bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Corinthians 10
2 Corinthians 10
Ika 2018 Bible
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 11 →
1
Mmẹ wụ Pọlụ rị a rịọ ụnụ; m rị e gi nwayọ lẹ obi-ebere Kraịstị a rịọ ụnụ. Mmẹ hụn wẹ sị nị m'e ku ẹkẹrẹ-ẹkẹrẹ ihun ụnụ, kanị m pụ ebe ụnụ rị, a banmanị m ụnụ mban!
2
M rị a rịọ ụnụ, anịkwọlẹ nị m bịa a ganma m ụfọdụ kẹ m dọn nwan e rọ ẹ, ndị hụn rị e ro ni ẹnyi rị e bi kẹ ndị-ụwa.
3
Makẹni, ọsụọn'a nị ịhịan kẹ ẹnyi wụ, ẹnyi ara lụ agha kẹ ịhịan.
4
Makẹni, ihiẹn-ọgụn ẹnyi ẹlẹ nke ndị-ụwa, kama, ihiẹn-ọgụn ẹnyi wụ ikẹn Osolobuẹ, hụn wẹ gi e tikpọsọnmẹ ebe zeni lẹ ihiẹn ndị hụ zeni. Ẹnyi e wiwi iroro ile ghalẹni a kwadọn oku-Osolobuẹ
5
lẹ ihiẹn ọwụlẹ e bushi enwẹn ẹ elu e mẹ ịhịan amarịnlẹ Osolobuẹ; ẹnyi a nwụndọn iroro ile, e mẹ wẹ e kweyeni Kraịstị.
6
Ẹnyi a kwademẹgụọ igi afụnfụn sọn nnupụ-isi ile, omẹni ụnụ nwẹn e humẹchanrịnghọ isi ụzọ ile.
7
E leban nị ihiẹn ẹnya ọhụnma: omẹni o wegụọ ụnụ ẹnya ọhụnma-ọhụnma nị ụnụ wụ nke Kraịstị, nyanhankwọ nị nị ẹnyi wụzị nke Kraịstị kẹ ụnụ dọn wụ.
8
Di-nwọnni-ẹnyi ye ẹnyi ikẹn ẹnyi e gi du ụnụ: ikẹn ẹnyi e gi mẹ ụnụ sue imẹ okukwe — ẹlẹ ịdọtu ụnụ. Ya wụ, ọ sụọn'a nị m'e gikẹzi ikẹn ahụn a nyan isi, ọhụn emẹkọ m ifẹnrẹn.
9
Achọnị m n'ọ nọ kẹ sị m gi ẹhụhụọ-ozi m e rọn ụnụ egun.
10
Makẹni, o nwọn ndị a sị, “Ẹhụhụọ-ozi Pọlụ e ze eze, ẹlẹ wẹ ihiẹn wẹ gi e gu egu; kanị, ị hụn ya lẹ enwẹn ẹ k'ọ nọ, o zeni, onwọndẹni ihiẹn wẹ gi oku-ọnụ a e mẹ!”
11
Ndị rị e ku ẹnịna wẹ marịnkwọ nị ihiẹn hụ ẹnyi rị e de ebe ẹnyi rị ụzọ ọzọ kẹ ẹnyi jẹnkọ d'e mẹ ẹnyi bịa ebẹhụ.
12
Ẹnyi esọnkọkwọ ndị ahụn rị a ja enwẹn wẹ mma ma usue. Makẹni, wẹ gha e gi ibe wẹ e lele enwẹn wẹ, e gi ibe wẹ a ma enwẹn wẹ, wẹ rị a ghọsị nị aghọtanị wẹ.
13
Ẹnyi enwẹn, ẹnyi anyanghafekọ isi okẹn. Hụn rị ogbo Osolobuẹ keye ẹnyi rụn imẹ ọrụn oziọma sụọ kẹ ẹnyi e gi nyan isi. Ogbo ẹnyi hụ ru ebe ụnụ rị.
14
Ya wụ nị ẹnyi arụnghafeni ogbo ẹnyi ogẹn ẹnyi gi wẹhẹni ụnụ oziọma; ẹnyi wụdẹ nwan ndị ibuzọ bịa ebẹhụ teni ụnụ rị d'e zi ụnụ oziọma Kraịstị.
15
Ẹnyi ara kukarị enwẹn ẹnyi, e gi ihiẹn ndị ọzọ rụn a nyan isi. Ẹnyi rị e lee ẹnya nị okukwe ụnụ k'a gha e suewaye, kẹni ẹnyi nwọnwaye oghere ẹnyi e gi rụn ọrụn imẹ igunrun ụnụ,
16
ogẹn ahụn, ọ nị ẹnyi shi alị ndị ọzọ d'e zi oziọma. Oku igi ọrụn ndị ọzọ a nyan isi arịkọzị nwan.
17
Ẹkụkwọ-nsọ sị, “Onyẹ k'a nyan isi ya gi ihiẹn Di-nwọnni-ẹnyi nyan isi.”
18
Makẹni, ẹlẹ onyẹ hụn a ja enwẹn ẹ mma kẹ Osolobuẹ e ku oku ẹ ọhụnma, kanị onyẹ hụn Osolobuẹ ja mma.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 11 →
All chapters:
1
2
3
4
5
6
7
8
9
10
11
12
13