ اللَّهْ يَيِ تَوُرِنْ عُبَنْ‌غِجِنْمُ عِيسَىٰ أَلْمَسِيحُ ، وَنْدَ تَوُرِنْسَنٜىٰ عَكَ شِرْيَ ڟَكَانِنْمُ دَ اللَّهْ ؞

12تُواْ، كَمَرْ يَدَّ ذُنُوبِ يَشِغُواْ ثِكِنْ دُونِيَا تَوُرِنْ مُتُمْ طَيَ، ذُنُوبِنَّنْ كُوَ شِ يَجَٰوُاْ مُتُوَ، تَهَكَ مُتُوَ تَبِے تَشَاڢِ دُكَنْ یَنْ أَدَمْ، غَمَا كُواْوَ يَيِ ذُنُوبِ؞

13كَاڢِنْ عَبَادَ كُواْيَرْوَرْ مُوسَٰى، ذُنُوبِ يأَنَانً عَدُونِيَا؞ عَمَّا بَعَيِنْ لِسَّڢِنْ ذُنُوبِ عِنْدَ بَابُ كُواْيَرْوَا؞

14دُكْدَهَكَ مُتُوَ تَايِ مُلْكِ عَكَنْ مُتَنٜىٰ دُكَ دَغَ زَامَانِنْ ءَادَمُ ذُوَا زَامَانِنْ مُوسَٰى، حَرْ مَا تَيِ إِيكُواْ عَكَنْ وَطَنْدَ ذُنُبَنْسُ بَ نَكَرْيَ دُواْكَا بَنٜىٰ كَمَرْ يَدَّ نَ ءَادَمُ يَكَسَنْثٜىٰ؞ ءَادَمُ كُوَ ݣُوتَنْثِنْ وَنْدَ يَكٜىٰ ݣَوْتَرْ اللَّهْ مَيْ ذُوَانَّنْ؞

15عَمَّا ݣَوْتَرْ دَ اللَّهْ يَبَايَرْ تَوُرِنْ مَيْ ذُوَانَّنْ دَبَمْ تَكٜىٰ ڨُورَيْ دَ كَرْيَ دُواْكَرْ دَ ءَادَمُ يَيِ؞ غَاشِ، كَرْيَ دُواْكَا تَمُتُمْ طَيَنَّنْ تَجَٰوُاْ وَمُتَنٜىٰ دَيَوَ مُتُوَ؞ عَمَّا أَلْحٜىٰرِنْ اللَّهْ يَڢِ يَوَ، حَرْ ݣَوْتَرْسَ دَ يَيِ تَوُرِنْ أَلْحٜىٰرِنْ مُتُمْ طَيَنَّنْ، وَتُواْ عِيسَىٰ أَلْمَسِيحُ ، تَسَا بَبَّرْ أَلْبَرْكَ تَيَلْوَتَ غَ مُتَنٜىٰ دَيَوَ؞

16ڨُورَيْ كُوَ، ݣَوْتَرْ اللَّهْ دَبَمْ تَكٜىٰدَ ذُنُوبِنْ مُتُمْ طَيَنَّنْ؞ غَمَا حُكُنْثِنْدَ يَبِے بَايَنْ ذُنُوبِنَّنْ شِينٜىٰ حُكُنْثِنْ مُتُوَ، عَمَّا ݣَوْتَرْ دَ اللَّهْ يَبَايَرْ، عِتَثٜىٰ تَجَٰوُاْ مَنَ شَرِيعَرْ مَرَرْ لَيْڢِے أَغَبَنْسَ، كُواْدَيَكٜىٰ مُنْيِ ذُنُوبِ دَيَوَ؞

17تَوُرِنْ ذُنُوبِنْ مُتُمْ طَيَ، وَتُواْ ءَادَمُ، مُتُوَ تَيِ مُلْكِ عَكَنْ كُواْوَ، عَمَّا وَنَّنْ يِنْ مُلْكِ بَكُواْمٜىٰبَنٜىٰ عِدَنْ أَنْ‌ڠُودَاشِ دَ وَنْدَ مُتُمْ طَيَ، وَتُواْ عِيسَىٰ أَلْمَسِيحُ يَكَٰوُاْ غَ مَاسُ كَرْٻَرْ أَلْحٜىٰرِنْ اللَّهْ دَ ݣَوْتَرْسَ تَذَمَنْ أَدَلْثِے أَغَبَنْسَ؞ تَوُرِنْسَ نٜىٰ ذَاسُيِ مُلْكِ ثِكِنْ رَايُوَا؞

18سَبُواْدَ حَكَ، كَمَرْ يَدَّ كَرْيَ دُواْكَا تَمُتُمْ طَيَ تَجَٰوُاْ حُكُنْثِنْ مُتُوَ عَكَنْ كُواْوَ، حَكَكُمَ عَيْكَتَ أَدَلْثِے نَمُتُمْ طَيَ يَكَٰوُاْ أَلْبَرْكَ غَ كُواْوَ، وَتُواْ سَامُنْ ذَمَ مَرَرْ لَيْڢِے أَغَبَنْ اللَّهْ دَ كُمَ سَابُوانْ رَيْ؞

19كَمَرْ يَدَّ مُتَنٜىٰ دَيَوَ سُكَ ذَمَ مَاسُ ذُنُوبِ تَوُرِنْ رَشِنْ بِيَيَّرْ مُتُمْ طَيَ، حَكَكُمَ مُتَنٜىٰ دَيَوَ ذَاسُ ذَمَ مَاسُ أَدَلْثِے تَوُرِنْ بِيَيَّرْ مُتُمْ طَيَ؞

20دَلِيلِنْ دَ عَكَ شِغُواْ دَ كُواْيَرْوَرْ مُوسَٰى شِينٜىٰ دُواْمِنْ لَيْڢِے يَڢِتُواْ أَ ڢِيلِ؞ عَمَّا سَعَدَّ ذُنُوبِ يَڧَارُ، سَيْ أَلْحٜىٰرِنْ اللَّهْ يَڢِ ڧَارُوَ،

21دُواْمِنْ كَمَرْ يَدَّ ذُنُوبِ يَيِ مُلْكِنْسَ تَوُرِنْ مُتُوَ، حَكَكُمَ أَلْحٜىٰرِنْ اللَّهْ يَكٜىٰ مُلْكِنْسَ يَنْذُ تَوُرِنْ أَدَلْثِے، دُواْمِنْ يَكَيْمُ غَ رَيْ نَهَرْ أَبَدَا تَوُرِنْ عِيسَىٰ أَلْمَسِيحُ عُبَنْ‌غِجِنْمُ ؞

← Chapter 4 Jump to: Chapter 6 →