bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Corinthians 11
2 Corinthians 11
Ika 2018 Bible
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 12 →
1
K'ọ rị m ụnụ e din ndidin nị m zuzu ẹkẹrẹ. Dodo ni, nwọn ni ni m ndidin!
2
Ẹnya hụn a fụ Osolobuẹ rị a fụ m makẹ ọnọdị ụnụ. Ụnụ wụ nwagbọọ m kwe okẹnnyẹ ohu sụọ nkwa. Okẹnnyẹ ahụn wụ Kraịstị. M kwe ẹ nkwa nị m jẹnkọ d'e we ụnụ ye ẹ ebe ụnụ kelẹni marịn okẹnnyẹ.
3
Kanị, egun rị a tụ m amamgbe w'e dufie ụnụ kẹ Ekwensụ dọn gi ẹro dufie Ivu, e mẹ wẹ ụnụ febehi Kraịstị ofufe ezioku lẹ ofufe rụlẹni:
4
makẹni ụnụ a nabanhankazị onyẹ ọwụlẹ bịa d'e zimẹ ụnụ ozi Jesu ọzọ wụlẹni Jesu ẹnyi zi ụnụ ozi ẹ; ara fụ ụnụ ọrụn ịnabanhan mmọn ọzọ mọbụ oziọma ọzọ wụlẹni hụn ụnụ nwọnhẹn ẹka ẹnyi.
5
Kanị, eroni m'ẹ n'o nwọnghọ kẹ ndịnị ụnụ a kpọ “okẹn ndị-ozi pụ-ichẹn” dọn ka m.
6
Ikẹnkwọ a ma m ku oku; kanị, a marịnghọ m ihiẹn, ẹnyi e gigụọ ụzọ ile ghọsị ụnụ ọnwan imẹ ọnọdị ile.
7
M mẹdẹ nwan njọ m gi welụa enwẹn m alị zi ụnụ oziọma Osolobuẹ ọfẹ kẹni Osolobuẹ gi ẹ bushi ụnụ elu ra?
8
M'a kpachanpụdẹ ẹnya a narịn ụka ndị ọzọ ihiẹn wẹ e ye m bụ ụnụ kẹ m rị a rụnnị ọrụn.
9
Kẹ m rị imẹ igunrun ụnụ, ogẹn m gi nwọn mkpa, onwọnni onyẹ m buye ibu, makẹni umunẹ ẹnyi gha Masẹdonia bịa wẹhẹni m ihiẹn ile rị m mkpa. Ya wụ, mmẹ sị n'a wụkọ m ụnụ ibu olu. Ẹrịra k'o jẹnkọ d'a rịsọnmẹ: awụkọ nị m ụnụ ibu kaka!
10
Onwọnni ihiẹn jẹnkọ d'a saẹka napụ m ihiẹnni m gi a nyan isi imẹ Ẹgbẹrẹ Akaya ile, mmanị ezioku Kraịstị arịzị imẹ m!
11
Kị haịn nwan? Makẹni enwọn m ihiẹn-ọsụsụọ ụnụ? Mba. Osolobuẹ a marịnghọ nị m nwọn ihiẹn-ọsụsụọ ụnụ!
12
M jẹnkọ d'e mẹsọnmẹ ihiẹnni m rị e mẹ, amamgbe ndị hụ rị a nyan isi a hụn ihiẹn wẹ e gi sị nị ẹnyi lẹ wẹ wụ ohu.
13
Makẹni ẹlẹ wẹ ndị-ozi pụ-ichẹn nke-esi; ndị-ndufie kẹ wẹ wụ. Wẹ rịhụ a za ndị-ozi pụ-ichẹn Kraịstị e gi ẹ e kpumẹ ihun.
14
Ẹlẹ ihiẹn a tụ ẹnya, makẹni Ekwensụ lẹ enwẹn ẹ e mẹdẹ nọkẹsị ọ wụ mmọn-ozi ukpẹ!
15
Ya wụ nị ẹlẹ ihiẹn a tụ ẹnya omẹni ndị-ọrụn a hụ e mẹ nọkẹsị wẹ wụ ndị ọrụn Osolobuẹ. Wẹ jẹnkọ d'a narịn ụgwọ-ọrụn furu ihiẹn wẹ rị e mẹ.
16
Nị m kuzi ẹ: erokwọlẹ ni nị m wụ onyẹ-nzuzu! Kanị, omẹni ịya kẹ ụnụ rị e ro, weri ni m nwan rịkẹ onyẹ-nzuzu, kẹni m hụn ụzọ nyan isi ẹkẹrẹ.
17
Ẹlẹ Di-nwọnni-ẹnyi sị m ku ihiẹnni m chọ nị m gi nyan isi, mmẹ rịhụ e ku ẹ rịkẹ onyẹ-nzuzu.
18
Ebe o mẹ ni ndị bu ọda hụ e gi ihiẹn ịhịan-mmaka a nyan isi, mmẹ nwẹn jẹnkọ d'e mẹzi ẹrịra.
19
Ụnụ a marịnkazị ihiẹn, ọ sụọdẹ ụnụ ịnabanhan ndị nzuzu.
20
Ụnụ a nabanhanka onyẹ ọwụlẹ e mẹ ụnụ kẹ igbọn mọbụ e rigbu ụnụ mọbụ a tụnarịn ụnụ ihiẹn ụnụ mọbụ e mẹ nọkẹsị ọ rịka mkpa mọbụ a madẹ ụnụ ọra!
21
Ọsụọn'a nị ihiẹn ifẹnrẹn m rọ, nị m ku ẹ: obi ẹnyi ezeruni ẹrịra. Kanị, ihiẹn ọwụlẹ egun nị wẹ gi nyan isi, egun k'a nịzịkwọ m gi ẹ nyan isi: M rị e ku kẹ onyẹ nzuzu.
22
Omẹni wẹ wụ ndị Hibru, ya kẹ mmẹ nwẹn wụ; omẹni wẹ wụ ndị Izrẹlụ, ya kẹ mmẹ nwẹn wụ; omẹni wẹ wụ ụmụ Ebraham, ya kẹ mmẹ nwẹn wụzị;
23
omẹni wẹ wụ ndị-ọrụn Kraịstị, nị m kusọnmẹ rịkẹ onyẹ isi zulẹni oke, mmẹ ka wẹ onyẹ-ọrụn Kraịstị a wụ — makẹni mmẹ ka ọrụn a rụn, mmẹ ka ngan e jẹn, mmẹ kẹ wẹ ka mkpịnsịn a fịan — mgbe ole-lẹ-ole kẹ wẹ fịanpụ m mkpịnsịn. Ọnwụn a kpọsọnmẹzi m ihun.
24
Mgbe isẹn kẹ ndị Ju fịanpụ m ube mkpịnsịn ohu-arịa-ogụnnaị ahụn w'a fịan.
25
Mgbe ẹtọ kẹ ndị Rom fịanpụ m mkpịnsịn. A magụọ wẹ m ọmụma mgbe ohu. Mgbe ẹtọ kẹ ụgbọ-mirin m rị imẹ ẹ tikpọpụ. Ohimin e burughọ m akpọhịn ohu gbegbegbe — uhinhin lẹ efinnaị.
26
Ogẹn ile kẹ m gi a rị ụzọ-ijẹn; amarịn m ihiẹn k'e kunrun m elu iyi, ama m ebe m k'e ru kunrun ndị ohin; ndị alị m hụ a chọ isi m, ndị alị ọzọ hụzị a chọ isi m; nsọngbu a kpọsọnmẹ m ihun imẹ obodo lẹ imẹ atụ lẹ elu ohimin; nsọngbu ndị kpọ enwẹn wẹ ndị kwerini.
27
M'a rụngbu enwẹn m; m'a ta afụnfụn; m'e chusọnmẹ ụran; ụfọdụ ogẹn m'a ra hụn ri, m'a ra hụn ra; ihiẹn-oriri a kọsọnmẹ m; m'a rịsọnmẹ imẹ oyi; ẹkwa ara zu m ukun.
28
Wezụkadẹ ihiẹn ndịnị ile, ụhụọhịn ile kẹ m gi e ro ụka ile, e rogbu enwẹn m.
29
Onyẹ kẹ ndụn gụ hụn ndụn ọgụgụ a gụlẹni mmẹ nwẹn ndụn? Onyẹ danye imẹ njọ, ọ nọlẹni fụ m?
30
Omẹni m k'a nyanrịrị isi, ihiẹn ndị hụn a ghọsị nị ndụn arị m kẹ m'e gi nyan isi.
31
Osolobuẹ hụn wụ Chuku lẹ Nẹdi Di-nwọnni-ẹnyi wụ Jesu, onyẹ w'a ja mma jẹnrin ejẹn, a marịnghọ nị ẹlẹ m rị a tụ ntụ.
32
Imẹ obodo Damaskọsụ, Gọvanọ kị okpuru eze Arẹtasị butọ ndị-nche ọnụ-mgbọn obodo hụ kẹni ọ nwụndọn m,
33
kanị e gi wẹ ụkpalị gha oghere rị mgbọn ahụn wetu m, m nọ wanahịn a.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 12 →
All chapters:
1
2
3
4
5
6
7
8
9
10
11
12
13