bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Revelation 11
Revelation 11
Ika 2018 Bible
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 12 →
1
Ya wẹ nọ ye m ihiẹn wẹ gi a ma ihiẹn hụn nọ kẹ mkpịnsịn. Wẹ nọ sị m, “D'a ma Ụlọ-NSỌ Osolobuẹ lẹ ukpo nchụn-ẹjan, y'a gụn ndị rị ebẹhụ e fe ofufe.
2
Ka amalẹ ihun-ezi Ụlọ-NSỌ, hapụ ọhụn makẹni o bugụọ a che ẹka ndị alị ọzọ. Wẹ k'a zọ obodo nsọ hụ ụkụ ọrọgbọ ifọn ẹbụọ kwasị ọgụnnaị.
3
“M k'e ye ndị ọshẹri m ẹbụọ ikẹn ku oku-Chuku, ọrọgbọ akpọhịn ọgụn-ẹtọ kwasị nnụ-ẹtọ, (1,260), wẹ k'e yisọnmẹ achọ (ahịọ) wẹ gi a kwan ịhịan.”
4
Ndị ọshẹrini kẹ osisi olivu ẹbụọ lẹ obu-ukpẹ ẹbụọ hụ rị ihun Onyẹ-nwọn ụwa ile rị a ghọsị.
5
Onyẹ chọ n'ọ mẹ wẹ ihiẹn ọwụlẹ, ọkụn a gha wẹ ọnụ pụha dụngbu ndị ahụn rị a chọ nị wẹ mẹ wẹ ihiẹn — ẹrịra kẹ onyẹ chọ n'o mẹ wẹ ihiẹn k'a dọn nwụnhụn.
6
Wẹ nwọn ikẹn wẹ gi a kpọkin igwere mẹ mirin ezuelẹ ọrọgbọ hụ ile wẹ rị e ku oku-Chuku. Wẹ nwọnzi ikẹn wẹ gi e mẹ mirin rị elu ụwa e họnrin ẹdeke; wẹ nwọnzikwọ ikẹn wẹ e gi mẹ ụwa ihiẹn ọwụlẹ wẹ chọ ogẹn wẹ gi chọ a.
7
Wẹ shịagụ ẹri wẹ, eje-anụ hụ hụn k'a gha mgbugbu hụ migbu enwẹn ẹ pụha k'a lụsọn wẹ agha, mẹri wẹ, gbu wẹ.
8
Ozun wẹ k'a rị ụzọ ụwaya kanị rị obodo uku hụ wẹ gi “Sodọm” lẹ “Ijiptu” marịn imẹ-mmọn, obodo ohu hụ wẹ nọ kpọgbu Di-nwọnni wẹ.
9
Ndị rị ichẹn-ichẹn lẹ ebọn ichẹn-ichẹn lẹ asụsụ ichẹn-ichẹn lẹ alị ichẹn-ichẹn rị elu ụwa k'a gba ozun wẹ ilee ọrọgbọ akpọhịn ẹtọ lẹ mkpikpi, anịkọ wẹ wẹ li wẹ.
10
Ndị bi ụwa k'a rị a ghọghọ, e mẹ mmẹmmẹ, e yetarị ihiẹn, nị madụ ẹbụbụọ hụ a nwụnhụn, makẹni ndị oku-Chuku ẹbụọnị te bu afụnfụn tọnị ndị ile rị elu-ụwa.
11
Kanị o mẹpụ akpọhịn ẹtọ lẹ mkpikpi, Osolobuẹ nọ zihẹ ufere w'e gi rị ndụn, ọ ban imẹ wẹ, e lihi wẹ ọtọ, okẹn egun nọ bịa ndị hụnnị wẹ.
12
Ya wẹ nọ nụ okẹn olu gha elu-igwee sị wẹ, “Bịa nị elu ebeni!” Ya wẹ nọ buli elu, orukpu e weri wẹ shi elu-igwee, idẹnya ndị-iṅẹnrẹn wẹ rị e lee wẹ ile.
13
Ozigbo, alị nọ zinzin ọda-ọda, azụụn ohu imẹ obodo hụ nọ tikpọ, ọ họdụ azụụn itenẹi. Alị hụ zinzinni gbu madụ nnụ-uku ẹsa (7,000). Egun nọ tụkẹnmẹ ndị họdụnị, wẹ nọ kweri nị Osolobuẹ hụn rị elu-igwee e hikẹ ogbe.
14
Nsọngbu nke ẹbụọ a ghafegụọ; lee ẹ, nke ẹtọ lala ozigbo-ozigbo.
15
Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”
16
Ya kẹ ndị-isi ẹnọ kwasị ọgụn ahụn nọdịsọnmẹ ukpo wẹ ihun Osolobuẹ nọ fiẹnrin alị, fe Osolobuẹ,
17
a bụ ẹbụnị: “Ẹnyi rị e ye i ekele, Di-nwọnni ẹnyi, Chuku hụn nwọn ikẹn ile, onyẹ hụn rị kikẹnni, hụn rịzịkwọ mbụ. Makẹni y'e gigụọ ikẹn i hi-ogbe kịma.
18
Alị ile e te kpọghọ ọnụma; kanị y'e gigụọ iwe-lẹ-ọnụma ị mẹ wẹ ihiẹn. Ogẹn y'e gi kin ndị nwụnhụnnị ikpe e rugụọ. Ogẹn y'e gi kụ idibo i ụgwọ e rugụọ nwan — idibo i ndị-amụma — lẹ ndị-nsọ lẹ ndị a tụ egun i — kẹ ndị uku kẹ ndị nta. Ogẹn y'e gi tikpọ ndị rị e tikpọ ụwa e rugụọzị!”
19
Ya kẹ Ụlọ-NSỌ Osolobuẹ nọ gụnpụ imẹ elu-igwee: e lee Ẹkpẹti-nkwerigbama Osolobuẹ ebẹhụ. Amụma nọ besọnmẹ, igwere nọ dẹnsọnmẹ, akpara nọ hansọnmẹ; alị nọ zinzin, ẹkwan-igwere nọ dan ọda-ọda.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22