bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Revelation 14
Revelation 14
Ika 2018 Bible
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 15 →
1
E lezi m ẹnya, m nọ hụn Nwa-ebulu hụ k'o turu elu Ugu Zayọnụ, ya lẹ mmadụ nnụ ọgụn-mmẹsatọ wẹ deye ẹfan a lẹ ẹfan Nẹdi ẹ ezimezi ihun wẹ.
2
M nọ nụzị olu gha elu-igwee bịa. Oluni nọ kẹ okẹn mirin rị e huni, ọ nọ kẹ okẹn akpara (akpabọ), ọ nọzị kẹ ebe wẹ nọ a kpọ ụbọ.
3
Mmadụ nnụ ọgụn mmẹsatọ ahụn hụ a bụ ẹbụ ọhụn ihun ukpo-eze ahụn lẹ ihiẹn ẹnọ ahụn rị ndụn lẹ ndị-isi ahụn. Onwọnni onyẹ saẹka mụnrụn ẹbụ hụ wezụka mmadụ nnụ ọgụn-mmẹsatọ hụ wẹ gha imẹ ụwa gbapụha.
4
Ndịnị wụ ndị gilẹni ikpoho mẹrụ enwẹn wẹ, wẹ wụ ikẹnnyẹ marịnlẹni ikpoho. W'e sọn Nwa-ebulu hụ ebe ọwụlẹ o jẹnkọ. Osolobuẹ lẹ Nwa-ebulu hụ a ghagụọ imẹ ịhịan ile gbapụha ndịnị nọkẹ mkpụrụ-ibuzọ.
5
Anụtuni wẹ ntụ ọnụ wẹ; enwọn wẹ nkọrịanị.
6
M nọzị hụn mmọn-ozi ọzọ k'o fekọ imẹ elu. O gi oziọma itẹbitẹ hụn o k'e zi ndị ile bi elu-ụwa — ndị alị ile lẹ ebọn ile lẹ asụsụ ile lẹ ndị ile.
7
Ọ nọ gi okẹn olu sị, “Tụ nị egun Osolobuẹ, ụnụ e ye ẹ ọghọ, makẹni ogẹn o k'e gi kin ikpe e rugụọ. Ẹghẹẹ, fe ni Onyẹ hụn ke elu-igwee lẹ ụwa lẹ ohimin lẹ isi-iyi ile!”
8
Mmọn-ozi ọzọ, hụn mẹ ẹ ẹbụọ, nọ pụha, a sị, “Ọ dangụọ! Obodo uku ahụn wụ Babilọnụ a dangụọ! Okpoho ahụn mẹ alị ile ra manya a hụn wụ ịgbaraja a!”
9
Mmọn-ozi ọzọ, hụn mẹ wẹ ẹtọ nọ pụha, gi okẹn olu yikọ, “Onyẹ fe eje-anụ hụ lẹ enwẹn ẹ mọbụ hụn wẹ kpụ mọbụ narịn ahịma a ezimezi ihun mọbụ ẹka,
10
o k'a ra manya ahụn wụ iwe-lẹ-ọnụma Osolobuẹ hụn Osolobuẹ gburọlẹni, o k'e gi mkpu iwe-lẹ-ọnụma a ye wẹ ya. Wẹ k'e gi ọkụn lẹ nsịn-ẹnyanwụn ye wẹ eje-afụnfụn idẹnya ndị mmọn-ozi rị nsọ lẹ idẹnya Nwa-ebulu hụ;
11
ẹnwụnrụn ọkụn hụ wẹ gi a dụn wẹ alọbehikọ, makẹni wẹ k'a ta eje-afụnfụn ahụn jẹnrin ejẹn. Kẹ uhinhin kẹ efinnaị, ezumikẹn arịkọnị ndị hụ sikọ d'e fe eje-anụ hụ lẹ enwẹn ẹ mọbụ hụn wẹ kpụ lẹ onyẹ ọwụlẹ narịn ahịma wẹ gi marịn a.”
12
Ọnwan chọ ndidin ẹka ndị nsọ, ndị e mẹ ihiẹn Osolobuẹ ku, kwerini Jizọsị jẹnrin ejẹn.
13
M nọ nụ olu gha elu-igwee sị, “De ihiẹnni: gha ogẹnni jẹnmẹ, ngọzi jẹnkọ d'a rịnị ndị nwụntọ imẹ Di-nwọnni-ẹnyi!” “E nwọngụọ wẹ ngọzi nke-esi! Wẹ k'e zu ikẹn ọrụn wẹ, ri ihiẹn wẹ rụn!” Ịya kẹ Mmọn-nsọ ku.
14
Ya kẹ m nọ lee ẹnya, m nọ hụn orukpu ọchan. Onyẹ nọdị alị elu orukpu hụ nọ kẹ Nwa nke Ịhịan. O kpu okpu-eze goru. Ọpịa gọrịnị tụ nkọ wẹ gi e be ọka hụ a ẹka.
15
Mmọn-ozi ọzọ nọ gha imẹ Ụlọ-nsọ pụha, weshi olu elu sị onyẹ hụ nọdị alị elu orukpu, “Gi nwan ọpịa ị ahụn ghọrị ihiẹn ugbo, nị ogẹn e rugụọ w'e gi ghọrị mkpụrụ, makẹni mkpụrụ ụwa mị a kachanrịngụọ.”
16
Ya kẹ onyẹ ahụn nọdị alị elu orukpu nọ fe ọpịa a ahụn gọrịnị ye elu ụwa, ghọrị mkpụrụ ụwa mị.
17
Mmọn-ozi ọzọ nọ gha Ụlọ-nsọ hụn rị elu-igwee pụha, ya nwẹn gizikwọ ọpịa gọrịnị tụ nkọ.
18
Ya Mmọn-ozi ọzọ nọ gha ukpo nchụn-ẹjan pụha. Ịya kẹ ọkụn ile rị ẹka. Ọ nọ weshi olu elu sị mmọn-ozi hụ gi ọpịa gọrịnị tụ nkọ, “Gi nwan ọpịa ị hụ tụ nkọ beri ọhịọ ile vaịnị ụwa mị, makẹni mkpụrụ a a changụọ!”
19
Ya mmọn-ozi ahụn nọ fe ọpịa a ahụn ye elu-ụwa, beri vaịnị rị ụwa, tụ wẹ ye ebẹhụ hi-ogbe Osolobuẹ nọ a ghọsị iwe-lẹ-ọnụma a, a zọkpọ ndị-njọ kẹ vaịnị.
20
Ẹlẹ imẹ obodo kẹ wẹ nọ zọkpọ wẹ. Ẹdeke hụ a gha ebẹhụ e hupụha lekẹ iyi, iyi k'e ru ịhịan isi-uvun; o husọnmẹ d'e ru maịlị isin kwasị ọgụn-itenẹi gbegbegbe!
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22