bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Revelation 9
Revelation 9
Ika 2018 Bible
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 10 →
1
Mmọn-ozi nke isẹn e gbu opi ẹ, m nọ hụn kokisẹ ohu hụn gha elu-igwee danye ụwa. Wẹ nọ ye kokisẹ hụ ịsanhan mgbugbu ahụn migbu enwẹn ẹ.
2
Ọ nọ gụnpụ mgbugbu hụ migbu enwẹn ẹ, ẹnwụnrụn nọ gha ebẹhụ lọpụhama kẹ ẹnwụnrụn okẹn ọkụn wẹ gi a dụnchanpụ unyin goru, nke wụnị ẹnyanwụn lẹ ufere nọ gitọ yeni ẹnwụnrụn a.
3
Ya igurube nọ gha imẹ ẹnwụnrụn hụ banhan elu-ụwa. Wẹ nọ ye igurube ndị hụ ikẹn gi mẹ ihiẹn akpị e mẹ elu-ụwa.
4
Wẹ nọ sị wẹ egbulẹ ẹfịfịa rị elu-ụwa mọbụ osisi mọbụ ihiẹn-akụnkụn ọwụlẹ, ka wẹ gbu ndị ahịma Osolobuẹ rịlẹni ezimezi ihun sụọ.
5
A nị wẹ wẹ ye wẹ afụnfụn ọrọgbọ ifọn isẹn, kanị anịnị wẹ wẹ gbu wẹ. Wẹ gba ịhịan, ọ tụrụ kẹ ebe akpị nọ gba ịhịan.
6
Ogẹn ahụn, ịhịan k'a chọ ọnwụn, ahụnkọ wẹ ọnwụn; ọnwụn k'a rị a gụn wẹ, kanị ọnwụn k'a gbanị wẹ ọsọ.
7
Igurube ndị ahụn nọ kẹ ẹshin wẹ kwademẹgụ agha; ihiẹn nọ kẹ okpu-eze goru rịsọnmẹ wẹ isi; ihun wẹ nọ kẹ nke ịhịan.
8
Ntutu wẹ sue kẹ ntutu ikpoho; eze rị wẹ ọnụ nọ kẹ nke ẹwọrọ.
9
Obi wẹ rị kẹ igwe onyẹ-agha gi e gbọndọn obi; nku wẹ hụ a zụn ụzụn kẹ ebe ẹshin bu ọda dọkpụnkọ ụgbọ-anyịnyan zụnbankọ ọgbọ agha.
10
Wẹ nwọnsọnmẹ ọdụndụn nọ kẹ nke akpị. Ọdụndụn ahụn kẹ wẹ gi a gba ịhịan ẹdide wẹ gi a hụnjun ẹnya ọrọgbọ ifọn isẹn.
11
Eze igurube ndịnị wụ eje-mmọn ahụn mgbugbu hụ migbu enwẹn ẹ rị ẹka a. Ndị Hibru a kpọ a Abadọnụ, ndị Griki a kpọ a Apolịọnụ.
12
Nsọngbu nke ibuzọ a ghafegụọ; lee ẹ, ẹbụọ lalazị.
13
Mmọn-ozi nke isin e gbu opi ẹ, m nọ nụ kẹ olu gha mpịn ẹnịnọ rị ntịn ẹnịnọ ukpo nchụn-ẹjan goru hụ rị ihun Osolobuẹ rị e ku oku.
14
Olu hụ nọ sị mmọn-ozi nke isin hụn gi opi, “Tọpụ mmọn-ozi ẹnọ hụ wẹ kẹnmẹtọ okẹn iyi Yufretisi!”
15
Wẹ nọ nwan tọpụ mmọn-ozi ẹnọ hụ wẹ kwademẹtọnị ogẹn ahụn, ụhụọhịn hụ, ifọn hụ lẹ ahụa hụ — wẹ nọ nwan tọpụ wẹ nị wẹ gbupụ ụzọ ohu imẹ ịhịan ile rị elu-ụwa, gbuhọdụ ụzọ ẹbụọ.
16
Ndị-agha gi ẹshin rị ijẹri-ọhụn ọgụn-iri (200,000,000). A nụghọ m ole wẹ rị.
17
Lee kẹ m dọn hụn ẹshin ndị ahụn imẹ ọhụn ahụn m hụn: ndị rị e nyinni wẹ yisọnmẹ ihiẹn igwe wẹ gi e gbọndọn obi wẹ — hụn wẹ tekwama ihiẹn e nwun kẹ ọkụn lẹ ihiẹn e nwun bru-bru lẹ ihiẹn e nwun kẹ nsịn-ẹnyanwụn. Isi ẹshin ndị hụ rị kẹ nke ẹwọrọ. Ọkụn lẹ ẹnwụnrụn lẹ nsịn-ẹnyanwụn hụ a gha wẹ ọnụ a pụha.
18
Ya wẹ nọ gi eje-ihiẹn ẹtọ hụ rị a gha ẹshin ndị hụ ọnụ a pụha, hụn wụ ọkụn lẹ ẹnwụnrụn lẹ nsịn-ẹnyanwụn, gbupụ ụzọ ohu imẹ ịhịan ile rị elu-ụwa, gbuhọdụ ụzọ ẹbụọ.
19
Ọnụ ẹshin ndị ahụn lẹ ọdụndụn wẹ kẹ ikẹn ẹshin ndị hụ rịsọnmẹ. Ọdụndụn wẹ nọsọnmẹ kẹ agwọ nwọn isi, ịya kẹ wẹ gi e mẹ ịhịan ihiẹn.
20
Ndị họdụ elu ụwa ihiẹn ndịnị gbulẹni ebihutọkwọnị mẹbehi eje-ihiẹn wẹ rị e mẹ — efebehini wẹ eje-mmọn lẹ mmọn goru lẹ siliva lẹ igwe-bronzu lẹ mmọn wẹ gi ọmụma lẹ osisi pịn ghalẹni e legha ụzọ mọbụ a nụ ihiẹn mọbụ e jẹn ijẹn,
21
egbubehini wẹ ọchụn, ebubehini wẹ nshi, akụsịnị wẹ ughẹrẹ lẹ Izun-ohin.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22